Outdark (H8)

Open Now

Now Closed

放假去咗尖沙咀行街睇戲，睇戲前又去咗厚福街搵食，今次去咗一間來自韓國釜山嘅人氣餐廳，女朋友話之前佢同朋友嚟食過都唔錯，於是就帶我嚟試下。餐廳門口有一幅好大嘅彩色鎖牆，大家還可以將願望寫下掛上去的。店內一直播放住K-pop特別有氣氛，感覺瞬間去咗韓國。DIY RICE BALL $55我鍾意自己動手做，將紫菜、蟹籽和飯搓成飯團，飯團大小可依個人喜好，香濃嘅麻油味同紫菜嘅鹹魚味都好夾，大人同小朋友都鍾意，每次去韓國餐廳見到呢個我都會必點。芝士條 $38芝士條可以拉絲，芝士控必點。炭豚飯捲 $88飯捲有紅蘿蔔絲、青瓜、蛋、豚肉、黑芝麻、白芝麻等材料、食落口感豐富。炸雞 $208 (全份)原味炸雞和香蒜蜜糖炸雞雙拼，兩款炸雞都係皮薄肉嫩又多汁，我個人特別鍾意香蒜蜜糖味甜甜地幾好味；仲有薯條、薯角同薯塊都好味。🍸 飲品蜜桃梳打 $38藍檸檬梳打 $38食完炸雞飲返兩杯梳打解解喝就啱晒。📍 Outdark (厚福街) (尖沙咀)尖沙咀厚福街8號H8 17樓

呢間韓式餐廳進駐香港都成幾年，一開始出名嘅就係芝士豬肋骨😋直到而家，依然好有人氣。提供嘅菜款仲有炸雞丶紫菜包飯等地道韓食。店內員工好多都係韓國oppa，而家餐廳環境都幾浪漫，偏暗嘅光線配上星星燈，同朋友定情侶嚟都唔錯🌟🔸雙拼炸雞全份（HK$198）全份炸雞有10件，雙拼分別揀左醬油同香蒜蜜糖味。無骨炸雞嘅外皮係乾脆風格，兩款嘅醬汁都幾少，唔易食出個分別😂另外仲有其他炸物配料，例如薯條、薯格以及甜少少嘅炸薯。跟餐仲會配埋蘿蔔以及3款醬汁(甜辣、蕃茄、香蒜蜜糖)，可以沾炸物無咁悶，不過就覺得無乜太加分啦🤣🔸蕃薯芝士條 (+HK$28)叫炸雞時仲跟餐加左蕃薯芝士條，共3條。應該係全餐最好食嘅item😜炸皮有明顯嘅甜薯味，而且入面芝士真係會拉絲架😍🔸東萊海鮮煎餅 (HK$118)海鮮份量較少，除左面頭個幾隻蝦，都唔點見有其他海鮮。反而就好多蔥😂入口好濃蔥味，大家食完第一反應都係好似飲茶食到嘅中式薄餅😶🔸煎蛋飯捲 (HK$98)其實每次係韓國餐廳見到蛋卷或飯卷價錢都覺得偏高左啲🤔呢個飯捲係由蛋包住少少飯以及蛋，飯質太淋，蛋味都唔係話好鮮甜，性價比不高呢～🔸Blue Lemon (HK$34)好簡

今日星期五，對自己好啲就同同事去尖沙咀厚福街H8 16樓嘅 “Outdark“食韓國炸雞 。 嚟呢度重點梗係就係食炸雞啦。同同事嗌咗“醬油炸雞“同埋本人最愛嘅“蜜糖炸雞“ $192。 另外仲叫咗火炙年糕 $38， 炸芝士條 $35，同炸芝士蕃薯條  $35，最後仲有一個海鮮炒飯$88。 等咗一陣間一大盤炸雞終於送上。畫面十分震撼，因為餐廳將所有炸嘢擺埋一齊做一盤。炸雞仲會伴有薯條薯角同薯塊， 簡直就係一個大派對咁。 炸雞係冇骨嗰款，啱曬我呢種懶人，蜜糖炸雞一如既往， 甜甜地好啱我口味肉質鮮嫩 ，而且仲有肉汁 ，十分惹味。 醬油炸雞 呢相對其他出面嘅炸雞就冇咁油膩，醬油味都冇咁重 ，可以降低罪惡感 。 最出色嘅就係炸芝士條，唔使講咁多，見到幅圖芝士拉到咁長就知道十分好食。 另外炸番薯達芝士條就會甜甜地，再多一種口感， 而且除番開都係九蚊一條，十分抵食。 年糕煙煙靭勒好有咬口， 同炸雞口感成強烈對比。 最後食埋嗰個海鮮炒飯 ，係比較濕身嘅炒飯， 而且有好多海鮮，都係88蚊 ，性價比幾高。 順帶一提餐廳並未有甜品選擇。 原來呢間餐廳大有來頭，喺韓國多達50多間分店。 鋪頭雖然細細，但係裝修好

