Orange Elephant Thai Restaurant (啟德道)

Open Now

Now Closed

Open rice又幾多Like woo望埋門口個午餐menu 又好平woo 入去lu~~~🏃‍♀️💨大概每個餐40幾蚊，包餐飲。但可能價錢太平 相對質素都係咁上下，唔屬於”平靚正”😗對個炒河仲有少少🤏失望成碟河得兩片定三片 好細嘅豬頸肉😓不如直接改 炒素河 或者 用平啲啲嘅豬肉絲 都無咁嬲🤦‍♀️ 仲要好辣香茅豬扒飯 塊豬扒好薄 所以好dry🤗🤗唯有同自己講句 🤭$40幾蚊 你想點但都有好好食嘅 炸蝦餅大大件又彈牙 跟餐加配$18有一件炸蝦餅同一件糕點～～超級推介見其他枱有點正餐牌食物。 我估係午餐質素普通。正價餐牌食物應該有保證 吧？😛 心里係咁諗😂😂 始終好多餐廳午餐同晚餐食物味道係有分別。

九龍城係泰國餐廳集中地, 選擇較多, 途中經過見到Orange Elephant 門外展示了HK$1美食, 一星期每日有唔同菜式, 正正今日有我最愛既蝦餅! 就決定入呢間食餐泰國菜。平日晚, 餐廳內人流不少, 地方企理Menu上有齊泰菜大路款式, 例如生蝦刺身、冬蔭功、咖哩系列等等...是日HK$1 【炸蝦餅】雖然只係HK$1, 但份量同質素一D都唔馬虎! 表面不會太油, 入口好脆, 蝦餅鮮甜, 略帶彈牙, 配上甜酸醬, 味道提升!【椰青】HK$42每次食泰菜必點, 冰凍椰青水非常清甜, 可以刮到入面薄薄果肉【椰汁珍多冰】HK$28朋友就揀左珍多冰, 椰香味重, 但有D甜, 待冰溶左D, 甜度可以平衡一D~【泰式海南雞】半隻 HK$118第一次食海南雞係熱辣辣, 熱得出煙。肉質都幾嫩, 點上兩款海南雞醬, 辣辣地又幾好食。【椰青焗海鮮飯】HK$104熱辣辣上檯, 飯質濕潤, 有淡淡椰汁香, 入面有提子乾、青豆、兩隻蝦同埋魷魚, 整體味道較清。

有個好耐無見既朋友，話想食泰國嘢，我想OpenRice一搵第一間就見到呢間餐廳，見到咁多好評就同朋友講不如今晚試吓呢一間。坐咗埋位我哋就即刻嗌嘢食，我哋兩個人叫咗個菠蘿海鮮炒飯、泰式炒椰菜苗、泰式炸蝦餅、泰式燒豬頸肉、仲有兩個椰青。第一碟先來嘅係椰菜苗，味道幾好唔係太過咸，啱我口味。之後再食炸蝦餅真係好鍾意食，外脆內啖啖食好好味。食完再食菠蘿海鮮炒飯，但兩個人食真係食唔晒四樣餸，結果個炒飯食唔晒，但味道係OK嘅。最後仲要食買個燒豬頸肉，肉質幾好而且點埋醬汁真係好好味，呢間餐廳啲菜真係值得再嚟！兩個人食四樣餸兩個椰青都係食咗$425都算抵食！

一週似箭又是Happy Friday 的日子，上班苦悶就跟姊妹約吃泰菜刺激下，泰國菜最多又最正宗自然是九龍城。竟被我搜到了這家不地痞又有環境，橙主題竹吊燈象娃娃小清新民族風。-🍤炸蝦餅（Friday $1，原價$69)超抵，每日有不同的一蚊優惠。今日係炸蝦餅，雖$1但無欺場，有六大舊，外皮炸得金黃香口，入面蝦膠都幾彈牙，味道唔錯。-🦐爆炸大蝦（$142）被爆炸兩字吸引，到底有幾爆呢？大蝦兩隻好大隻，開半變左四件，被一堆蔥蒜檸檬葉胡椒辣椒埋沒；蝦肉本身結實彈牙，吃得出鮮味，美中不足是香料也全炸感覺油膩。-🥘冬陰公湯底明爐烏頭魚（$162）吃泰菜本貓又愛喝冬蔭功又愛吃魚，竟然有明爐冬蔭功烏頭，馬上拍板。烏頭幾大條，冬陰公湯煮住香噴噴。秀珍菇同魚愈煮愈入味愈煮愈惹味。烏頭本身肉質不滑，不會怕煮到老，最貼心係煮烏頭會出水，湯會淡左，連埋多碗冬陰功湯比你自己加減用。我同朋友就咁飲左，夠酸夠辣，正。-🥗馬拉盞炒通菜（$60）女生吃飯總是忍不住想叫個菜，明明已經夠食但總會眼闊肚窄。馬拉盞重口味穩陣之選，不錯。我會喜歡更乾身更有鑊氣一些。-🥥椰青（$38）🍹芒果冰（$34）椰青及芒果冰，爽，夏天飲夠解

