港 (Closed)

雖然今日係blue Monday😪 但都阻唔到我去搵好嘢食😤呢間港式fusion菜入到去餐廳氣氛唔錯👍🏻餐牌用咗九龍皇帝嘅字跡好特別😯配合返香港特色呢個主題首先叫咗杯Rose honey oolong tea🍹好多玫瑰花瓣喺面超靚，飲落好香玫瑰味，甜甜地好清新‼️跟住叫咗個蔥油餅配黑蒜蛋黃醬，出奇地味道非常夾😋 估唔到蔥油餅仲可以有呢個食法之後叫咗個炸雞皮🐔炸得非常香脆配搭特別調製嘅七味醬汁超級好食💓到主菜叫咗個龍蝦汁闊條麵，龍蝦味非常濃郁，兩隻大蝦好新鮮🦐極速地清空晒枱上食物，最後叫左兩杯花雕酒既shot🥃 雖然平時唔好酒，但飲落非常易入口，有意外驚喜😁總括嚟講今餐飯食得好滿足期待下一次再去‼️

今日同同事兩個食完飯，見咁早咪諗住搵個位坐下傾下計，係合和食完飯記得呢頭有幾間酒吧，咁都可以去飲下酒坐坐既。見到街角有間門面幾舒服既酒吧，就入左去試試啦。今日天氣都算有的涼，見到都有幾個客都係出面傾計，本身都諗住坐出面，不過同事唔太舒服驚凍親...咁入返去啦...。入座後，靚仔waiter都有即刻過黎介紹下啲飲品同啲特色小食。睇一睇餐牌，發覺咁得意既，大部份既名都係啲港式既食物名...^o^...好似喺Wine Menu見到cocktail有啲叫鹹加零、西瓜米酒🍉、楊枝甘露等等...好搞鬼...不過小食仲特別...有好港式既名，例如：話梅乳豬、龍蝦汁雙面黃、芝士蟹腸粉、蔥油餅、花雕雞肝醬等，都好似中式酒樓先見過好得意囉。之後同個老細傾開，先知原來佢都想加返啲港式元素入去，咁貼地梗係要點幾樣野食下啦。最後聽靚仔waiter既意見，我地就點左三樣小食同一杯酒，炸雞皮、港式鹹檸炸雞、糖醋豬腩塊^.^🥓，飲品就叫左杯Mama Mia，正啊~~~ 呢個環境都幾舒服，光線暗暗地好適合傾計。等左大約十分鐘左右，就黎左杯cocktail先🍸，佢口感都好清甜、又甘甘地，可能入面有的薑同檸檬🍋，所以都幾好

有一段時間無咩點去試新野，今次就放工近近地係灣仔試下一間港式fusion菜為主既酒吧，見到個餐牌個時，好多野都想試，但怕叫太多會浪費食物。一行兩個人，每人叫左杯野飲，分別係Mama Mia同BPJ: Cox Apple，我飲個杯係Mama Mia，應該係以西瓜同米酒整出黎既cocktail，果皮味好香容易入口。我地主要叫左啲小食類為主既食物，可以慢慢傾計慢慢食，分別係炸雞皮、蓮藕片同話梅乳豬。本人就對雞皮特別有愛，而今次既炸雞皮炸得干身唔油膩，個醬就似BBQ味做膽再加啲特別味入去，同炸雞皮好夾。蓮藕片炸到有啲似蔬菜薯片，上面有個甜甜地鹹鹹地既醬，我覺得就係腐乳為主整出黎既醬，個醬同蓮藕片都好夾。最後就係話梅乳豬，先講配角，個薯蓉好滑軟綿程度啱啱好，有食開中式燒肉既應該都知話梅同乳豬係一個好好既配搭，所以主要係睇個醬，醬既質感口感味道都非常好，真係無得輸，而乳豬皮脆肉嫩豬味十足，個份量兩個人食啱啱好。整體感覺良好，菜式到飲品都有新意，特別係個話梅乳豬好出色，送酒一流。