Video
Read full review
2018-09-05
3168 views
老友記話北角開咗家新酒店，佢哋嘅自助晚餐喺超長時間，由18:30pm-22:30pm，而且，食物方面有唔少賣點。其實，呢一區都甚少嚟，但既然有新嘢，而且，又可以同啲老友聚一聚，時間長可以慢慢傾個夠，就算未喺快樂周五，一樣可以好開心食番餐。餐廳Farm House就位處五星級嘅「海匯酒店」（Hotel Vic）西座2樓，離地鐵站都只喺5-10步程，非常方便。既然叫得Farm House，環境自不然有點關聯，一室木系，部份地方更搭建成農舍模樣，架上放置好多盆栽，而且，地方闊落，樓底好高，枱與枱之間距離足，配合上柔和嘅燈光，令整體環境都予人悠閒舒服，感覺輕鬆。食物嘅擺放基本上可以講喺分兩大片區，一入門口嘅片區，集中於沙律、冷盤、海鮮、刺身及壽司、甜品、飲品呢6個類別。即刻去片，等小弟逐類介紹，不過，話晒都先後有序，甜品就番待最後先講。即榨蔬果汁平時真喺極少一開始就介紹飲品，因為，大部分自助餐都喺供應啲果汁、啡茶之類，甚少稱得上特色。但呢度就提供即榨蔬果汁，據侍應介紹，仲喺日日不同，是晚就有甘筍、雪梨及西瓜，你想點溝都得，或者淨喺一款都可以。小弟心多，就先要杯三溝清新一吓味蕾，天然嘅蔬果汁當然
既然叫得Farm House，環境自不然有點關聯，一室木系，部份地方更搭建成農舍模樣，架上放置好多盆栽，而且，地方闊落，樓底好高，枱與枱之間距離足，配合上柔和嘅燈光，令整體環境都予人悠閒舒服，感覺輕鬆。
食物嘅擺放基本上可以講喺分兩大片區，一入門口嘅片區，集中於沙律、冷盤、海鮮、刺身及壽司、甜品、飲品呢6個類別。即刻去片，等小弟逐類介紹，不過，話晒都先後有序，甜品就番待最後先講。
即榨蔬果汁平時真喺極少一開始就介紹飲品，因為，大部分自助餐都喺供應啲果汁、啡茶之類，甚少稱得上特色。但呢度就提供即榨蔬果汁，據侍應介紹，仲喺日日不同，是晚就有甘筍、雪梨及西瓜，你想點溝都得，或者淨喺一款都可以。小弟心多，就先要杯三溝清新一吓味蕾，天然嘅蔬果汁當然無得輸啦，正呀，所以，是夜前前後後都飲咗三幾杯。
即榨蔬果汁
94 views
2 likes
0 comments
咁都順便講埋有咩自助飲品供應，一邊嘅凍櫃有支裝可樂、雪碧及忌廉，而另一邊則放置兩大部咖啡機，有多款意式咖啡供選擇，不過，咖啡機嘅出品大家自然心裡有數；此外，多款「川寧」品牌嘅茶包、檸檬片、全脂奶，可以讓客人作自己心水飲品嘅配搭。
沙律老規矩，小弟食自助餐嘅首發設定喺沙律，因為，食咗沙律先真喺會開胃啲，無咁快滯。晌沙律吧，排列咗4款沙律菜、13款配料、4款醬汁及油醋，唔詳細講，自行看圖索驥；而另一邊凍櫃，則供應幾款現成沙律，例如燒田園雜菜、蘋果沙律、烤魷魚配西柚沙律、蕃茄沙律。
隨心揀上自己嘅喜好，拼湊埋一小碟沙律拼盤，整體嚟講，啲材料都幾新鮮，所用嘅質素亦唔差。
沙律
54 views
0 likes
0 comments
