SeaFront (Closed)

第三波疫情殺到，中午食飯時間避免人多，走咗去赤柱食，希望人少啲減低中招機會。本來選定左The Boathouse 可惜去到已經full左，赤柱大街有幾間食肆可以望住大海，所以係赤柱大街搵食，我哋經過其中一間叫seafront嘅餐廳，有位叔叔在餐廳門外向經過嘅人落力推介午餐，很多人都被他的推介下停下來看一看餐牌，我哋當然都比佢截住咗。午市套餐選擇多，價錢都算合理，比其他的餐廳便宜，所以我哋就揀咗seafront。我哋被安排坐喺近門口，兩個人平排坐，可以望住個大海，雖然天氣好熱，但有啲風吹埋嚟，唔會覺得熱，加上藍天白雲海景，坐喺度食lunch覺得好舒服，好寫意。Pizza lunch set $138， 我哋揀咗辣肉腸另外加菠蘿$15 同煙肉$15。Pizza 剛剛焗好，餅底薄而脆，熱辣辣，非常足料，芝士係拉絲的。比起Pizza Hut, Pizza Express 好食好多，推介。炸魚薯條set lunch $138， 炸粉漿唔係好厚，魚柳好滑，但份量就比較少，一個人吃這個午餐一定唔夠飽。set lunch 也可選擇汽水和果汁，我揀嘅蘋果汁味道好怪唔識形容。總結，其實這間餐廳冇咩特色，望

在炎熱的夏天好多人會到商場行街食飯嘆冷氣，而我就選擇在星期五離開石屎森林到赤柱走一走。赤柱有很多餐廳，要找個啱心水吃午餐的地方也非易事。在行經海濱長廊尋找合適餐廳時，有位大叔不斷邀請我們內進。他心知客人那時所需要的就是冷氣同醫肚，所以不停對我們說 “室內冷氣夠凍又涼爽，有兩個舖位讓你選擇坐位，午市套餐每款$138, 有西式炸魚薯條、意粉，也有東南亞菜式或中式點心。全部包嘢飲，包啤酒都得，只有我地先有咖……“。當我們快速看過餐牌後，就這樣地步進餐廳選擇了近門前有開揚景觀的座位。星期五赤柱人不多，當我們處身在海濱長廊的餐廳裡，能感受到那份少有的寧靜，看著藍天白雲吃午餐，是久違了的悠閒!※ 炸魚薯條配啤酒 ~ 炸魚很大件，炸漿外皮脆 但略厚。魚肉嫩滑程度可以， 喝著啤酒食住炸魚薯條是賞心樂事。※ 香草白菌扁意粉 ~ 扁意粉煮得剛好不會太腍，用上橄欖油、什菌及香草醬一起炒勻很好吃。 食完意粉後還可以慢慢喝著冰凍的啤酒繼續悠閒。在我們進餐期間，還看到大叔不斷邀請街上本地及外國遊客內進光顧。欣賞他對工作的熱誠及對客人有禮貌。 說真的，餐廳位置及景觀不錯，供應的食物菜式很多樣化，當大家下次來到赤柱行

星期日，去左行水塘；行出一行七人就搭車去赤柱下午茶啦。原本講話去食漢堡的，所以仔仔一直好期待行出山去食漢堡。點知去到赤柱，花多眼亂；入左間冇乜漢堡選擇的餐廳重要全部一個價，叫乜都係148。但係都坐底左囉，唯有照叫野食啦。海邊環境就真係幾好既，佢又多風扇又有大傘遮太陽，又唔算熱，不過D椅就唔多舒服啦。坐底就一人一張餐牌，3個分類，中西式同Pizza；最後7個人叫左5個餐再加1個小食（小食係後加的，後來問佢再拎餐牌先有小食不過老公話有果個餐牌，只係冇傳到我地手）。一開始就叫左德國腸，Pizza，千層麵，沙律同炸魚薯條，5個餐7個人食，原本諗住都差唔多，因為頭先一邊行山，大家都食左唔少麵包果D。但仔仔食完重係度鬼叫，不停係我耳邊話重想食，所以最後加多左個小食基本都係我仔一個食晒。落完單冇耐就即上左德國腸；一見到個Size就有D失望啦，收得148；以為會大條D囉；點知比我平時係超市買黎做早餐或焗意粉的腸仔重要細條。7個人分，真係每人一啖仔咋咁鬼細條，好心比4條啦！上完腸仔，跟住就黎左幾杯餐飲；餐飲係細杯D既，不過啤酒又好，檸茶又好，都好飲既。另外再加的啤酒，Total好似叫多左4杯，因為餐飲得

難得一日weekday off，專程到赤柱享受一下悠閒。正值下午茶時間行過赤柱大街，一位伯伯好有誠意咁介紹，即管入去試下啦，入到去order左普普通通fish and chips跟杯齋啡(因為我唔飲啤酒的)，等候期間有超過六隻烏蠅係我面前飛來飛去，我唯有叫調位到門口。食物方面，薯條味道同厚度適中，炸魚勝在夠厚身，肉質可以接受但偏油。至於杯咖啡....始終唔係coffee shop，算吧啦，叫做合格囉，因為唔多夠味。所以呢，嚟得呢度俾呢個價錢，純粹食面前個景，值唔值，見仁見智啦。