豚道樂 (大河道) (Closed)

又到同男朋友撐枱腳的星期三，今次決定去大家都方便的荃灣。係openrice睇到呢間拉麵店好多好評，就去試下！7點幾去到仲未需要等位！呢度店面唔算好大，座位比一般拉麵店闊落，裝修特別。先填紙揀湯底，小食。有5-6款湯底。蕃茄同烏冬就夾，同拉麵感覺怪怪的，而我地又唔食得辣，魚介湯又賣完了，所以點左原味豚骨拉麵同黑蒜油拉麵，同埋仲有煎餃子。雖然店面唔大，人唔算好多，但係拉麵都等左20分鐘以上（其實拉麵係日本唔係算快餐的咩？）。反而係點菜時店員提醒製作需時的煎餃子先上！🧐餃子煎得香脆，略嫌淡口，普普通通，加上醬汁都還可以。等左好耐的拉麵終於到喇！估唔到等咁耐換黎的係失望。😔拉麵賣相不過不失的！不過拉麵一上枱，已經聞到芽菜的青味，相信係完全無淥過！所以我一開始就將芽菜浸入湯底，希望可以除一除陣青味。拉麵硬度適中，湯底十分清淡。就咁飲都飲唔到咩味，更唔好期待拉麵靠掛湯可以有咩味🙈最好食的係豬肩肉，肥瘦適中帶少少甜！男朋友點的黑蒜油拉麵，就係原味拉麵加黑蒜油。由於用同一湯頭，所以味道一樣係淡，我地一度懷疑店員係米唔記得左調味😫😫湯底係拉麵的靈魂，連最基本的豬骨湯底都煮唔好，就無謂再試其他口味喇，香港

滂沱大雨的晚上🌃老公提議食豚道樂拉麵🍜我地大約晚上七點到達餐廳，店內只坐滿1/3，不用等位。👇🏻👇🏻點餐紙👇🏻👇🏻我和老公都不約而同地點了特上原味豚骨拉麵🍜有豬肩肉、豬腩肉、紫菜同溏心蛋半隻🐣賣相不錯喔👍🏻👍🏻👍🏻豚骨湯底香濃郁而不油膩，拉麵的軟硬度適中，溏心蛋做到流心的效果，醃製過的蛋有豐富的醬油味，豬肩肉肉質嫩滑，配上紫菜一齊簡直一流👍🏻煎餃子🥟即叫即做，外皮脆又薄，肉餡多汁，熱呼呼送到我們的餐桌上。半小時已食完，埋單$200。下次可以試試其他款式的拉麵🍜

<🍜豚道樂>特上日本芥末拉麵($93)▫️特上會有半隻溏心蛋加紫菜中午時段仲可以揀多隻蛋or罐裝飲品仲要京蔥青蔥都有晒✌🏾️豬腩肉豬肩肉都有各2塊-為左個💚綠色芥末湯底，🏃就專誠跑轉荃灣試試。個湯底係幾特別，不過對我泥講個芥末味可以再嗆鼻少少😂食到後期就開始食5到陣芥末味。-麵條就揀左曲麵嘅特硬，我比較仲2有嚼勁嘅麵，掛湯力都會強啲，不過口感都係5夠硬，好快就浸淋左。一開始個湯底覺得5夠稠，但食到後期，撈埋芝士🧀蔥末，就開始稠少少，啲麵就掛上左湯汁嘅精華🌝啲綠呈少許綠色，係因為吸左湯汁嘅原故，而且都見到啲肉染左少少綠色👀-溏心蛋就非常出色🌞半隻蛋凍冰冰都幾流心，但5夠送嘅 個原隻溏心蛋咁流心😍甜甜地，個蛋皮又有嚼勁好好味，平時都好少食到成隻蛋，今次食左1隻半😝都仲想再食多隻添。-無諗過豬腩肉幾好食，平時好怕食肥膏。脂肪位個口感幾煙韌😳肉質不會太老8/10日式煎餃子($28)▫️漏左單嘅餃子，不過見好多人讚，點都想食下😌5隻都幾肥大嘅餡子，雖然個餡無塞到好飽滿，而且都係普通豬肉加菜餡。但真係煎到好外脆內軟，個皮都比平時食開嘅軟身。我覺得個表面好似蘸左啲蜜糖之類嘅醬汁再煎，因為外

係荃灣放工，同朋友行去豚道樂食拉麵七點半左右到，入到去已經8成滿座坐底後即刻點野食，已經聞到好香既豬骨湯底味 朋友點左唔係到到有既特上芥末拉麵，拉麵真係綠色架，每條都帶有芥末味。唔會太濃，但恰度好處。食落都幾刺激，幾特別呢碗拉麵上係配豬肩肉，朋友係食肉獸，所以加配左豬腩肉 兩者既肥瘦分佈平均，薄切，食落方便 至於我點既係特上黑蒜油拉麵湯底充滿黑蒜油香味，湯底係黑色的麵種我選了硬身版既曲麵，曲麵比幼麵粗一點，食落較滿足😁 每碗特上拉麵上都有半隻溏心蛋，但呢到既溏心蛋實在太美味，中間既溏心度十足，必要追加！ 而且追加一整隻只係$10,必加！ 另一驚喜係煎餃子！餃子煎得剛好皮薄，餡多煎子既底呈現金黃色，唔會煎到燶哂我同朋友都食得津津有味 食完拉麵，叫埋野飲朋友既係抹茶可樂，可樂味濃，抹茶味真係小左d😂😂信州蘋果梳打好清新，好香蘋果味大愛，值得推介食拉麵總要配反支凍飲先正的😎