School Food (Closed)

同朋友慶祝生日飯，佢近沙田所以咪係沙田食，仲有行街，買了少少野食再行到8點左右開始肚餓要搵食, 星期六的沙田好多人間間餐廳好多人囉，預咗要等位…….原本唔係食呢間嘅，因為嗰間太多人呀！好快決定食School food。因為佢有用餐時間限制, 每枱75MINS, 我地3條友等了30mins就入去, 比想像中快..烏卒卒 $78少少辣魷魚好入味 價錢是有少少偏貴，不過其他地方又食吾到呢🤭紳士先生飯卷 $65卷埋左既餐蛋飯 加啲辣蘿白 唔算好特別拉絲芝士香草辣雞亦$88熱鍋熱著芝士，來有拉絲效果定必要馬上享用，把芝士包圍著只雞亦，實在太好味道了，雞亦不算很嫩口，不過不緊要芝士加滿了分！另一例牌是肉醬年糕是我最喜歡食的年糕唔會硬，有時食其他餸會沾下肉醬汁食~😻🙆🏻火爆雞肉鐵鍋飯整體都唔錯嘅，不過有啲辣。食物：8/10環境：8/10服務：5/10價錢：6/10推介指數：70/100

沙田新城市入面好多都係連鎖餐廳，但都有唔少係好食的連鎖餐廳，而School Food 算係其中水準都唔錯的，今日就同朋友去左School Food 食晚餐。烏卒卒 - 記得好耐之前第一次食係覺得驚為天人，但而家食只係覺得味道正常，墨魚仍然彈牙，仲係值得一試的。火爆雞肉鐵鍋飯 - 雖然餐牌寫的辣度係4粒星，但唔算太辣，材料豐富，但鐵鍋飯配生菜好似有少少唔太似韓式咁，但味道係正常的。辣皇炸豬扒炒年糕 - 食左一半先記得影相，但其實賣相係唔錯的，雖然D個真係好辣，但辣得好好食，辣得來有D甜味，配炸豬扒同炒年糕都一流。炸豬扒皮吸收左辣醬的精華，爽脆口感加上甜甜辣辣簡直係夢幻配搭，誠意推薦俾食到辣的朋友。整體而言，餐廳環境舒適，而且食物質素都唔錯，係同朋友食飯的好選擇。

今天約了2個FD去沙田行街, 買了少少野食再行到14:00開始肚餓要搵食, 星期日的沙田好多人= =" 間間餐廳都FULL, 預咗要等位…….睇了睇個水牌, 好快決定食School food~ School food我食過幾次, 仲要次次都係同呢幾個FD食可以因為佢有用餐時間限制, 每枱75MINS, 我地3條友等了15mins就入去, 比想像中快3個人只係想食TEA的份量, 所以只叫了3個餐, 每次例牌必叫烏卒卒&卡邦尼年糕!!!之後便隨便選了一芝士豬肋骨~烏卒卒, 即是魷魚壽司~少少辣, 魷魚好入味 其實$78是有少少偏貴..... ><不過其他地方我又唔覺有得食~另一例牌是卡邦尼年糕是我最喜歡食的, 辣的卡邦尼汁好好味, 年糕唔會硬, 有時食其他餸會沾下卡邦尼汁食~我覺得個豬肋骨睇落好似德國咸豬手~ 有3條骨, 切開每條都好多肉, 不過我覺得佢個芝士麻麻/ 芝士要盡快食芝士好似放了5分鐘就開始好難拉出來, 但我摸過個鐵板仲好好好熱GA! 薯角就普普通通啦~不過好奇怪豬肋骨是2隻辣椒, 我覺得1隻辣椒的卡邦尼仲辣D WOR~豬肋骨完全唔辣.....佢D飲品睇落都幾靚

係沙田行下街，行到餓餓地，走左去食school food，食下韓國野。呢間餐廳都幾大，幾多位坐，所以唔洗等好耐就可以入去坐。個餐牌有圖方便我地叫野食我地嗌左紳士先生、烏卒卒、沙冷希肉、特濃辣湯年糕伴拉麵同埋韓絲熱捧鐵鍋飯。d名都幾得意，沙冷希肉好似韓文，好有趣。紳士先生都唔錯，有d芝士係入面，好好味烏卒卒係有d 墨汁同魷魚，但呢個就無咩味，普通左d。呢個就好似泡菜炒飯，小小辣沙冷希肉就普通d，d 肉有d韌同乾。呢個特濃辣湯年糕伴拉麵比較辣，辣到要不停飲水唔適合食辣嘅人就最好唔好叫呢個總括黎講d食物質素都幾好，環境唔錯

