Lau Bistro

Open Now

Now Closed

腐乳通菜就食得多啦，但腐乳嘅fusion菜我真係第一次食😆 呢間喺中環新開嘅隱世小店主打都係食腐乳嘅fusion菜，因為真係太特別，所以我同個friend都決定要試試佢～💛腐乳鹹蛋黃炸魚皮 $68⚠️ 警告⚠️呢道菜十分邪惡😈 啲炸魚皮唔單止熱辣辣端上黎，而且鹹蛋黃味十足～仲要炒到起哂沙🤤超級有味！幾乎每一塊都沾滿鹹蛋黃～而腐乳就起左中和鹹蛋黃鹹味嘅作用～不過食落主要都係鹹蛋黃味為主～同埋要強調下，真係好大份！🥑芒果牛油果沙律 $108呢個沙律真係啱哂啲健康人士～真係滿滿都係牛油果！所以口感都creamy~啲酸酸甜甜嘅沙律醬加埋牛油果都幾match～感覺係屬於有啲飽肚嘅沙律😚 最緊要係面頭啲芒果好新鮮同好鮮甜，完全係呢個沙律嘅加分位🥰🐷焗南乳豬手 $288碟豬手皮脆肉嫩就不在話下～份量好足而且皮同肉之間夾住滿滿嘅骨膠原～所以成個豬手嘅口感好豐富且有多層次～同埋我地平時食焗豬手都係蘸蜜糖芥末醬居多，但呢間餐廳就自己用南乳調左個醬出黎，豬手配南乳醬雖然係一個新奇嘅組合，但食落味道都唔錯，唔會odd又可以中和油膩感 ，意外地match~🍝椒絲腐乳卡邦尼意粉 $138見到好多人推介呢個腐乳carb

呢間餐廳巧手將腐乳融入各式西餐⬜️店內以白色、黑色、艾綠色為主調，分別代表豆腐、發酵、腐乳嘅顏色。店主以腐乳比喻逆境，發酵未必腐壞，未試過又點知唔得🖼💗芒果牛油果沙律 ($108)牛油果粒軟滑細膩🥑拌入沙律醬同橄欖籽，加上清甜微酸嘅芒果粒🥭食落清新開胃。沙律菜新鮮爽脆，簡單以黑醋調味🥗💗椒絲腐乳卡邦尼意粉 ($138)忌廉加入腐乳打成醬汁，再炒上意粉，味道奶滑帶隱隱腐乳香，冇一般卡邦尼醬咁Heavy，同蛋黃撈匀一齊食更順滑🍝以煙肉絲、臘腸同彩椒絲點綴🥓💗焗南乳豬手 ($288)豬手先焗後炸，預先去骨切件。豬皮香脆金黃，肉質軟嫩鹹香，筋位爽彈有嚼勁，充滿骨膠原🍖配埋自家製南乳沙律醬，味道温和香濃🟥💗腐乳咸蛋黃炸魚皮 ($68)魚皮炸得鬆脆香口，咸蛋黃醬特別加入腐乳，所以味道更甘香濃郁，口感起沙🍳💗「父」古力 ($45)將朱古力凍飲同腐乳結合，先品嚐到朱古力嘅香甜，然後飲出淡淡腐乳嘅豆香同鹹味，兩者配搭完全唔伏，新奇有驚喜。頂層唧上厚層忌廉同灑上可可粉🍫

1. 椒絲腐乳卡邦尼意粉腐乳味完全融入咗個醬汁度，但又唔會濃到搶曬個味，我諗唔鍾意腐乳味既人都會食得落；配料有流心蛋黃、椒絲、煙肉、臘腸，同腐乳風味好夾又令到成件事味道好平衡；意粉煮得軟硬適中，d醬汁掛曬係意粉度唔會水汪汪；但都有可能食得多會覺得有d膩。整體而言係創新得黎唔衝突同好食既。2. 紅酒燴牛肋條配白飯牛肋肉燜得都算淋同仲keep到口感；個汁唔會鹹而且肉都入到味；肉既量都唔少但個人覺得男仔會想要多d飯lol；整體都幾好食，lunch 68蚊算係幾抵食既一個飯。3. 腐乳鹹蛋黃炸魚皮雖然食唔太到腐乳味，但鹹蛋黃味都勁香而且唔會死鹹；炸魚皮口感好好，有一定厚度，即使放到食完餐飯都仲係脆，非常惹味。4. 焗南乳豬手豬手外層焗到勁脆，但內層d膠質仍然keep到好煙韌，連埋d肉越咬越香又唔會鹹；隔離仲有d應該係南乳+沙律醬？豬手點住黎食就無咁膩，另有一番風味；一份都好夠兩個人食，豬手愛好者必點！5. Lau White好有趣既飲品，飲到話梅味+蘇打水+咖啡；老闆話飲到第三啖就會愛上呢杯飲品，但我第一啖就覺得幾好飲😂。非常創新既味道，值得試下。

