老三火鍋 (Closed)

牛魔王同鍾情於打邊爐嘅我，聽聞呢間打邊爐材料好新鮮好味，價錢又好合理抵食，所以就來一試～叫咗個鹹菜豬肚窩＄68，冇諗過個窩已經咁多料，啲豬肚多到食唔晒，好足料好入味新鮮～兩個牛魔王叫咗個美國肥牛＄68，冇諗過＄68會咁大碟同埋質素咁好，好味太有口感，好有牛味～ 推介!!白牛柏葉$38，切得都大大塊，就算煮熟左，你都會搵得返，好爽口新鮮～炸腐皮$38，新鮮即炸，好脆，好味，推介!!另外呢到有啲好特別嘅丸係出面少有嘅，蟹子包心丸＄38，一咬入邊有好多蟹子，好入味～ 同埋芝士豆腐丸＄38，一咬啲芝士bit晒出嚟，好特別，好好味!! 出面未見過～ 值得推介呢兩個丸，材料好新鮮!!韭菜餃＄38，魚皮餃＄38，金菇＄24，芋絲＄24～係食緊時，啲侍應個個都服務好好，會自己主動幫你"不"走湯上面啲油，仲要不停幫你斟茶，係唔使叫佢哋都自動自覺，值得一讚～總括呢間火鍋d材料真係新鮮好味，價錢好抵，貨真價實，服務又好好，值得encore!!

老三總是幫襯長沙灣，與朋友二人今次到旺角店一試。20:00到達沒訂座仍可即時入座，但大部份檯已坐滿，旺角店沒甚裝修，牆壁貼滿食品介紹。開始點鍋料，老三的鍋料大部份也可以雙併，可以試到較多款式，1. 老鴨湯(半隻) - 老三的老鴨湯好味沒話可說，今次店員較詳細介紹湯料，除杞子、紅棗、素翅等，還有酸蘿蔔，令湯底幫點點酸味，火鍋前先加蔥喝湯，好喝。2. 超級靚肥牛 - 賣相不錯，脂肪均勻，但吃入口除有牛味外就較韌，一般。3. 大蜆 - 好大隻夠新鮮，甜美肉滑，好吃。4. 花枝片併水魷魚 - 花枝片夠甜，水魷魚夠爽口。5. 牛柳粒併白鱔片 - 牛柳粒略嫌不夠肥仍牛味重，白鱔片不脆帶點腥。6. 牛胸爽肉 - 我的至愛，外觀像肥膏食落爽口像軟骨，牛味重好食，但切得太大片。7. 肥鵝腸併午餐肉 - 鵝腸厚膏入口滑溜帶爽，午餐肉火鍋一流，湯底滲透入午餐肉，好食。8. 花膠筒併廣島蠔 - 只得三隻蠔及三件花膠筒，看上去像很小，廣島蠔很重蠔味，花膠筒一般。9. 炸腐皮 - 一放入鍋內立即夾起，仍帶脆又有湯汁，不錯。整體食品水準不俗，與長沙灣店品質一樣。內在環境雖然簡單但感覺乾淨。另外叫了多支啤酒。