Video
Read full review
2021-02-21
2200 views
有朋友介紹話依間刀削麵好食 所以今日試吓佢去到門口已經見到有唔少人等外賣 入面都爆爆地 (已經2:30)舖頭就唔叫大 但係都坐到唔少枱客我哋坐門口四人枱佢3:00先有下午茶 不過我都影埋佢個餐牌餐牌睇到我眼花撩亂😂太多選擇又想食湯麵又想試拌麵諗咗好耐要雪菜肉絲湯麵定熱拌手撕雞麵最後揀咗後者熱拌手撕雞刀削麵 ($48)可以揀要唔要麻辣 我唔食辣不過唔記得走辣🤦🏻♀️賣相好靚呀！望落超豐富花生同葱花放起匙羹到 按自己喜好落有好多青瓜絲 醬料有擔擔醬 芝麻沙律醬同麻辣醬醬料勁多!! 絕對夠撈勻晒成個麵 唔驚唔夠味雞絲亦係驚人份量 成個面佈滿雞絲 勁足料好啦講吓味道啱啱話我食唔到辣 依家仲要係麻辣😂所以我拎起咗堆麻辣醬 不過已經有一部份麵被入侵 唯有照食 測試下自己話明拌麵梗係撈勻先好食 撈到每條麵都沾滿芝麻醬 (撈完個底都仲有)食第一啖 超好味 感覺我嘅味蕾被刺激了😋又鹹又辣又酸又甜 差苦未食到🥢麵質少硬身 好煙韌 好好咬口 食落又好滑身 好好食嘅刀削麵 份量亦唔少因為撈醬所以唔會乾身 或者一舊舊 索咗醬好入味🐓手撕雞先最正 一來份量好多 每啖都已經食到 加上佢好新鮮 有雞味 又撕得好鬆散
去到門口已經見到有唔少人等外賣 入面都爆爆地 (已經2:30)
舖頭就唔叫大 但係都坐到唔少枱客
我哋坐門口四人枱
佢3:00先有下午茶 不過我都影埋佢個餐牌
餐牌睇到我眼花撩亂😂太多選擇
又想食湯麵又想試拌麵
諗咗好耐要雪菜肉絲湯麵定熱拌手撕雞麵
最後揀咗後者
熱拌手撕雞刀削麵 ($48)
可以揀要唔要麻辣 我唔食辣不過唔記得走辣🤦🏻♀️
賣相好靚呀！望落超豐富
花生同葱花放起匙羹到 按自己喜好落
有好多青瓜絲
醬料有擔擔醬 芝麻沙律醬同麻辣醬
醬料勁多!! 絕對夠撈勻晒成個麵 唔驚唔夠味
雞絲亦係驚人份量 成個面佈滿雞絲 勁足料
熱拌手撕雞刀削麵
$48
235 views
1 likes
0 comments
好啦講吓味道
啱啱話我食唔到辣 依家仲要係麻辣😂
所以我拎起咗堆麻辣醬 不過已經有一部份麵被入侵 唯有照食 測試下自己
話明拌麵梗係撈勻先好食 撈到每條麵都沾滿芝麻醬 (撈完個底都仲有)
食第一啖 超好味 感覺我嘅味蕾被刺激了😋
又鹹又辣又酸又甜 差苦未食到
🥢麵質少硬身 好煙韌 好好咬口 食落又好滑身 好好食嘅刀削麵 份量亦唔少
因為撈醬所以唔會乾身 或者一舊舊
索咗醬好入味
🐓手撕雞先最正 一來份量好多 每啖都已經食到 加上佢好新鮮 有雞味 又撕得好鬆散 食落似肉鬆口感 同時好嫩滑 好綿
超好食 暫時食過最好食嘅手撕雞!
🥒青瓜絲味道清新 永遠都係芝麻醬手撕雞 perfect match
又估唔到佢個麻辣醬唔算超級辣 接受到 味道同芝麻醬幾夾 中和返啲味 令我冇覺得個芝麻醬太漏
另外可以食佢放起枱面嘅一樽醃白蘿蔔 酸酸甜甜 開胃又可以為你瞬速解辣👍🏻
套餐包飲品 叫咗熱檸水 因為唔洗加錢
正常嘅一杯飲品
-朋友果然好介紹 真係好好味
亦唔怪得知咁多人買外賣 又成日爆滿
款式多 味道濃 份量足 好食
環境細就細咗啲 坐逼啲 差啲要同人分枱😀
服務一般般啦 個姐姐講嘢直啲 所以有少少冇禮貌 不過佢真係忙
CP值高 單拼湯麵平均<$40 抵食啦 又冇加一
絕對可以再食👍🏻
Post
