銘興山西刀削麵 (黃埔新邨) (Closed)

今日買左兩碗刀削麵番屋企分別係熱拌手撕雞刀削麵 同埋上湯墨魚丸刀削麵😬.先講 #熱拌手撕雞刀削麵 👅7.5/10 $55之前試過堂食呢碗面真係好食啲外賣似係一早整好咗 跟住要攞埋返屋企隔左成半個鐘🥺喺底嘅面已經變咗做一大舊 成舊癡住咗😢要強行將佢哋撈番鬆但係痴到好實😂😂搞到尷尷尬尬😳😳而且啲刀削麵擺到淋淋地冇左果種應有嘅口感😭😭不過醬汁同埋配料依舊好食🥰🥰配料方面有花生同埋青瓜等而且有芫荽 同埋 蔥（如果大家唔鍾意食芫荽/蔥 記住走咗佢）醬汁似係擔擔面汁？！（sorry唔夠專業未食得出）.#上湯墨魚丸刀削麵 👅7/10 $42呢個之前真係未試過😂🤣不過因為佢浸住個湯（唔記得左分湯🥲）（分湯+$3）所以加速左麵條變淋😂之前試過堂食湯刀削麵 （不過唔記得咗係乜嘢配料了）堂食啲麵係有咬口的外賣睇黎真係唔係咁好而且啲面都係結埋左一舊 尷尬😂😂明明係上湯浸住..😢不過點都好個湯係幾香嘅啲墨魚丸都唔錯 好彈牙🫴🏻呢一碗麵冇芫荽不過有少少蔥 大家要留意啦

本人對刀削麵興趣不大，但經過幾次都見到好多人排隊，就決定去試下。一去到，門口企左好多人，諗住有排等，但原來係等外賣，最後一張枱就比左我地坐左，Lucky!舖頭裡面有點熱，幸好我地係坐近門口張枱餐牌好多選擇好似花多眼亂，但實質係個十幾款餸配唔同麵底。每款都可以揀辣度，佢辣唔係在碗湯內，係個 餸 辣！可能每個餸要整唔同辣度太花時間，都等左好耐好耐先有得食 (一路食，都 keep 住有唔同枱既人追)辣度：叫左小辣，唔算好辣，接受到，我諗下次可以食辣 d麵質：刀削麵，好薄，沒有一咬落口就成口麵粉的感覺，有點似台灣麵，係我鍾意食既感覺，重新對刀削麵改觀豬軟骨比我想像中冧個醬好香，不會太乾，如果唔鍾意食湯麵，可以揀呢個新鮮即炸，脆的，但味道沒什麼驚喜

銘興山西刀削麵 (紅磡)［熱拌手撕雞刀削麵 $49 🐓］啖啖肉🐔+煙韌刀削麵🍜+豐富配料（青瓜絲🥒、花生🥜、蒜🧄、蔥🍃⋯⋯）+惹味醬汁（日式麻醬🇯🇵+擔擔醬）😍😍💋超有驚喜！🥳口感豐富對比豬軟骨，個人較喜歡手撕雞和撈刀削麵的配搭🥰回頭率：✅✅✅✅✅#紅磡foodhealsme #大角咀foodhealsme ——————————————————————————————📍銘興山西刀削麵 (黃埔新邨) (紅磡)紅磡黃埔新邨德民街36號地下C舖📍銘興山西刀削麵 (大同新邨) (大角咀)大角咀埃華街89-105號大同新邨L座大衛樓地下4B號舖

舖頭細細 人手唔多 坐就一定唔舒服 星期六日仲一定要等位 但勝在啲熱撈真係好食又抵食 啲姐姐好nice💖每次我都想試湯/手撕雞之外嘅配搭🤓但每次我最後都係食手撕雞熱撈 *偷偷地食過隔離嗰朋友啲豬軟骨 大舊 又軟又入味 都推😚*熱拌手撕雞刀削麵 $48好大碗嘅一碗麵 人手削嘅刀削麵 麵底已經有芝麻沙律醬 面頭係擔擔醬 重口味到不行不行🙈我會挖走啲先 實在太濃味撈埋所有野一齊食 青瓜絲+手撕雞+刀削麵 食到suk suk聲 🤤唔係幾食到芝麻醬味 小辣唔係太辣 完完全全係BB辣 建議叫中辣🔥食過冷拌 都食過熱拌 我第一次食冷拌 我覺得冷拌刀削麵中心太硬 麻麻地 😪第二次 揀熱拌 麵邊軟糯 中心煙韌 超級啱我口味 所以強烈建議食熱拌👍🏻

有朋友介紹話依間刀削麵好食 所以今日試吓佢去到門口已經見到有唔少人等外賣 入面都爆爆地 (已經2:30)舖頭就唔叫大 但係都坐到唔少枱客我哋坐門口四人枱佢3:00先有下午茶 不過我都影埋佢個餐牌餐牌睇到我眼花撩亂😂太多選擇又想食湯麵又想試拌麵諗咗好耐要雪菜肉絲湯麵定熱拌手撕雞麵最後揀咗後者熱拌手撕雞刀削麵 ($48)可以揀要唔要麻辣 我唔食辣不過唔記得走辣🤦🏻‍♀️賣相好靚呀！望落超豐富花生同葱花放起匙羹到 按自己喜好落有好多青瓜絲 醬料有擔擔醬 芝麻沙律醬同麻辣醬醬料勁多!! 絕對夠撈勻晒成個麵 唔驚唔夠味雞絲亦係驚人份量 成個面佈滿雞絲 勁足料好啦講吓味道啱啱話我食唔到辣 依家仲要係麻辣😂所以我拎起咗堆麻辣醬 不過已經有一部份麵被入侵 唯有照食 測試下自己話明拌麵梗係撈勻先好食 撈到每條麵都沾滿芝麻醬 (撈完個底都仲有)食第一啖 超好味 感覺我嘅味蕾被刺激了😋又鹹又辣又酸又甜 差苦未食到🥢麵質少硬身 好煙韌 好好咬口 食落又好滑身 好好食嘅刀削麵 份量亦唔少因為撈醬所以唔會乾身 或者一舊舊 索咗醬好入味🐓手撕雞先最正 一來份量好多 每啖都已經食到 加上佢好新鮮 有雞味 又撕得好鬆散

-{黃埔刀削拌麵😙}平時刀削麵淨係食759嘅 第一次食刀削麵試專門店 嗌個出名嘅手撕雞試😋🤤熱拌手撕雞刀削麵🤤($48)勁大碗個碗仲要幾深😂😂撈完出黎啱啱手撕雞好足料！刀削麵食得出係手切 係厚薄不一嘅 感覺食左好多麵粉所以好飽下👀👖褲評: 8.3/10午市包熱飲價錢相宜 好鬼大碗食極都食唔曬咁😂到12點半都開始多人排 唔想排就早d食~仲有任食嘅醃蘿蔔幾開胃🥳性價比: 8.5/10服務: 7.8/10環境: 7.5/10🚩銘興山西刀削麵 🚩地址: 大角咀埃華街89-105號大同新邨L座大衛樓地下4B號舖紅磡黃埔新邨德民街36號地下C舖#fuudjai #fuudjai中式 #fuudjai大角咀 #fuudjai黃埔 #fuudjai紅磡