有晚媽媽唔想煮飯，去咗九龍城食泰菜，見佢裝修唔錯，坐得舒服啲就入咗去喇！前菜叫咗生蝦刺身，一碟有六隻，幾新鮮又大隻，醬汁清清地小辣，都幾開胃。炸蝦餅麻麻地，個蝦唔夠彈牙，外表唔夠脆。明爐烏頭有大量配菜加肉碎，味道算香，但係條魚略嫌太細，魚肉有少少腥，整體一般。燒豬頸肉份量足，賣相唔錯。可能風口太大攤凍左，食落唔夠香脆！全晚最有水準係依碟馬拉盞炒通菜，足料有鑊氣，唔辣，小朋友都岩食。總結依間泰菜比起其他九龍城菜館偏貴，味道中中挺挺，但地方較大適合大夥兒聚會！

很久沒有到九龍城搵食，講食泰菜，店鋪多又集中，又要好味道，必然選九龍城區，泰國人廚師地道煮法 （點都改良咗），比心機製作的店鋪多，如果滿座又不想等，也可選另一間。今次假期日來，驚喜假期日都有午市套餐供應，不用$50.- 包飲品，以現時價格，算上超值。。。（食碗雲吞麵都幾十）, 柯打了 海南雞併豬頸肉飯，豬髀飯，加 $18.- 就有 炸蝦餅加椰汁大菜榚，加$30.- 就有 雞腳沙津，最贊是加$3.- 可以選 青檸可樂，柑桔雪碧。。。所以食物都熱烘烘，炸蝦餅彈牙，好味到不得了。豬髀飯，豬頸肉亦一流，唯一少許失色是海南雞，各醬汁都美味，可以推薦比大家試下。

較早前媽咪去過呢間Orange Elephant食泰國菜, 大讚呢度既海南雞飯超級好食。今晚朋友想食泰國菜, 所以我馬上提議食Orange Elephant!!呢間泰國餐廳比較新, 環境沒有舊式既風味, 卻換來整潔舒適感。門外站立左一個優惠價既宣傳板, 每日都有唔同款式以一蚊優惠價售出, 正正當日係星期五, 有我至愛既炸蝦餅食。我當然ORDER媽咪推介既海南雞食啦! 仲有泰國出名既咖哩, 加超抵價HK$1既炸蝦餅【芒果冰特飲】HK$32芒果冰少少甜, 沒有加糖水那種極甜味道【泰皇咖哩炒大蝦 (兩隻)】HK$168咖哩多得把蝦幾乎埋沒了, 咖哩為甜咖哩, 沒什麼辣味, 蛋味反而幾出, 咖哩味香濃夠杰, 不過蝦肉偏林, 沒有爽口感, 而且得兩隻, 冇咩肉食, 但咖哩份量多, 叫個包沾黎食/撈飯一流!【泰式海南雞(半隻)】HK$108半隻既份量都幾足! 海南雞外表色澤鮮黃, 皮薄而不肥膩, 肉質嫩滑 juicy...而且整碟都去骨的, 果然值得推介!!下次黎我定必encorn!【炸蝦餅】HK$1HK$1 優惠價既質素絕對唔馬虎, 份量好足!!蝦餅炸得表面金黃香脆, 點上甜辣醬, 很惹味, 蝦

九龍城是泰國菜的天堂今天就來吃一家裝潢比較摩登的明亮的氣氛令我們充滿期待有1蚊特價菜式推廣先來椰青和蕃石榴冰蕃石榴冰坊間少見比較特別味道有點酸但感覺清新炸蝦餅口感爽口是平時我愛吃的味道焗錫紙紅咖哩海鮮很特別紅咖哩質感因加了雞蛋而變得稠密用來配白飯食用極之合拍海鮮走過油份量也不少可是底部以椰菜墊底顯然有格格不入之感爆炸大頭蝦令人失望上面的炸香料無溫度藏在下面的炸蝦也只屬微溫炸蝦肉乾蝦頭膏也從缺這不是我所期望的味道和老友相聚的時光總是白駒過隙

Boxing day六點半黎到, 只限食個半鐘係open rice見到幾多好評，睇落環境都乾淨所以就揀咗呢間店面同門外嘅裝飾都好有聖誕氣氛一開始先嚟咗蒜蓉包，通常蒜蓉包都係想配咖哩食但今次上咗蒜蓉包先，咖喱就最遲先上聞起上嚟冇咩蒜蓉味，亦都唔熱，可能係因為攤凍左先食，但少少餘溫都冇..如果餐廳可以細心啲，可以喺上左其他菜之後先上蒜蓉包炸蝦餅有三件，都算大件，蝦肉彈牙，但無蝦味菠蘿海鮮炒飯入面有腰果幾脆口，亦好有菠蘿味，海鮮不是太鮮味，有青口帶子魷魚，另外仲有提子乾，飯味道甜甜，但都係都唔熱蒜蓉炒菜苗係最好味的一道菜，乾蒜脆脆地，菜入味唔太油，係今晚所有食物中最好..黃咖喱雞：你冇睇錯，我都無唔記得影相，雞的份量少，咖哩完全冇辣味香味這裡除了環境比其他九龍城的泰菜館乾淨闊落外，食物真的一般，食物不熱，不差，但未至於全是好評，感覺被騙

