鼎泰豐

Open Now

Now Closed

鼎泰豐已經開左好耐 雖然排隊熱潮已過 但係都感覺食嘅人唔少 上次就因為飲茶排隊太長而轉頭去左鼎泰豐體驗台灣版飲茶滋味 真係好欣賞呢度嘅點心～🍰赤豆鬆糕💰56每次都會被呢個赤豆鬆糕驚艷到 $56有兩大塊 注意一定要趁熱食先會好味！應該用左好多粘米粉 所以口感好厚實 有D黏糯嘅口感之餘又食到粉狀嘅感覺 同一般嘅糕點真係好唔同！中間有一大舊豆沙 甜味足夠 而且熱辣辣真係好好味 四周都有D唔甜嘅赤豆增加口感 整體真係好出色！🧁糯肉燒賣💰56糯肉燒賣一共有六隻 食慣上海野嘅一定有試過！呢隻燒賣入面包嘅全部都係糯米同瘦肉 有D糯米飯嘅感覺 不過係更黏嘅口感😛外皮就比較硬身 好彩食落完全唔覺得滯 都好推薦！🍞迷你芝麻包💰36食開芋泥小籠包想試下芝麻包 但係呢隻包身比較硬 亦冇乜味 而且芝麻唔係流心嘅口感 咬落去比較空心 感覺芝麻都係配湯圓好食 個人覺得佢嘅包出面搓得太硬 唔太建議食包🍝炸醬拌麵💰58呢隻炸醬拌麵同北京或者韓國嘅都唔同 係真係炸過嘅肉碎配上香干(即係豆腐乾) 撈勻之後炸肉碎嘅味道特別突出 拌起上來都真係好開胃😍相對起湯麵個人都比較鍾意拌面更多！🥩滷水牛肚💰62雖然呢度小食涼菜價錢較貴

台灣鼎泰豐就食得多，香港確實少食。咁岩朋友生日，就去果到慶祝。聽聞都多人等位，眼見都有旅行團入去食，我地都等左30mins。Menu 有唔同語言，英文，中文，日文，韓文都有，講真都幾多選擇，同台灣主店差不多。將炸醬，豬肉粒撈埋一齊食，有別於香港嘅炸醬麵，麵煙韌。炸排骨即係香港人講嘅豬扒，已經碎上蓋喺蛋炒飯上，方便進食。豬扒好淋，炒飯金黃乾身。今次叫左最原始嘅小籠包，皮薄，要小心咁夾起，食落去都爆左d湯汁出黎。酸酸辣辣，都幾開胃，材料有肉絲，木耳，豆腐。外表有d似鍋貼，煎得好香口，入面蝦肉加埋小小高湯，唔錯。因為冇買cake，就叫左迷你壽包賀壽，細細個一啖食哂，當甜品唔錯。

上星期去完東京返黎, 今日同朋友出街諗食乜時..我冇揀到我既最愛日本菜~食得太多日本野,都要轉下口味家嘛~行過新港呢頭, 見又唔水洗等位就入左黎喇..我都好耐冇食過小籠包喇..對上個次食可能係上年去台北食架喇~~ 可想而知真係幾耐冇食呢~~~小籠包 6粒. $60好穩陣, 唔驚跌~原味水晶肉 $59呢個係花功夫既一味菜.所以都係OUTSOURCE 出街食啦.. 自己整太煩喇.XDDD糯米燒賣$52.佢成粒都係糯米飯.... 好FULL 呀..我以為會好似鵪鶉蛋燒賣咁, 下面係豬肉, 上面係糯米..點知唔係..錯哂....係成粒都係糯米黎..錯左呀我.炸醬拌麵 $53呢個不過不失, 唔夠香口, 如果可以有蔥油會好D~茶水$9/位.

今晚我們去咗「鼎泰豐」新港中心店食晚飯！我們叫咗蟹粉小籠包、蝦仁燒賣、蝦肉煎餃、原味水晶肉、酒糟鴨舌、蟹粉豆腐、紹興醉鷄、台式酸辣湯、炸醬拌麵、紅燒牛肉湯麵、原盅牛𦟌湯麵同鳳梨酥！蟹粉小籠包嘅皮好薄，夾起嚟食唔會好易穿，有好多湯汁，肉質鮮嫩同有著濃濃嘅蟹黃味！另外有隻好精緻嘅蟹公仔，真係好可愛！係本人嘅必食推介！蝦肉煎餃嘅賣相好特別，六隻煎餃連埋一齊嚟煎，令到煎餃嘅外皮非常香脆！原味水晶肉嘅肉唔會好硬同好實，啫喱好煙韌彈牙！紹興醉鷄嘅鷄肉好嫩滑同彈牙，酒味清香濃郁！紅燒牛肉湯麵嘅湯底好濃郁，牛肉亦炆得好腍，麵質較腍，唔係好彈牙！台式酸辣湯嘅酸辣味道恰到好處，唔會太酸同太辣！

今日2nd in，食個貴價午餐支持下自己先。黎到己經係lunch time，好多人排隊，等左半個鐘終於有位。價錢果然好貴，去台灣食都唔駛咁貴。太貴既關係，都係試少少算，無諗住食飽。一個籠蒸一個包，好大哂。個包好細個。無咩肉汁，肉唔夠多，仲有啲鞋。呢個我無食，不過好似唔錯，但係一個人食都唔會飽。呢個似唔辣既紅油抄手，雲吞皮夠滑夠薄，蝦都彈牙。個豉油汁好得意，鹹鹹甜甜好惹味。最正名既蟹粉小籠包，皮薄得黎唔會一夾就穿，一咬開好香蟹黃味，豬肉仲夾左一粒粒蟹黃。一人KO一籠都可以