茶寮 京都仁王門

Open Now

Now Closed

無意中在網上發現了這一間餐廳，介紹的標題是:日本人氣「京都仁王門」登陸香港 首間茶寮進駐荃灣！限定日式班戟/料理定食/吐司，覺得非常吸引，所以很快就決定去這間餐廳試一下日本人氣的甜品以及定食。餐廳位置在海之戀商場地下的食街，到達時看到原來餐廳並非那麼大，也並非太日式裝修，也沒有景觀，屬於半開放式，看似也沒有網上介紹的那麼吸引，已經有少許失望，可能是午膳時間，所以餐廳人客都很多。一場來到，當然也要試一下，午餐時間當然是要先吃定食，之後再吃甜品。看到門口介紹這個「人王門御膳」，所以就點了一客。人王門御膳 ($158)上枱是用一個分開九格的盤子，每格入邊有不同的食物，分別是上)牛肉煮 | 吉列炸蠔| 日式燒茄子(中)燒鯖魚 | 唐揚配柚子胡椒醬 |北寄貝沙律(下)人王門御膳日式照燒雞 |京都玉子燒 | 醬醃糖心蛋~牛肉煮:只有二小塊，睇落好乾，且不太熱，味道一般。~吉列炸蠔:有兩隻，雖然不是剛剛炸起，但仍保持一般熱度及還是JUICY，味道OK。~日式燒茄子: 呢個真係太普通啦，都唔似係燒，而且咁少，會唔會孤寒啲啊?~燒鯖魚:在這一盤御膳內份量算是大的， 起碼隻碟係最大， 哈哈，入口沒有魚腥味

之前見到網上嘅廣告話荃灣即將會開E間日本人氣嘅甜品店，望穿秋水終於等到佢正式開業！😎店舖嘅裝修雅致，打著醒目嘅「京都仁王門」招牌。聽聞香港店先有Pancake食，今次除咗叫咗一份主食同飲品之外，特登點咗份一份焙茶班戟嚟試下！🥞主食方面，點咗一份仁王門定食，可以揀兩樣配菜。試咗吉列豬梅肉同吉列蠔，味道只算普通，而成份主食嘅份量都係偏少。試完主食之後，就要試下今日嘅主角 - 焙茶班戟喇！🥞個Pancake整得比較有咬口，個人鐘意軟身少少。最尾反而係飲品比較有驚喜，杯和風抹茶豆乳蜂蜜調配得啱啱好，非常滿意杯飲品！🍹

超過六十年歷史既京都和菓子老店「京榮堂」最近係香港開左呢間「茶寮 京都仁王門」，主打日式輕食、御膳同埋甜品。今次下午茶時間去試左試佢地既班戟🤤賣相同味道都冇令我失望。下次有機會既話都想試下佢地既烏冬、吐司或者定食。  1⃣️宇治抹茶班戟（$102）班戟全部即叫即製，所以都要預左等一陣，餐牌都有寫到要等大約20分鐘左右。兩塊厚厚既班戟，上面灑滿抹茶粉，配料仲有抹茶蕨餅、抹茶雪糕同埋紅豆😍班戟唔係好空氣感既果種，食落鬆軟同埋好有蛋香，再淋上埋佢既抹茶漿，抹茶味夠香濃！另外抹茶蕨餅好煙韌🤤抹茶雪糕都好濃抹茶味。  2⃣️焙茶班戟（$108）焙茶班戟面頭係滿滿既焙茶粉，未淋個焙茶漿，就咁食已經覺得焙茶味好出。淋上焙茶漿之後，係甘香既焙茶味上會加多分甜味，滿足感更加提升🤩另外配料有黃豆粉蕨餅、黑芝麻雪糕、黑豆同埋忌廉。蕨餅一樣係好煙韌好好味👍另外要講佢既黑芝麻雪糕超濃，配埋班戟食好正！  3⃣️焙茶黑芝麻奶昔（$52）面頭係滿滿既焙茶粉，仲有三件蕨餅，面頭既cream質感好厚實😋底下既黑芝麻沙冰超～濃黑芝麻味😳杯奶昔好推薦🥰  

朋友話想來試吓，見到京御膳，真係好吸睛，點都要叫來試吓。還有，這裡既班戟和奶昔都幾出色。🤩 仁王門御膳 $138 靚就真係幾靚嘅，但味道個人就覺得真係麻麻。 因為八成都係酸嘅，而且仲係好酸，唔係幾好食囉！好似改咗 menu 啦！配搭唔同咗，應該會好 d 吧！🤩 宇治抹茶班戟 $102 👍 真係好味，班戟有蛋香，推介🤩 抹茶煉乳奶昔 $52👍 真係好味，推介🤩 焙茶班戟 $108👍 班戟有蛋香，香濃芝麻味雪糕🤩 焙茶黑芝麻奶昔 $52👍 好香芝麻味，但係沙冰底，夏天一流如果，抹茶和焙茶，我個人比較喜歡抹茶。還有，個人覺得甜品似乎比鹹食優勝一點 ！

當知道荃灣會開間新既日本京都人氣甜品店已經好想試。今次專程去荃灣試一試。今次Order叫左兩個班戟同埋抹茶煉乳奶昔。《宇治抹茶班戟》同《焙茶班戟》每碟都有兩塊班戟而且係面層撒上抹茶粉或焙茶粉，仲配有日本直送抹茶/焙茶蕨餅、特調抹茶/焙茶醬、忌廉同抹茶/芝麻雪糕。因為有幾種配料，咁可以配搭到幾種唔同既食法。我比較喜歡將班戟＋雪糕再加少少特調抹茶/焙茶醬，咁樣可以食到更加濃既抹茶/焙茶味。至於《抹茶煉乳奶昔》，我覺得抹茶比較淡所以加入班戟剩下嘅特調抹茶醬，即刻有濃濃嘅抹茶味。