今日下午同朋友係沙田新城市廣場行完街，想搵個地方吹下水，就入左去呢間新式韓國餐廳School Food 開餐喇。今次得兩條友，所以就叫左四樣野食，分別有炸雞配大蔥沙律，烏卒卒，紳士先生，同埋小食拼盤呢四樣。而有兩樣食物係我每一次幫襯，都一定會叫的，就係炸雞配大蔥沙律同埋烏卒卒，因為實在太好味喇 ! ! ! ! 炸雞配大蔥沙律 : 每一次食都覺得好好，唔知佢用乜嘢方法可以整到外皮香脆但內裏啲雞肉仍然咁滑。烏卒卒 : 不解釋總之一定要食。紳士先生 : 用雞蛋皮包着壽司，內裏有韓式午餐肉。小食拼盤 : 分別有三件豬肋骨，三隻雞翼，炸魷魚圈及薯條。豬肋骨，炸雞翼及炸魷魚圈都一般冇咩驚喜。雖然佢有好多薯條做底，但可惜薯條是麥當勞果隻，如果轉做粗身薯條或薯角我唸整體來講效果會更好。作為精明消費者嘅我下次一定唔會再點呢個。

以往路經School Food 門前，必然大排長隊，今晚卻不是那麼多人。烏卒卒，菜牌上的圖案是6大件飯卷，上菜時變成12件小飯卷，賣相不錯，容易入口，但只有微辣魷魚，有點單調。一時Pizza，以甜薯代替餅底，夠創意，甜薯蓉厚底，芝士濃度十足，配以脆麵、車厘茄、非常飽腹，不過有點膩。炸雞 ， 份量與價錢相若，外形似麥樂雞，炸雞還熱時，外層算是脆身，但並不是韓式炸雞。梳乎蛋，上枱時仍然沸滾中，超多蛋，配料有少量菇碎，紅蘿蔔，大蒽，說穿了其實是蒸水蛋，是淡而無味且伴隨陣陣味的蒸老蛋。整體而言，賣相吸引，但食物質素非常普通，試一次便夠了，不會有下次。

一早食完飯，到9點左右又餓，咁晏school food已經無人等位了，可以即刻入坐。一入去即刻叫我摰愛「烏卒卒」$68，墨魚加上泡菜的壽司卷，少少辣又不會過分。就咁食就dry d，所以叫左杯熱「韓國柚子蜜」$28，偏甜，一邊飲一邊自己加水，但味道很好，飲品本身有一片檸檬，醒胃之餘同壽司卷好夾。值得一提係服務很好，很細心，大家做到就收工咁攰，都有咁好態度，抵讚啦！不過枱與枱之間好近，隔離講乜完全聽到晒要傾密計就最好搵第二間。建議：如果真係叫「韓國柚子蜜」，記得另叫一杯水，因為太甜要加水。溫馨提示：雖然間鋪收10點，但9:30左右會last order, 想食就唔好太晏了

快點來一直想試， 等到現在不太多人排隊時 便來試一下，等候時間大概一小時，坐低之後叫咗個限定食品雞脆芝士熔岩包 芝士不錯就是欠點鹹味。 芝士雞翼 味道不錯先甜後辣 很有趣,就是食到後才有辛辣味. 還叫了泡菜飯很好吃, 那個豬頸肉拉麵很惹味, 係越食越辣. 只是芒果juicy愈飲愈口渴， 有點美中不足。 如果你怕辣椒，叫番個烏卒卒即刻解辣。

