深宵食堂 (Closed)

Bookmark左間餐廳好耐，亦都見到有好多朋友去食，今日終於的起心肝去食。一去到間餐廳七點鐘度，超級靜局，得大概兩至三張枱有人。我本身覺得伏味好重，但係我見我啲朋友都有去食所以我決定都坐低咗。後尾陸陸續續啲人嚟到都算Full House, 有啲人泥Walk in都無位，有返多啲人聲就冇咁靜局。我覺得如果可以播少少日式音樂會有啲氣氛，食得都開心啲。太肚餓所以冇影晒全部食物，雞軟骨雞翼嗰啲Standard嘢係燒得香嘅，新鮮熱辣拎上枱面不錯。個煙肉荔枝卷幾特別，我覺得大家要試試！有個鵝肝鮮菌飯，好似$118，其實麻麻哋。鵝肝同個鮮菌啲味都夾唔到嘅，飯還飯送還餸嘅味道。你當塞爆個肚都OK嘅⋯⋯個燒白鱔好普通，不過我本身好鍾意食鱔。同埋佢有四舊（$78) 我都食得幾開心。好多人話佢價錢貴，個原因係其實佢嘅份量比出面多。即係逼你食多舊！平時出面芝士年糕$24一嚿，呢度$38兩嚿，經濟學角度佢係有着數，不過我冇所謂係唔係都會嗌兩份。整體啲嘢食正常啦，服務非常之普通。中規中矩啦，價錢唔平囉！可以有更好嘅選擇～

再次嚟到呢幢building覓食，想食下日式串燒吹下水咁就嚟到呢間深宵食堂★★巨峰提子梳打 $38淡而無味，得梳打水嘅感覺😟★★★★味付螺肉 $38習慣開餐前都會叫下呢Ｄ前菜味通唔錯，仲附有D沙律菜★★★煙肉荔枝卷 $36燒到微脆嘅煙肉捲住荔枝，咸中帶甜，係幾特別但個人覺得呢個係最唔抵食嘅一款36蚊食3粒荔枝會覺得好肉赤★★★★吉列廣島蠔 $42★★★★日式一口雞 $42炸物一次過講，兩款都炸得夠香脆，外皮酥香，內裡肉質鮮嫩唔會太乾，點埋醬食好正★★★牛油炒什菌 $42唔算話太重牛油味，不過尚算juicy，不過不失★★★★香草羊架 $78唔會太羶，燒得岩岩好鎖到肉汁，羊肉味又夠。值得一讚係佢地好貼心地已經幫你起埋骨★★★鵝肝什菌石窩飯 $118先將鵝肝煎香，然後落埋燒汁再撈飯食，夠晒肥美入味個底仲有微微飯焦～可惜鵝肝得一塊，飯量偏少最近食過另一間鵝肝飯，同一價錢比較下，呢間就遜色好多了果間就之後再介紹~深宵食堂整體評分★★★地理環境★★★時代廣場後面最多人排嘅building，都幾好搵燈光柔和，簡單佈局，有種真係深宵食宵夜感覺服務★★★得一個人係樓面serve客傳菜，其餘時間多數唔見人

向來最喜歡吃串燒，因為喜歡同朋友邊食邊飲邊傾的感覺，今晚與同學聚舊，於是選了地方就腳的銅鑼灣串燒店坐落於美食雲集的百樂中心簡約的木頭設計 頗有日式風味食物和飲品選擇都是日系聚舊當然要飲兩杯300ml 兩個女仔分 就岩岩好此款幾易入口 配串燒就更加中和一下即使不好烈酒的應該都岩飲黑板上的限定菜色大板燒分了4小份墨魚好足料 而且彈牙皮燒得香脆 肉質鮮美結實係又好味又健康之選香口一點的食物仲有呢個雞炸得超香脆，一定係即叫即炸的！雞肉好鮮 而且好Juicy啖啖肉 超滿足！它係我最喜愛的串燒菜式但朋友竟然話唔知咩黎！這的確不太常見 但超好味咸香的脆煙肉包裹著水份充足的鮮甜荔枝一口吃下去 兩者相輔相成把兩種食材的味道都提升原諒我照片拍得不太好因為我太心急吃它了作為店內的名物 果然芝士味濃而不漏口感煙煙韌韌 會令人食上癮結果我忍不住再叫多了一碟串燒的種類繁多喜歡吃蔬菜的我 好驚喜有好多種選擇店內環境舒服 有不少卡位是令人愉快的環境

