M Kitchen (Closed)

約左朋友食飯，想揾間好食得嚟又可以有個舒服少少既環境坐低傾下計🙈最後就揀左哩間！入到去既裝修行歐陸style每個位之間都相對闊落，有cafe既感覺，坐得幾舒服👍🏼我地8pm先去，原本見佢個限量嘅煙肉爆漿芝士漢堡好吸引 ，點知賣曬😭唯有下次再嚟試不過今次整體既感覺都好好，我地2個人叫左2個main 賣單都係$300幾到!仲要叫埋小食同野飲🤪餐廳性價比好高，好岩約朋友嚟gathering聚下😚👆🏻鐵板肉眼扒份量超多，加埋另一個main 2個人都差啲食唔曬食落好嫩🌟就咁食都好有肉味再配埋黑椒汁仲正🤤個汁整得岩岩好 唔會太咸之餘又好香黑椒味!而且我話要5成熟 就算佢用鐵板都唔會overdone👍🏼👆🏻牛肋肉配黑醋汁呢個絕對值得一試🌟🌟🌟一上枱見到佢個擺盤已經好有驚喜食落個質素一啲都冇失望!比得上啲高級餐廳🤣牛肋肉勁淋 好似炆左好耐既感覺而且好香肉味🤤加埋啲黑醋爆珠 新奇得嚟又酸酸地咁 令個感覺變得更有層次🙈👆🏻炸香草雞翼食落好脆💕仲要滿滿既調味粉雖然好邪惡 但真係好正🤣搞到我地忍唔住叫多左碟👆🏻雪糕楊枝甘露超濃郁既芒果味😍又唔會太甜而且仲有碌柚 好有咬口😚仲要加埋個雪糕 飲落真係好滿足🤤

荃灣千色匯除左多鋪頭可以shopping 之外，其實都有好多餐廳，今日收工就去咗呢間M Kitchen食晚餐，又估唔到咗大件夾抵食🤣呢到地方都幾大，穿過走廊仲有大大個Area比客人用膳🎇凍檸蜜 跟餐+$2 + 紅豆冰 跟餐+$10🎇紅豆溶煲得好冧，份量都岩岩好🌠黑松露法式多士 跟餐+$18🌠作為餐前小食，呢個黑松露炒蛋多士賣相唔錯，雖然感覺無咩黑松露，但原來夾雜係炒蛋中間，有淡淡松露香，配合金黃香脆多士，實屬不錯👍🏻🎆炸香草雞翼 +$18🎆金黃色香脆外皮加上少許香草炸到熱辣辣上枱，椒鹽香口的味道不錯，而且都幾大隻🎆滋滋聲鐵板巨型炸髀 $108🎆隻雞髀真係唔講得笑咁巨，絕對大過塊面，切落去索索聲，啖啖都係雞髀肉非常滿足，黑椒汁不會遮蓋雞髀的味道，而食落有股洋蔥香，因為雞髀底部鋪滿洋蔥受熱後令香味滲入雞髀😋🌌燒焗美國豬肋骨配薯條 $128🌌燒烤甜酸醬灑滿豬肋骨上，而豬肋骨肉質非常之嫩，基本上可以無需用刀就能夠分開每條骨連肉，嫩滑程度可以講係無得頂醬汁不單惹味，而且好開胃，兩者配合得出眾，而且份量巨型，以$128價錢來說，可以講係超班👍🏻總括而言，千色匯呢間M Kitchen的食物真係大件

最近經常在家抗疫，呢幾日疫情有好轉，今日就約左個閨密出荃灣剪頭髮順便食個lunch抖下氣～呢間m kitchen已經唔係第一次食，如果約朋友係荃灣食既話好容易會諗起佢，因為多選擇，抵食又好食👏🏻今次食果啲全部都係上次未食過既野😁 首先係石燒肉眼扒配薯條 (七成熟跟日式燒汁)肉眼扒厚身又大塊😍 上菜嗰陣應該冇七成熟，因為裡面仲幾紅，但切開之後稍為掂一掂個石燒底已經變熟，肉質非常淋非常嫰滑非常juicy！🤤🤤 同我上次食過近呢一年好興嗰啲開到成行成市既石燒牛相差好遠😮😮😮 呢間滿分！👏🏻👏🏻 仲有啲薯條香脆而唔油膩👍然後就係鰻魚炒飯， 除左面頭有塊鰻魚之外，飯底都有鰻魚粒👏🏻 仲有三色雜豆，口感豐富，調味適中，好味😁追加既炸香草雞翼熱辣辣，外皮十分香脆，裡面就十分滑，幾香香草味😋🥑但係略嫌咸左丁丁～雜果雪糕窩夫個上菜碟好型😂 呢個味道就正常唔算特別出色跟餐熱檸蜜可能檸檬新鮮所以幾好飲 (無影到相) 食左兩次都無令我失望👍M Kitchem繼續努加油👏🏻💪

近排疫情好轉返，新增感染人數數字回落，所以依家出去食飯都會安心啲，加上餐廳推出咁多優惠，今日就忍唔住出嚟幫襯下，食返餐好嘅我哋兩個人實在太耐冇食好嘢啦，所以今次一共叫咗三個餐，午市套餐包左餐湯或者飲品，我哋其中一個就叫咗南瓜忌廉湯，金黃色嘅南瓜湯好重南瓜味，仲好creamy添其中兩個餐嘅餐飲我哋就加$10upgrade咗，左邊嘅係奶茶紅豆冰而右邊鮮黃色嘅係楊枝甘露配雪糕沙律菜非常新鮮，食落去索索聲，仲有一大塊煙三文魚喺面，最吸引人嘅地方係裝沙律嘅碟，造型非常特別，用嚟影相一流另外我哋仲加咗$18要咗個洋蔥圈，一共有五件，好似有五個金環咁，即叫即炸，非常香脆我哋都再加$18仲叫咗雞翼小食重頭戲終於嚟啦我嘅大大大大大雞比呀，真係成隻碟咁大，仲要好厚身，上面有啲蕃茄汁同埋芝士最後職員仲會喺面頭加啲淡黃色嘅芝士添我今次真係投降啦，太大碟食唔晒添