星期五晩同朋友一行4人黎到九龍城食泰國菜，朋友提議食新開的餐廳。一落巴士已見到白色頗大的招牌，幾搶眼下。原本約左七點，留枱10mins, 但遲左到,再等，已經係7:45分才入座。餐廳有每日特價菜式一元作招徠，星期五係炸蝦餅一共六件，配甜酸醬。啱啱炸起，熱辣辣，皮薄得黎又脆口。蝦肉分量十足，好彈牙，冇因為做特價而減料。另一前菜係青木瓜沙律，酸酸甜甜帶D辣，都ok 的。如果真係要彈就係原本諗住做前菜的沙律係中段先上。菠蘿海鮮焗飯，冇影碟餸。但個菠蘿size偏細，而D飯，好明顯冇炒勻，有D白色出現左。味道係菠蘿炒飯的味道，無咩特別，但碟飯上枱時都係熱到出煙的，真係有焗過出黎。青咖哩豬，豬肉切片，分量唔多。青咖哩帶甜，可以另外加錢配薄餅或者係飯。我地係先配薄餅，食完再加飯，因為D咖哩好香。馬拉盞炒通菜，食過嘅馬拉盞炒通菜中呢碟算係唔喊，但又夠味兼夾帶少少辣。另外仲叫左茫果糯米飯，冇影到。茫果是甜的，但個飯只係不過不失！

在九龍城搵泰國菜食真係多到有選擇困難症，但要唔熱得的肥柑子太太坐得舒服，食嘢要食埋人哋嗰環境，但我俾錢時唔會肌肉痛，咁嗰選擇就好明確，今日就選定去 Orange Elephant 食。好在之前用電話訂了枱，我哋6點幾到達時店內已很多人，接近7點時Walk-in客都要在門外等候了。店內地方寬敞，光線充足，而裝潢簡單而豐富，每面牆都安放了象的擺設或掛設，配合店名，店內有多張大圓檯，放便大家庭或大班朋友共聚。而在用膳期間，有不少外國客人到店內幫襯，此店似乎儲到不少喜歡食泰菜的外籍客人。大熱天時一進店內先點杯凍飲先，我和肥柑子太太分別點了菠蘿冰和龍眼冰。龍眼冰的龍眼肉份量足； 菠蘿冰是杯smoothie，稠稠的帶鮮菠蘿的酸甜，滿足的質感。該店現正做＄1推廣，每枱可以1蚊選擇其中一款指定食品或飲品，最抵之選應該是選明爐烏頭魚，但我倆更愛吃「泰式炸蝦餅」，這蝦餅是環形那款，比較多香脆的接觸面，蝦膠感一般，但新鮮炸好非常熱辣，配合甜味較重的梅子醬，超抵食而有水準。這個「咖哩海鮮脆包盅」上碟如一個大橘子猫頭型，那對猫耳般的是兩隻大青口，盅內還有軟殻蟹、鮮蝦和魚柳，咖哩汁混入大量的滑蛋炒成，用剪開的一塊

是晚一行四人特登到九龍城食泰國野，千挑萬選揀左呢間比較新既店去試。大約七點半，拎左飛等4,5張左右，點知一等就等左50分鐘以上，其間不停有枱走，似乎係唔夠侍應而唔入客。好，終於叫到我地有得入喇!我地坐個度凍到好似雪櫃咁，大家心諗，咩事呀呢度?!到order野，又係等，等侍應等左5分鐘。我地叫左蝦餅、燒雞、炒椰菜苗、粉絲大蝦煲、蛋包金邊粉。蝦餅我認為完全唔合格，樣唔靚，食落蝦肉唔新鮮!!炒椰菜苗，碟頭細到不得了，而且冇咩味。蛋包金邊粉，一黎到o咀!!蛋包在那?????同menu幅相唔同既???粉絲大蝦煲，等左好耐架呢度菜，算係好食dd既一道菜。燒雞，落單到送上枱等左40分鐘，即刻燒?好抱歉上枱都唔係熱既!!又少又瘦既燒雞，真係好差。食完呢一餐，我明白點解呢間店要搞每日不同既$1優惠菜色。當晚星期六，優惠既係啤酒，我地叫左1支咁多，因為環境太凍，朋友們都唔想再飲凍野落肚囉!可能呢個就係當晚開到冷氣咁凍既原因