老公睇過日本既《深夜食堂》一直印象深刻，無意中在Openrice 發現了這間 ”深宵食堂” 名字相近，於是同老公去探個究竟餐廳裝修以日本居酒屋為主題，店面雖小，但坐位尚算寬敞，店員感覺親切！食物方面以串燒及小食為主，迎合　深宵” 呢個主題！　頭盤蟹肉沙律 – 蟹肉很多，值回票價！配上爽脆既沙律菜及黑醋汁，非常之醒胃又惹味！煙肉荔枝卷 – 鹹鹹地既煙肉配上甜甜的荔枝，估唔到出黎既效果會咁好味！荔枝非常多汁，咬落去荔枝肉汁溶入左煙肉，好味到極，推介！推介！炸物一口雞 - 味道適中，雞件肉質夠鮮嫩，炸得剛好並唔會食到成舊粉，配埋蜜糖芥茉醬及沙律醬，用來做下酒物一流！燒娃娃菜 - 燒得夠脆，並鎖住菜汁唔會覺得乾，配上燒汁非常好味～冰燒菠蘿 – 第一次食到咁好味既燒菠蘿，菠蘿夠新鮮，燒完仲可以保全到菠蘿既肉汁，非常之juicy，酸酸地好好味，值得推介！雞泡魚乾 – 第一次食，魚乾上面灑滿七味粉，再點少少沙律醬，非常惹味，下酒物之選！奴豆腐 - 豆腐好滑，配上胡麻醬，清新可口芥辣八爪魚奶油飯 – 牛油撈飯確實未試過，估唔到咁香咁creamy，配埋鮮八爪魚，口感會更加之滑，非常有趣而特別的食法

今晚過海接男朋友放工，我是九龍人，不熟銅鑼灣的隱秘樓上舖餐廳，於街上閒晃覓食之際找到深宵食堂，店名令我聯想起那日本漫畫書呢！甫出升降機即看見木板牆，門口於右方，幾張椅子供食客等候入座。裏頭裝修跟門外走廊一氣呵成，店子小小，可招呼六至七枱客人，環境舒服又不嘈吵，適合三五好友樂聚一番。食物選擇不少～開胃小食，刺激味蕾！這個辣度是我能接受的。牛脷軟身帶爽，一點都不韌，很入味；麻辣醬汁惹味，碗底有沙律菜，夾埋一齊食又添一份層次，食到停唔到口以為細細碗，但其實份量算多驚喜～帶子裙邊燒得香脆，帶子燒得適中，不韌之餘仲唔乾身，火喉控制得很好！ 不錯的配搭，荔枝的甜平衡了煙肉的膩，食多幾點都唔覺膩每粒都很厚肉，咬落去肉汁在口中流動，牛味滲出，滋味無窮只看名稱已覺新奇，好奇的我當然要一試究竟原來是牛油伴飯，還加了醬油。要襯熱拌混哦，變成漂亮的金黃色未入口已聞到牛油的香味，愈咀嚼愈是覺得滋味，我抵抗唔到，又食一口簡單的食材，非凡的魔力真人示範「拉～絲～！」粒粒金黃酥脆，入面係香濃芝士，拉得好開心雞腎 - 香！脆！一點也不韌，廚師已加鹽作調味，帶出食物原有味道！煙肉蠔卷 - 又一新奇配搭，原粒蠔包在煙肉裏

約咗朋友大鄉裡出城出來銅鑼灣食呢間深宵食堂，記得之前去過尖沙咀一間類似嘅食堂 ~這間是樓上鋪，位置不多，大約七時已經到達，人客不算多，大約七時半才逐漸多人。一共有六張點餐紙食物種類不算太多，看見牆場上有幾種食物是在餐單裏面沒有寫的-芝士蟹肉玉子燒和牛肉他他沙律，非常吸引這款芝士蟹肉玉子燒一上枱，上面用茄汁寫著深宵，切開來裏面有芝士和蟹肉，非常鮮味，有啖啖蟹肉和很香的芝士又滑，非常美味牛肉他他沙律-牛肉表面燒熟切片，內裡是生的，配上洋蔥和生菜吃，很有新鮮感奴豆腐原來是即食嫩豆腐切薄片，淋上胡麻汁，又香又滑又涼，有隻車厘茄砌成兔子的裝飾，很可愛煙肉荔枝卷-荔枝不算太甜，平衡煙肉的鹹味汁燒帆立貝味道都不錯，不會太乾生燒牛脷芯有點偏硬，但香料味道亦不錯豚肉露筍卷-每塊豚肉包著兩條露筍，少少鹹味，感覺健康不膩芝士蝦球炸得非常香脆裡面芝士還能拉絲的吉利列大蝦同樣炸得很脆蝦肉彈牙七味魷魚圈稍為較油微辣，但外面都很脆，魷魚爽彈最後兩款甜點都一併點了，日本蕃薯仔甜甜地，細細粒，幾好食~冰燒菠蘿好多汁，微暖，不太甜和不酸，不錯~整體質素不錯，下次有機會再來便吃主糧，太多小食都會很熱氣，環境很適合知己相聚，

