淂記 (Closed)

為食兵團近日發現利園三期地牢原來有間中菜館「淂記」，某網購平台會員可專享晚市七折優惠，閒日黃昏四點至八點仲有歡樂酒酒飲，收工可以直落唔洗轉場，蕃薯uncle吹雞即有十人附和，私人飲食助理當然係立即登記做會員啦！經商場內嘅正門進入餐廳，食客必先行落多級樓梯。小肥會建議大家從新寧道入口搭𨋢落去，安全方便得多。「淂記」室內面積堅大，除咗私人廂房之外，用餐大堂都分好幾區，洋式嘅裝潢及合拼式餐枱似係咖啡廳多啲。酒鬼們五點鐘先喺高半層嘅酒吧區暢飲歡樂頭輪。主飲品牌共有九頁。人多最抵就係點選指定樽裝紅酒或白酒，因為打完八折仲送兩客酒吧歡聚小食。小食最平都要$68/客，即係慳多百幾蚊㗎！脆脆薯條（$68）：粗粗肥肥嘅薯條新鮮炸出，外脆內腍。椒鹽魷魚鬚（$68）：小食層炸皮就好香脆，無奈魷魚鬚本身偏韌，牙力唔夠的話唔好亂咁試。乾煸豬大腸（$68）：食落麻多過辣嘅豬大腸仍有少少餲味，個人並不推介。晚市散點餐牌共有十頁之多，中英對照，並附插彩圖，簡單易明。茶位費$20/位；前菜$22/碟。每個位都有齊備嘅自用餐具。馬蘭頭百頁千卷（$80）：以百頁包捲住嘅馬蘭頭清新爽嫩，一口一件極易入口，完全唔會食得好遴迍。

呢間餐廳最近推出「週末任點填鴨早午餐」🥢$368就食到超過25款冷盤、點心、湯羹、主菜、甜品等，當然有著名北京填鴨🤩👍🏼值得添食💗烤北京填鴨先將鴨皮沾砂糖食用，品嚐其酥而不膩，回甘油香🦆；然後將鴨肉同鴨皮放係煙韌嘅餅皮上，加入大蔥、青瓜、同甜麵醬捲起，同時食到濃郁嘅鴨肉香，口感非常豐富🫔💗黑魚子煙燻初生蛋半熟糖心蛋滑溜甘香，帶淡淡煙燻香同醬油味，以黑魚子點綴增添咸鮮🥚💗灌湯小籠包外皮薄身軟滑，一咬爆出香濃湯汁，豬肉餡鮮美🥟💗水晶蝦餃王晶瑩剔透嘅餃皮包住滿滿爽彈鮮甜嘅蝦肉餡🦐💗蟹子帶子燒賣用上半肥瘦豬肉、鮮蝦同冬菇粒做成餡料，口感爽滑鮮嫩，以鮮帶子片同蟹子點綴🐷💗芥末鹹水角糯米皮加入日式芥末搓皮，帶微微辛香但唔嗆鼻。外層香脆軟糯，餡料有豬肉碎、蝦米等，味道鹹甜惹味🥠💗上海雲吞鴨湯鴨湯味道香濃清甜，盛載皮薄餡足嘅菜肉雲吞、軟嫩嘅鴨肉同小棠菜🍲💗高郵鹹蛋蝦球蝦球炸至金黃香脆，加以流沙甘香嘅鹹蛋黃醬爆炒🍤🌟每位免費享用翡翠紅燒鮑魚 (一隻)鮑魚以蠔油茨汁炆煮，食落軟淋彈牙，香甜入味，佐以西蘭花🥦

周六朋友帶我嚟呢度行街Shopping, 佢話好熟銅鑼灣, 今次一定要帶我嚟食吓呢個點心放題進店時要行一條長樓梯, 又幾靚打卡都唔錯~Weedend Chinese brunch $368 all you can eat dim sum, appetisers, signature dishes店裡空間感超大, 中間仲有一個好似BAR既位置  點心放題！每位享用翡翠紅燒鮑魚, 超彈牙啖啖肉, 正丫有張點心紙, 可以叫3 round, 我地叫第1round 已經好飽!係點心紙度1st round度寫數字就得! 因為佢會根據寫既數字比幾多粒你有D就會係一份上陳年紹興醉雞 (份) 酒味好香, 食落唔係好濃味, 肉質夠嫩滑! 陳醋小排骨 (塊) 醬汁味道偏甜醋撈青瓜雲耳 (份) 我鐘意呢個丫! 夠爽口唔太辣黑魚子煙燻初生蛋 (半隻) 高郵鹹蛋蝦球（份）  呢個真係必叫丫! 表面都係鹹蛋醬，咬落去超脆卜卜，裡面就啖啖肉, 鹹蛋唔會散到四圍都係，唔會太鹹， 係剛剛好的味道！每人大約2-3隻水晶蝦餃皇 (粒) 裡面超大粒蝦!皮薄餡靚!! 超鐘意食蝦餃既我, 呢個我比滿分! 性價比超高!芥末鹹水角 (