瀛喜日本料理 (Closed)

睇到最近有食評講坐到好逼畢竟我兩個月前去食我果日食八點半.我同bf兩個人坐佐張六人枱對住坐另一pair人就坐佐另一邊.中間可以擺野食.我就覺唔太逼刺身幾好味三文魚同貝柱order佐兩次甜蝦都好好食..但佢個切法好奇怪 尾果度好多無切出黎.得反好少肉食壽司兩個人既份量.bf見到張紙瘋狂咁點好彩黎到飯既份量都唔太多松露三文魚既松露都幾多花之戀包得好靚.無散開炸物既粉都唔厚又脆蝦多士呢樣野好多放題會見到佢又整得幾好味.可惜之前我地食佐太多壽司結尾有個3.6牛乳布甸! 無影到相!

好抵食既放題，九點半後有二人同行一人半價優惠，兩個人都係300蚊有找找，成個場都係客，所以記得嚟食一定要bk位啊！呢度落單上菜都好快，有效率 兩個人食都叫咗好多野食，好飽啊 好多選擇揀呢度，熱食做得尤其出色，全部都熱辣辣咁上一定要食，等我逐樣逐樣寫啦：刺身：刺身好夠凍，三文魚好肥好鮮甜，八爪魚好煙韌好好趙，鮑片好甜必汁必食 ，甜蝦都好正芝麻八爪魚：粒粒都好大粒好大個頭，好夠醬，好好趙壽司：花之戀壽司好夠三文魚好多沙律醬，有兩大塊三文魚包住舊飯，海鰻壽司好正，好多汁，入口即融，火炙蟹棒壽司蟹棒好juicy，一絲絲好好味軍艦壽司：紫菜好脆芥辣八爪魚好夠辣，好工鼻正，黃金魷魚魷魚好多條好滑，slurp一聲就吸咗入口，蟹子軍艦好多蟹子掉曬出嚟咁多，粟米沙律軍艦沙律醬同粟米好均勻帆立貝牛油燒：一碟有好多粒，好香好好味，唔痴牙牛油粟米：好重牛油味，夠乾身，粒粒分明，好多粒椒鹽魷魚鬚 ：好脆好脆，層粉唔太厚好適中，唔會太鹹，好推薦食呢個，我地仲encore咗添炸物：芝麻雞翼連埋雞翼尖架，好香好脆，好大隻，值得推介，芝士年糕好煙韌，係圓形個d，好大舊，日式餃子好多餡，薯餅係薯容餡好特別，唔同你

我本來係九龍果邊住既，平日基本上冇咩事都唔會入元朗一次，不過今次咁岩個FRD係外國番黎，咪一齊入去元朗佢囉！到左夜晚想食飯，個FRD話係外國好耐冇食日本嘢，就貪個就腳，係樓下食左E間－－－－瀛喜日本料理。通常食得放題都預左刷番餐魚生先，所以個人認為，身為頭盤既魚生，係決定左食客對成間餐廳的感覺。就好似人同人之間的第一印象，FIRST IMPRESSION好，食客或多或少都會對餐廳一好印象，之後食落去都條氣會順D。但放題鋪係任食既，以三文魚為例，要求佢下下比至靚既有油香既三文魚腩比客人食，又似乎有D強人所難。所以必須平衡，質VS量，E間鋪用既三文魚講真唔係咁TOP，但其實唔差，有中上水準，係放題舖黎講，係合格有突，ABOVE MEAN。我地幾個淨係三文魚，大大話話都食左近200切。 食完魚生就食壽司，又講真，放題E家嘢係食客角度，壽司可免則免，無計，因為限時任食，入得去一定想食多D先覺得自己抵架，人性。咁壽司，咪就係多舊飯囉，多舊飯呀！！！！大家都怕食埋舊飯會飽，淨係食舊魚生又怕人地覺得唔比面，比人話哂嘢，唔好意思，所以，壽司果張紙都唔係咁多人有攞起過。但我咁岩見佢有火炙壽司，

由於工作需要，在天寒地凍的日子與同事由中環來到元朗，入夜後還要下起雨來，兩人也沒有帶傘子，微微細雨⋯雨中漫步⋯是浪漫還是慘情呢⋯？其實感覺也蠻慘的，但好境不常的是，同事說好了要帶我到元朗吃大大件壽司，但中午時分竟跟我說該舖不見了. . .！不知是搬了還是結業了，唯有轉到另一間吧. . .經另一位同事介紹了一間款式甚多，價錢中等的放題，放工就同j小姐一同前往了先看看價錢:星期一至四 :- 6:30 前或 9:30 後入座 $176(成人)／$108(小童)- 6:30-9:30 前入座 $198(成人)／$108 (小童)星期五、六日：需多加$10另外全晚還有88折優惠，早一天訂座還附送象拔蚌/海膽/鮑魚～以元朗來說，價格中庸，但食物款式好像選擇甚多，就入內一試吧～踏進店內，就能看到水吧位置，長長雪櫃內，放滿了林林總總的刺身，而環境方便，則比較普通，沒有華麗的裝修，感覺較為家庭式，左右分別設有兩排長沙，再放滿了密密麻麻的方桌，坐與位之間的位置比較狹窄再看看點餐紙，共有16張，分們別類，包括了：壽司、刺身、一品料理、燒焗精選、炸物、天婦羅、卷物、煮物、串燒、小食沙律、軍艦、手卷、飲品及甜品

之前細妹食過話唔錯，所以就約埋三五知己去試下，因為早幾日訂位，所以有88折，因為星期五晚，去到已經好多人等位，BOOK左檯都要等一陣先入得。如果大家想食記得提早訂檯，因為間野唔大，都好FULL下!呢度主要係日式食物，刺身選擇都算多，而且新鮮甜美，不過就切得比較細件。刺身有三文魚、吞拿魚、甜蝦、希靈魚、小貝柱、馬刀貝等等，樣樣都幾新鮮，推介馬刀貝，又爽又甜，好味!壽司選擇都唔少，而且質數幾好，推介小型版花之戀，朋友仔話軍艦都好味，芥末魷魚夠新鮮。呢度做得唔錯的熱食係炸物，睇下我地幾個食完一大盤仲可以encore就知道啦! 炸物推介芝士年糕，但最好留到最後先食，因為食完實在會好飽，但又軟又有流心芝士，好正嫁~另外，吉列蠔都好味，唔係超細粒，外脆內軟! 朋友推介蝦多士，都係encore之選，芝麻雞亦都值得一試，其他餃子同吉列蝦就比較普通。燒物亦做得幾好，我地都試左好多款，最好味係燒羊架、燒三文魚頭，仲有燒蒜芯，燒金菇肥牛卷都ok，至於燒雞同燒腸嗰d就可以唔食都得。其他必食推介: 蒜片牛柳粒、芝士焗青口:天婦羅不過不失，選擇唔算多，比較特別係有秋葵天婦羅，裡面釀左蝦膠，喜歡食秋葵的朋友可以一試

元朗日式放題，建議先訂位（爆滿）！ 提前訂位還有海膽送。餐紙內容多樣，上菜速度快、熟食夠熱，不欺場。值得推薦，聚餐或慶生的好地方！今晚唯一的缺點是對著大門囗，冷冷的風呀.....