早前看過深宵食堂的電視劇集，深深受當中的特色美食、廚師和顧客間的互動所吸引。一直知道香港有與劇集同名的深宵食堂餐廳，這天終於可以抽空朝聖了！食店猶如其名，晚上六時才開始營業，位於銅鑼灣港鐵站附近，大約步行五分鐘便可到達，很方便港島區的上班族。深宵食堂用了簡約的日式裝修，好讓食客可以舒服地跟朋友聚聚，店內放置了數輯日本漫畫，大家可以重溫深宵食堂的漫畫情節。餐牌食物分為燒物、燒物（蔬菜）、主食、炸物、小食、甜點類，還有掛牆黑板上的推介食物，每款食品看來都很吸引！我和友人不花工夫便畫好了餐紙！食物上枱的速度非常快，過了一會我們點的東西已放滿一枱，正好滿足我們肌餓的腸胃！我們首先吃比較清淡點的凍食奴豆腐，件件雪白豆腐都非常滑口，有入口即化的感覺。芝麻醬增添了日式風味，令比較清淡的豆腐吃起來更可口。很欣賞伴碟的車厘茄是一隻組合出來的兔兔，很有心思，很可愛。牛肉他他沙律是令我們很有驚喜的一道菜，一片片厚身的半生熟牛肉片十分軟腍，牛肉鮮味誘人，沒有半點血腥味！為第一次吃生牛肉的我留下很好的印象！沙律汁也調製得特別，將小量的芥末醬加入日式柚子醋，很惹味！生燒牛利芯是我每次吃日式串燒必點之物。這個是厚切

等朋友收工後一齊去食宵夜，不過好多地方都就關門，誤打誤撞搵到依間深宵食堂，見個名叫到深宵食堂，應該專食深宵？上到樓上睇埋營業時間，OK時間岩岩好，就入左去住低喇！ 門面有幾分日式居酒屋，入到去除左環境之外，食幾野同居酒屋差唔多，係大家宵夜既好去處！環境唔算太大，亦有卡位同枱吧位，室內係比較休閒既裝飾，而且有部電視機睇住送飯 分左食物同飲品兩張餐牌，二話不說緊係揀野食，食物都以日式串燒為主，另有小量蔬菜同飯類選揀，因為大家都幾肚餓，所以都揀左唔少野黎食 烏龍茶，為免大家食得太油膩，飲品就揀左毫無油份既烏龍茶，不過冰落得比較多，沖淡左個茶味，而且唔想太飲凍野，下次要嗌走冰 芝士蟹肉玉子燒，香熱既玉子中間包住芝士同蟹肉，以茄汁寫上深宵字樣，店家既招牌菜式一定要食！玉子軟淋蛋香味好重，半凝固既芝士再加蟹肉，香甜回味，茄汁做番個調味，令味道更豐富，玉子燒既份量都幾大件，值得一試！ 一切開就見到流心既芝士蟹肉，望住都覺得吸引！ 胡麻蕃茄，自從我食過依兩款既配搭之後就深深愛上左～新鮮多汁既蕃茄配上酸甜開胃既胡麻醬，兩種都係酸既味道但就係特別夾！胡麻醬令蕃茄更fresh，同時令胃口大開～ 煙肉荔枝卷，