聽聞人氣很爆，一直好想試school food，但以前銅鑼灣店要排很長的龍。沙田開了店後更方便，但還是等到現在才吃第一次。先來一jar特飲，雖是菠蘿味道，但在餐牌看見是螢光藍，便貪得意點了。一jar分到大概五杯，有數粒罐頭菠蘿，飲料則是有氣的七喜味道，其實沒有菠蘿味。這個飯原來是冷熱交融的，沙律是冷的，但飯則是有點暖。醬汁酸酸甜甜，伴著沙律菜吃固然好吃，伴飯則調起了淡恰的墨魚塊和米飯的味道，很有新意。中間的玉米脆餅添了香口感，但也不會膩，整體仍很清新，吃下去似前菜多於飯的主食。韓國拉麵就是辛辣麵，這裡的麵都頗辣，男孩子都吃得有點冒汗。基本上辣已蓋過所有味道，但它的辣尚算香，不會麻舌。豬肉切得薄而爽口，唯獨是份量很小。烏卒卒是鎮店之寶，這個新意搞得不錯。黑色的紫菜配上墨汁染成的壽司飯，雖然整個卷都是黑色的，但賣相做得簡潔吸引。以墨汁入饌的菜不多，這裡做得不錯，墨魚塊爽口和醃得有味道，墨汁沒有沙，像是將整隻墨魚的鮮味都吃掉。這店很貼心，小卷切得一小口一塊，讓客人不會吃得太狼狽而滿嘴都是黑色。又是另一大推介，卡邦尼汁濃稠度剛好，雖是忌廉芝士，煙肉、白蘑菇和洋蔥都很香口，年糕煮得煙韌，掛汁程度

因為沙田除了這裡，沒有韓式餐店，所以筆者和內子間中就會到訪。星期一至四的晚上，只要用新城市廣場的app預約School Food，的確可以做到免等候入坐。今晚韓卷選了烏卒卒，這裡的韓卷份量彷彿特別為二人而設。滲滿墨汁的飯粒，卷上墨魚肉粒和菜脯，彈牙得來有點脆口，口感一流，味道適中，唯一只怕吃完嘴唇黑黑。小食選了韓味炸雞伴大葱沙律，我和內子都不吃大葱，不選便宜$23的香料炸雞沙律原因是前者是塊狀，後者則是傾向條狀，而且沙律醬較多，肉質較硬。退而求其次，可建議來個牛肉餡餅，加$48炸雞塊。不過外加的炸雞塊只得四塊(每人兩口)，亦不會有上圖的醬汁。今晚我們不想吃飯麵，所以選了年糕。這裡的年糕除了普通卡邦尼年糕外，全部都是辣的，內子不好辣，只接受到一隻辣椒的廚師卡邦尼年糕。卡邦尼汁裡有芝士，加上少量洋蔥絲和紅辣椒絲，還有少量粉絲，上汁，惹味。年糕亦十分煙韌飽肚，不過卡邦尼汁不算多，為怕年糕凍了會變硬，還是趁熱入口為妙。

利申 呢篇食評係由一個唔食得辣既人寫當晚係用新城市拎飛apps拎飛 點知佢不停淨係入4人6人枱 所以都等左成個鐘先有位烏卒卒 $75今次食比上次食好味左 因為今次暖粒粒 上次就係唔暖又唔凍..不過今次亦都比起之前食辣左 但仍然係我係呢度既至愛 仍然比香濃既墨魚味吸引住廚師卡邦尼年糕 $68其實已經係第三次食啦~ 其實真係食多幾次就會厭  特別係醬汁真係過咸不過係填飽肚方面係有佢既功效既MENU上呢款係有一隻辣椒 實際上係完全唔辣架第一次試既水冷麵$72聞落已經有淡淡既泡菜香 食落口都幾特別架 又酸又凍冰冰既湯麵~不過會愈食愈辣 所以我好快就頂唔到 食唔到落去啦..哈哈 因為落單時叫左走青瓜 結果都係冇走到所以我同朋友自己夾走晒今次係第三次黎食School Food 愈黎愈覺得冇特別 價錢偏貴 份量唔多以後再食 都係食其他非連鎖式既韓式餐廳 

平時行經過，都無見過school food唔洗排隊同等位，咁啱今次約左朋友早食（6：30），友人就提議食school food. 本身以為都係要等位，點知唔洗等，但限時75分鐘，坐低就快快手叫野食！因為我倆都係第一次，所以都叫左烏卒卒同炒年糕呢兩個出名的菜式，唔想食拉面，所以叫左水冷面。個水冷面酸酸甜甜幾開胃，凍凍地都幾好食，烏卒卒就夠特別，但炒年糕就驚喜！但就有啲「漏」，不過都好好食！三個菜食左$240～ 唯一唔好係限時，想傾住計食慢慢食就一般般適合