𓊆 中環新餐廳 𖣅 賦予腐乳新意義 𓊇中環近排開左一間新既餐應，食物以腐乳為主題，非常之創新。對於幾位老闆黎講，人生就好似豆腐發酵成腐乳既過程，未到最後都唔知係變好定變壞。聽完老闆詳細既介紹，就會發現佢地由鋪名到裝修到食物都係有特別既意思，黎到不妨花d時間參觀下～┄┅┄┅┄┅┄┅┄𖣒 椒絲腐乳卡邦尼意粉 $98第一次食加左腐乳既意粉，其實又幾夾！意粉有淡淡腐乳味，再加左d臘腸，食落幾香口～評分：🌕🌕🌕🌗🌑-𖣒 焗南乳豬手 $288呢個必叫！豬皮焗到好脆，但肉質一d都唔乾，點埋南乳食好香！評分：🌕🌕🌕🌕🌑-𖣒 腐乳咸蛋黃炸魚皮 $68超邪惡！滿滿既咸蛋黃醬包住香脆既魚皮，食落超香咸蛋黃味，不過就蓋過左腐乳既味道。評分：🌕🌕🌕🌖🌑-𖣒 紅酒燴牛肋條配白飯 $68牛肋條煮得好淋，輕輕一咬d肉就可以分開。牛肉好入味又唔乾，送飯一流。評分：🌕🌕🌕🌖🌑-𖣒 𝑳𝒂𝒖 𝑾𝒉𝒊𝒕𝒆 $45應該係加左話梅(?)既咖啡，飲第一啖感覺好衝擊，因為未飲落咁酸嘅咖啡🤣 但飲多幾啖習慣左又真係幾好飲，難怪老闆話要飲3啖先會愛上～評分：🌕🌕🌕🌗🌑-𖣒 𝑳𝒖𝒏𝒈 𝑵𝒐𝒖𝒓𝒊𝒔𝒉𝒊𝒏𝒈 𝑪𝒊𝒕𝒓𝒐𝒏 𝑻𝒆𝒂 $25食落甜

有「東方芝士」美譽既腐乳，調味佐飯入饌一流。雖說坊間以腐乳入饌既菜式唔少，但以主打以腐乳主題、將呢種東方家常配料升格入饌中西式甚至飲品內，中環呢間火紅新店「流」Lau Bistro真係可以稱到上係全港首家。.「流」位處中環結志街，接近文青勝地PMQ同荷里活道。粉綠門面加單字「流」招牌，搶眼醒目易認。餐廳由五位有心有力熱情既壯男美女分工經營。有幸遇到幾位負責人都開朗健談，主動介紹餐廳解釋菜式，服務滿分。.內部以粉綠主調配襯復古黑白地磚，牆身掛滿由負責人朋友幫忙繪製字畫，描繪左幾位老闆「附語」成長小故事，懷舊風玩味濃，大家用餐時可以慢慢欣賞。餐廳樓高兩層，一樓係主要用餐區，二樓由Packer Leo主理，用餐、活動包場均可。.早餐 (包主食、沙津及柚子潤肺茶)🥪腐乳咸牛肉飛碟配🥙沙津 💲45⭐️3.8/5到訪當日時間係早午餐交界時份，趕得及先試一款早餐。早晨套餐以三文治飛碟餐為主，有六款不同選擇，配上新鮮沙津菜同中醫師配方柚子潤肺茶，健康豐足。餐廳推薦試下佢地招牌級腐乳咸牛肉餡飛碟，本身預期係茶記咸牛治餡但大有驚喜。餡料牛肉係用和牛同精心調配腐乳醬，鮮牛肉配上淡淡腐乳咸香，口味健康零負擔，以