居酒屋文化，從日本傳到來香港已有一段時間，而香港人亦十分受落這種小份量多花款的飲食方式，有得食有得飲，對於一眾好酒之徒更是喜愛非常。較早前跟朋友試了一間位於銅鑼灣耀華街的樓上居酒屋，出品跟氣氛算是頗有水準。這小店位於商業大廈樓上舖，地方不大，簡約設計，以原木橫條作牆身，配上深啡色的沙發，入牆木架上放滿不同年代的日本漫畫書，很有部屋、溫暖在家的感覺。居酒屋多以串燒炸物小食為主打，此店亦不例外，選擇算是不少，除此之外還有其他主食如石窩飯及湯烏冬。飲品方面除一般汽水或較懷舊的忌廉溝鮮奶外，同時亦有清酒及啤酒供應。這裡採用點餐紙落order，讓客人自己挑選心頭好，而牆上面掛了個店主推介的餐牌，標註着這裡的招牌菜---芝士蟹肉玉子燒，這麼吸引當然要試一下啦！我們還點了幾款心水菜奴豆腐，充滿豆香的凍豆腐，以日本胡麻醬涼拌，味道酸酸的，清涼順滑，胡麻醬濃郁芬香，質感豐厚，與凍豆腐配搭絕對是最佳拍檔。煙肉荔枝卷，以半肥瘦煙肉捲著香甜荔枝烤燒，咬落荔枝肉汁澎湃湧出，那香甜中和煙肉的鹹香，鹹甜感覺在味蕾縱橫交錯，口感複雜但味道恰到好處。一口牛，賣相趣緻，將兩串牛肉串插在半個薯仔上邊，像擺設一般。食落肉味濃

朋友聚會，選間日本串燒小店，店子不大，但感覺恬靜愜意，一串兩串三串，慢慢傾，慢慢食。。餐牌選擇頗多，選擇困難症又黎喇!利賓納提子汁。忌廉溝鮮奶解渴飲品，是吃串燒不可缺少的佳品!牛脷芯牛脷芯係牛脷近喉嚨的位置，脆口彈牙，帶少許黑椒，微辣惹味!8吋蒜蓉大虎蝦完整長足8吋的新鮮大虎蝦，結實肉質，濃香的蒜蓉，極度可口，encore 首選!汁燒帆立貝肉質甜美的帆立貝，加上醬汁燒烤，使味道更豐富!一口牛牛肉串插在薯仔上出品，頗特別。牛肉稔軟不韌，一口一粒，味道調得極好，口感不錯，值得推介!煙肉荔枝卷煙肉和荔枝的味道很匹配，荔枝的甜味中和了煙味的膩和和鹹味，值得試試!吉列廣島蠔炸得金黃色的吉列廣島蠔，非常脆口，炸得保持蠔內水份，胡麻蕃茄大大片蕃茄，既新鮮又夠冰凍，配上濃郁的胡麻醬，是串燒好配搭!川式茄子川式茄子面積頗大的茄子，佈滿七味粉和蒜粒，味道香濃，能燒到保持水份，不乾身，一絲絲夾出，很滋味!冰燒菠蘿燒得不見乾身，咬下菠蘿時還有大量汁液流出，非常清甜!日本蕃薯仔蕃薯仔細細粒，甜美，口感很糯，是我的至愛!

今日太太放假，攜同細周生到銅鑼灣逛街，晚上試了一間日式串燒店「深宵食堂」。餐廳地方不大，曲尺型格局，以木製傢具作裝飾擺設。近入口的飾櫃，放了不少聖鬥士玩隅。在餐廳的另一角，則擺放了不少漫畫，可供食客借閲。再加上放於天花燈槽的酒瓶酒盒，和風感更重。芝士蝦球：蝦球賣相小巧，外脆內彈，芝士半溶起絲。建議追加蝦肉份量，相信彈牙感及蝦香會更為突出。八寸蒜香大虎蝦：大虎蝦足八寸長，肉質新鮮結實，以香蒜作調味，十分香口，值得推介。吉列廣島蠔：吉列成品金黃香脆，雖然以吉列香口方式製作，鮮蠔的自然味道還能吃得出，更驚喜是蠔身仍保留了相當水份，吃時燙嘴嫩口。汁燒白鱔：選料肥美，魚肉帶甜。豚肉露筍卷：豚肉薄切無乜特別，露筍選用幼小款式，食感嫩口。煙肉荔枝卷：煙肉本質香口，但膩感重，夾上清甜可口的荔枝吃，香口仍在，膩感已除，兩者味道非常匹配。一口牛：牛肉口感鬆軟，牛香OK，調味稍稍鹹了少許。炸薯格：特意為細周生點選，即點即炸當然香脆可口。鵝肝什菌石窩飯：以燒熱石鍋製作，出品熱辣，拌勻鵝肝襯飯吃，每囗飯皆沾上豐腴肝香，十分惹味。配上的和風醬汁口味帶甜，調味亦佳。什菌以雞脾菇及靈芝姑入饌，味道和鵝肝頗為合襯，亦是