正正就喺放晌凍櫃之內，除冷凍住保存鮮度之外，有晒櫃門，就更加衞生，唯一缺點喺一邊門開咗，另一邊就郁唔到。而冷盤方面，共有4款芝士、蔬果條、風乾牛肉、莎樂美腸、煙雞胸、煙鴨胸、凍肉腸、巴馬火腿，算喺選擇唔少喎。
揀咗幾款冷盤嘢，再晌另一邊拎咗啲生果，自家製巴馬火腿伴蜜瓜。雖然只喺幾款冷盤食物滋嚐，但均食得出質素。喺唯一唔記得拎啲芝士，之後亦無咗回事而錯過咗。
冷盤
113 views
0 likes
0 comments
燉湯食完兩道生冷嘢，搵碗燉湯嚟暖吓胃先。湯品晌晒另一個食物片區，等陣先詳細介紹嗰邊，依家就分享吓個燉湯。由於唔見佢有擺個名牌，所以，都唔喺百份百確定個湯名，但有啲瘦肉、響螺肉，入口清潤、老火，飲完一身暖意。
海鮮喺食自助餐嘅回本區，先掃視一下有咩海鮮先，包括：法國麵包蟹、波士頓龍蝦、翡翠螺、澳洲青口、紐西蘭蜆同凍海蝦，當然，如有埋生蠔就更回到本啦。
6款海鮮話多唔多，話少唔少，剛好砌成一小碟拼盤，擺得滿滿。麵包蟹非常多膏，入口甘腴；龍蝦、海蝦同樣肉質爽口，味道鮮甜；翡翠螺、青口、紐西蘭蜆，亦喺質素不俗嘅貨色，好滿足。
海鮮
147 views
0 likes
0 comments
小弟一向有個感覺，就喺晌自助餐所提供嘅刺身，普遍都喺啲普通貨色，故此，都甚少晌自助餐中食刺身。不過，是夜經過「日本檔口」，睇見啲刺身色澤亮麗，仲唔喺普通嘢，包括赤蝦、帶子、八爪魚、吞拿魚、油甘魚、三文魚，駐足八吓嘅時候，師傅仔更強調吞拿魚喺藍鰭，質素絕不失禮。因此，要一碟刺身跟朋友共享，不過，凍櫃上面嘅雜錦壽司同卷物，就無謂嘥咗我嘅「儲存空間」去試嘞！
6款刺身，可以講喺樣樣都幾得，赤蝦夠晒大隻，味鮮而蝦肉帶黏；帶子勁厚肉，入口軟滑鮮甜；八爪魚爽口得嚟有韌勁，但卻唔會好似橡皮咁樣；吞拿魚、油甘魚、三文魚都各有個性，據師傅仔講，逢星期五六日更會有原條藍鰭吞拿魚即切表現，相信幾有視覺效果同吸引力。
刺身、壽司
128 views
2 likes
0 comments
烤肉、串燒企近門口，已聞到陣陣香氣，皆因對正門口就喺烤羊架同串燒，睇住師傅密密燒，香氣一定四溢啦！隔離位就有燒西冷，大大條嘅西冷，就算薄切都好大件，而且，燒得非常靚仔，十分之吸引。配以上嘅肉類，薄荷啫喱、黑椒汁、燒汁及沙爹醬當然唔少得啦。
熱盤跟住介紹喺有咩熱盤先，晌整個片區裡面，熱盤分開咗幾排擺放，好處喺可以分散到人流，唔使啲客堆埋一齊攞熱盤嘢食。而啲熱盤都有搵電磁爐熱住，第一排先有紅酒燴雞、白汁鱸魚、甜蕃薯、扒雜菜、Lobster Pizza及煎鵝肝；
行過少少，第二排主要喺啲咖喱類，例如印度薄餅、印度薄脆片、黃薑飯、咖喱雜菜、咖喱角……等等。順帶一提，晌度仲放咗啲食咖喱嘅配料、西式麵包及忌廉蘑菇湯。
兜過另一邊，有第三排熱盤， 3款熱食：波士頓龍蝦、咕嚕肉同越南大頭蝦。隔離仲擺埋3款中式燒味：蜜汁叉燒、明爐燒鵝同燒肉。
面對多款熱盤，有啲都幾想試，所以，隨個人心水精選咗一碟。波士頓龍蝦以中式整法，薑蔥煀，正喎，而且，蝦鉗已經扑咗殼，食起嚟唔太難，又啖啖肉喎；西冷同羊架都一樣咁正，夠肉香，又唔會又韌又嚡；啲咖喱都做得出色，咖喱香得嚟有層次；喺大頭蝦失望啲，好肉地，但唔爽，反而覺得有少少霉肉。
