鼎泰豐

Open Now

Now Closed

台灣鼎泰豐就食得多，香港確實少食。咁岩朋友生日，就去果到慶祝。聽聞都多人等位，眼見都有旅行團入去食，我地都等左30mins。Menu 有唔同語言，英文，中文，日文，韓文都有，講真都幾多選擇，同台灣主店差不多。將炸醬，豬肉粒撈埋一齊食，有別於香港嘅炸醬麵，麵煙韌。炸排骨即係香港人講嘅豬扒，已經碎上蓋喺蛋炒飯上，方便進食。豬扒好淋，炒飯金黃乾身。今次叫左最原始嘅小籠包，皮薄，要小心咁夾起，食落去都爆左d湯汁出黎。酸酸辣辣，都幾開胃，材料有肉絲，木耳，豆腐。外表有d似鍋貼，煎得好香口，入面蝦肉加埋小小高湯，唔錯。因為冇買cake，就叫左迷你壽包賀壽，細細個一啖食哂，當甜品唔錯。