今次係第二次黎School Food~ 上一次已經係五月既事啦同行既朋友係超級fans 幾乎所有款式佢都試過晒所以今次都係由佢發版~ 食呢間店佢覺得最好味既款式烏卒卒 $75 即係充滿墨魚汁既小卷 每粒都包住既好大粒既墨魚 仲有少少唔辣既泡菜~記得第一次食時真係好有驚喜 比佢吸引住!可惜今次第二次食 唔知係咪因為唔同分店 味道感覺上冇上次甘好食 小卷唔係凍又唔係熱... 個人覺得雪凍左可能會好食d~~不過都見到呢碟仍然係每枱必點既招牌菜 未試過既話都值得一試之後點既係 軟芝士泡菜鐵鍋飯 $88呢個對於唔食辣既我黎講真係有少少辣 但係可以接受而且超惹味既香料令我停唔到口係甘食 =D上枱就要記得將芝士撈落飯度 芝士都夠多 不過可以再多d =D個飯仲有好多煙肉碎同洋蔥 成個口感都好豐富最後又食返上次已經試過既 廚師卡邦尼年糕 $68今次再食 其實都係唔錯 但真係少左第一次食既驚喜原來好多食物最好食既時侯都只係第一次試既時侯...不過呢碟都好夠熱辣辣~ 感覺份量比上次食少了, 醬汁有少少太咸黎緊沙田途中已經用新城市拎飛APPS拎定飛 黎到都仲有幾多人等緊位個陣已經係晚上9點 所以要黎食就要預時

星期五的晚上 早已預料又是人山人海 所以六時多已取位 等了幾分鐘便入座menu選擇不多 卷類較多款式 有餐肉卷、紳士卷等 點了較多人吃的烏卒卒卷一碟14件的烏卒卒 $75卷物細但一口一件其實頗多 墨魚汁飯卷包着魷魚 當中還有爽脆的食材我猜是瓜類 口感不錯 帶點微辣 會回味的一道菜廚師卡邦尼 $68一上枱可見汁料很重芝士 材料有煙肉 粉絲 蘑菇 洋蔥和年糕 年糕好不好吃在乎於汁料上 很明顯 重芝士的卡邦尼是不會難吃的 配上年糕煙韌的口感很搭粉絲掛汁能力極高 只可惜份量不多 炸物拼盤 $88邪惡的一道小吃 完全合乎年青人口味炸年糕 薯條 和炸芝士肉球 中間放着一碗芝士醬 真的有碎芝士在內薯條份量多 炸起又脆又熱 沾上汁料確是惹味 炸年糕單吃平平無奇 只可沾醬或沾上卡邦尼的汁 炸肉球中有芝士 鹹香肉軟 是小朋友至愛呢豬頸肉芝士炒飯 $88個人認為這裡的飯麵類都不值 辛辣麵索價80大元而且做法簡單 可是家人都認為飯類較飽肚 則點了豬頸肉芝士炒飯豬頸肉少得可憐 炒得又硬和實 但88元似乎索價太高 味道正常並不突出限時75分鐘很快到了 3人叫了4道菜也很飽 門口擠着一大堆人不好意思不離開 會為卡

呢間新開時, 食飯時間起碼等一個鐘以上, 所以我一直都冇去試, 但今日可以早d去攞位, 而且朋友肯專登入嚟食, 等就等啦~是晚去到六點半左右, 離遠已經見到好多人等緊位, 一拎飛, 嚇我一大跳, 竟然要等差不多三十張先到我到, 仲要係以2位計, 心諗唔等一個鐘都唔會到, 但朋友未到, 唯有响門口等下, 等到七點左右, 見仲有十幾張, 於是行下, 只係由門口行到去電梯口再行返轉頭, 都唔敢行遠, 當行返去時竟然叫我個號碼, 即刻仆過去, 但我朋友未到, 唯有問下門口姐姐點算, 佢話最多可以過5個號碼, 否則要再拎飛, 咁即係我可以過多5個號碼先攞枱, 點知呢5個號碼都唔駛2分鐘已經到, 因為好多人好似我一樣, 朋友未到, 好多都skip哂, 咁唯有入去等住先, 冇理由再拎飛掛? 因為度限時食75分鐘, 所以個個都唔肯入去先, 因為一入去就計時~等緊朋友時, 先睇定食乜, 當朋友一到, 問佢啱唔啱食就可以即刻叫, 但我個人覺得選擇唔多, 而且我唔食辣, 朋友唔食牛, 所以選擇更加少之又少, 我唯有試下有少少辣果d, 希望唔好太辣, 如果唔係真係冇乜選擇~   烏卒卒係墨汁墨魚壽司卷, 魷