香港魚蛋皇

Open Now

Now Closed

平日就自己一條友過黎開餐，今日專登帶埋個朋友黎試下，咁就可以叫多d唔同既野食大家不約而同都話想食魚皮，魚皮炸得好鬆脆，又唔會炸得太油，食落每啖都傻傻聲架，但記謹要快d食哂話明魚蛋皇緊係要試下呢度既魚片頭啦，果然冇令我地失望，魚蛋有好鮮既魚味，仲好彈牙添，朋友仲加左紫菜，所以d湯底仲多左陣陣既紫菜味，到最後佢仲成碗飲哂值得一提係呢度有得食魚麵，而家唔係好多餐廳都食到架最後仲叫多碗淨水餃仲叫左兩大碟菜清清腸胃最後我地叫到成枱都係野食

係灣仔食飯 又唔想飯太貴 食番碗魚蛋粉絕對係一個唔錯既選擇🤗 今次我地就試左呢間香港魚蛋皇啦🤤呢到既選擇都唔少 粉麵飯都一應俱全😆 麵仲有魚麵揀 我地就揀左紫菜八寶丸河同埋招牌牛三寶魚麵🍜 八寶丸有勁多紫菜 魚蛋都好彈牙 清清地都幾好食架👍🏻 牛三寶分別係牛腩 牛筋同牛肚 份量超多 我最鐘意食牛腩 好腍好入味😋 魚麵絕對係食得出真材實料 夠彈牙👅 另外我地仲叫左碟魚皮 上碟時原來魚皮係一包包用密實袋包好嘅 包保仲係脆卜卜🌟

今日出開灣仔學畫畫， 肚餓想搵啲簡單嘅嘢食， 係軒尼詩道 見到呢一間魚蛋粉， 佢標榜食材冇味精， 啱曬崇尚健康嘅我。呢度嘅湯大有來頭， 全部都係用鯊魚骨響螺豬骨煲出嚟嘅！今次我就嗌咗碗 魚蛋河， 配炸魚皮 同埋一碟油菜， 朋友就點咗魚腐 加金錢肚米線。呢度嘅魚蛋標榜自家工場新鮮製造， 果然不假， 食得出魚蛋同坊間食到嘅有很大分別！ 彈牙唔再講， 仲好香魚肉味！ 魚片亦一樣優質！😋朋友嗰碗魚腐金錢肚米線 亦非常高質。 特別係個魚腐， 口感味道一流！👍湯底 真係幾清甜， 食得出係冇味精😊灣仔區 仲可以搵到咁價廉物美嘅美食， 簡直係今日嘅一個奇蹟。

今日係灣仔行街等過馬路時，見到呢間店門囗招牌幾搶鏡，俾佢吸引左想一想好耐冇食過，而且佢哋寫係用沙魚骨響螺豬骨湯底想試吓有乜唔同，於是就入左去坐低叫d嘢試吓睇餐牌除左中式粉麵飯，還有西式飯和小食三文治。本來想食碗魚蛋粉，但最終都係叫左個五香牛什和炸魚皮。炸魚皮：厚薄適中，因有d地方大厚就入囗好硬唔鬆化，有d地方就太薄，一夾就碎，呢間剛剛好，入囗鬆化爽脆，而且味道唔太鹹，越食越想食之於跟魚皮個湯原來唔係普通味精湯，而係沙魚骨響螺豬骨湯，飲落幾鮮甜唔覺味精味，飲完唔囗渴另外問過老闆，佢話所有粉麵食物都係用呢個湯底，所以大家食粉麵都可試到呢個湯。五香牛什：幾大碟，有幾多款內臟，唔係得一、兩款，有：牛肚、膀、肺、腸，樣樣都好入味好腍

已經凌晨三時多，仍然眼光光望天光，唔係唔想訓，而係個肚打緊鼓！於是自私地叫醒男友落樓搵嘢食。可是，這個點，真的還能有選擇嗎？唔想食麥記，於是行過兩條街，來到魚蛋皇。雖說已凌晨三點幾，店內仍有小貓三四個，連店員，計落，原來夜貓都唔少！🙋🏼我都係啊～～開放式廚房，佐料放檯面⋯⋯真係估你唔到，夜麻麻訓唔著，竟然走來見關大爺！😂 其實當時感覺場面幾驚驚～自己都唔知係食宵夜定早餐？餐牌，可謂包羅萬有，只要你想的到的港式粉面，相信都係曬到！唔想係咪因為男友聞到廚房傳來嘅燜牛腩味，佢點咗個牛腩河，小女子不愛牛肉，所以就冇試啦！我叫咗個紫菜魚片河～走埋蔥魚片炸得油了點，紫菜份量頗多，今晚個廚冇落咁多味精，幾好！不過主角應該係個炸魚皮～只管放進嘴，肆無忌憚地在關爺爺面前嚼個痛快，脆而不鹹，好味！還有兩三個鐘天就光啦，見到d店員仲好勤力咁做嘢，突然覺得自己都好幸福，想食就有得食，很應該好好珍惜如此不易的幸福，食飽就要好好睡覺了！💤💤💤