近日在社交平台回顧中見到早前釜山之旅的照片，無奈暫時都未能再到當地遊覽，唯有在港食餐韓式炸雞氹下自己。相約好友到韓國釜山人氣炸雞店 Outdark 位於尖沙咀的分店，餐廳型格舒適，燈光調暗加上點點裝飾，感覺像星夜下與朋友進餐，相當 relax。除必點的炸雞外，在 menu 內還見到多款韓式大鍋拼盤很特別，點了一客原祖海鮮辣醬炒年糕 $328，鍋上盛著幾款不同的配料，外層是粟米芝士、菠蘿粒、紫菜飯及泡菜，中央是辣醬煮海鮮年糕，最吸引是上面的炸魷魚，形態立體，擺放得像藝術品，店員讓我影相打卡後便剪開成小件，入口脆香煙韌有口感，選了輕辣版本，完全沒有蓋過魷魚的鮮味。當粟米芝士煮至半溶狀態，可以將配料捲上芝士，有拉絲效果，好食又好玩，再煮耐些，芝士底部會變得鹹香脆身，非常好吃。Outback 炸雞有多款口味，包括原味、醬油、甜辣、辛辣及香蒜，我們二人只點半份 $118，就選原味吧，配合三款醬汁，芥末、甜醬油、香蒜醬油及醃漬蘿蔔，店子還在炸雞中配上香脆炸薯條及薯格，豐富口感又吃得滿足。

食評之前先講講入座安排，真係非常差！一早打電話想book位，唔接受，冇所謂啦，walk in 都ok嘅。但等位嘅場地相當細同窄，而且又位於lift口位，加上人流愈來愈多，真係相當擠逼！行到有問題。空氣唔流通搞到好焗，就算拎左飛，都要呆企成粒鐘，呢個真係一個好大嘅考驗！希望店主盡快去解決安排入座問題之餘又可以疏導人流呢個問題，否則令客人因為等位而鼓燥，係件好得不償失嘅事。除安排入座問題外，店內環境幾舒適，加上燈光嘅配合，令人好放鬆。店員好nice好好笑容，由其幫我地落單嗰位oppa,so cute~餐牌食物款式唔多，嚟嚟去去都係得嗰幾款，但每款都可以俾到驚喜，係件好難得嘅成功！柚子米酒，酒精度唔高，同啤酒濃度差唔多，但相當易入口，完全唔覺得自己飲緊米酒，因為聞唔到強烈嘅酒精味，反而係好清香嘅柚子甜香，味道好出色，令人忍唔住一飲再飲！好正！！芝麻葉吞拿魚飯卷，一口一卷，甜甜地，唔錯！原味炸雞&蒜香炸雞，原味雞炸得啱啱好，外脆內軟，肉味調得啱啱好，而且唔會覺得油膩！可點附上嘅調味醬芥末、甜辣、醬油或沙爹，但我覺得就咁食亦可以，加點其他醬則有多幾番滋味。蒜香嗰款係意想唔到嘅，蒜味唔算太重，所以

攞籌等齊人排隊入期間有薯條食😋入到去選菜店員都好耐心介紹，服務唔錯！到左上菜又會幫你處理同分菜，耐性地教你點食！成個過程好享受同餐廳環境真係佈置到好似去左韓國咁，最後佢地俾本memo紙俾你寫低今次用餐感受。

6點幾到，估唔到咁多人，開業兩個月已經有咁多人等，真係不得了~四個人，叫左兩款雞同芝士肋骨，都好夠飽。平時食開啲炸雞都大大盆，叫完已經食唔到其他，但呢到啲炸雞可揀兩款味，加埋四款薯條向上面，真係啱啱好！芝士肋骨啲芝士都好足，服務員好貼心幫我哋整埋，呢到啲服務真係好好，主動問我哋要唔要熱茶，熱水...到食飽要走嘅時候，先發覺個個都一叫一碗冰嘅嘢，原來我錯過左柚子米酒！下次一定要再去過~

見朋友推介，六點四人齊就入得，menu 得四頁，飲品一頁，酒為主，頭兩頁一頁係炸雞一頁係肋骨/雞，可揀嘅嘢，寥寥可數就叫咗第一&二頁第一頁嘅炸雞，辛辣拼原味，配四個醬加醃蘿蔔。醃蘿蔔，甜中只得少酸，最有創意係啲醬，點解mustard 都有甜味？炸雞配薯角，薯條，薯格，可能平時炸雞薯格都係KFC，真係食唔慣甜嘅薯格/條/角，四個人食到你眼望我眼。辛辣炸雞，堅辣，而且第一口唔辣但會慢慢散發。第二道，芝士肋骨（小辣），圍邊嘅配菜，除咗扮泡菜嘅極鹹菜，蕃薯球，蛋，都甜，芝士粟米就係難得係鹹嘅，主角芝士肋骨，肋骨啲醬又係甜，包咗芝士好少少士多啤梨米酒，似士多啤梨冰，冇乜乳酸味或酒味，易醉者要小心。總括黎講，所有嘢都偏甜，而且咩都橙色，空姐朋友話去韓國，啲嘢仲甜，呢間已經減咗甜最後張單，全韓文，連total 個字都冇，搞到俾錯錢，唔知有加一另外不得不提，可能店舖略細又多人等位，環境勁嘈，仲嘈過酒樓只能夠話自己大鄉里出城，韓風跟不上，一句到尾，冇下次