繼續介紹埋呢區嘅熱食，大大個巨型蒸籠，擺滿牛肉燒賣、粉果、馬拉糕、叉燒包、荷葉飯，對本地人嚟講，未必好吸引，但對遊客，反而喺好有地道賣點嘅選擇。
此外，更有香港本土特色嘅仲有大堆車仔餸，由於以大煲裝起晒，就唔方便逐煲揭開形，大概有雞翼、牛肚、豬皮、海螺、豬紅、蘿蔔、咖哩魚蛋……等等。試就無試，味道唔知喺點，但不時見有客人要，相信喺情懷所至。而早前提及嘅燉湯，就放晌車仔餸附近。
即煮意大利麵即煮意大利麵檔其實都幾吸引，有3款麵條、2款醬汁（蕃茄汁或忌廉汁）、多款配料（如蟹肉、西班牙辣肉腸、蘑菇、洋蔥……等等）供選擇，加上大大原個意大利芝士擺晌眼前，非常搶眼。
即煮日本麵檔除西式代表嘅意大利麵檔，亦有日式代表嘅即煮拉麵、烏冬檔口，配料有日式叉燒、蟹柳、油豆腐乾、椰菜絲、粟米粒、木耳絲……等等，湯底只有一款：豬骨湯。初頭經過仲以為喺本土嘅粉麵檔，當然，你喜歡嘅話，一樣可以自家港日聯乘配搭，日式拉麵配車仔餸，再搭啲燒味都仲得。
甜品一早已講過，甜品就放晌入門口嘅片區，分咗幾組枱面擺放，凍櫃內有好多的骰小巧嘅小甜點：意式奶凍、迷你法式焦糖燉蛋、朱古力慕斯、布朗尼、士多啤梨慕絲蛋糕、焦糖慕絲蛋糕……等等，汽水櫃上面就仲有多款杯裝乳酪。
另一邊箱就喺港式糖水，但全部都喺冰鎮住凍食，如楊枝甘露、涼粉、豆腐花……等等。
再過一啲，喺有師傅駐場即製嘅班戟同窩夫，更有好多配料伴食；其次，晌呢組櫃枱，仲有其他甜點，如檸檬撻、朱古力撻、迷你焗麵包布甸及紅豆沙。整體嚟講，數吓數吓都有成十多款，應滿足到一般需要。
雖然款式唔少，但較有特色嘅亦唔多，故此，今次拎嘅數量無平時咁一大碟，只喺精選其中較心水嘅6款。其他甜點喺點我唔敢講，但所揀呢6款就極有水準，尤其朱古力撻、焦糖慕絲蛋糕，前者朱古力香濃柔滑，撻殼脆口；後者就慕絲做得幼滑，帶陣陣香甜焦糖味。
鮮奶咖啡上文都提及過餐廳供應自助啡茶，所以，嚟到品嚐甜點嘅時候，條件反射下，自然沖杯鮮奶咖啡相伴。老實講，由咖啡機沖調嘅質素，就千祈唔好有太多期望，味道一般嚟講都還可以，口感喺會差啲啲。之但喺，好鍾意佢隻瓦茶杯，好有原始味。
雪糕櫃其實，晌甜品區仲放置咗個大型新式嘅雪糕櫃，斜斜哋設計，遠睇成隻小飛船，內裡放滿好多杯裝雪糕及雪條，品牌喺Mövenpick、Häagen-Dazs及牛奶公司，就算喺後者，都喺啲特色雪條，更讓小弟可以懷舊一番。
正正因為有咁多雪糕、雪條揀，所以，上面份甜點拼盤都唔敢太放肆拎太多，留肚嘆雪條！無錯，今回只食雪條，因為幾款品牌雪糕都食過，反而雪條未試過，拎咗哈根大師嘅焦糖脆餅雪條及牛奶公司嘅經典鳳仙。前者混有好多粒粒嘅焦糖脆餅，啱晒我啦，而後者相信好多70後打落嘅都好有一份回憶，晌細細個嘅時間，佢嘅地位就好似依家嘅大品牌雪糕咁，晌當時喺種高檔雪條，香蕉脆皮、雲呢嗱雪糕、芒果醬夾心，喺懷舊嘅味道。
哈根大師嘅焦糖脆餅雪條
89 views
0 likes
0 comments
牛奶公司嘅經典鳳仙
35 views
0 likes
0 comments
Post
