藍象泰國餐廳 (Closed)

想坐得舒舒服服咁係泰國菜 係Harbour city呢間餐廳就岩哂你 可以對住個海慢慢食飯😚Starters 有選擇恐懼症 最後都係決定叫番小食拼盤 入邊會有4串泰式沙嗲串燒（豬 雞）炸蝦餅 脆皮青咖喱黃金包 同馬可😋 沙嗲汁食到又粗粒花生 幾多濃 串燒豬更有驚喜好嫩滑👍🏻 炸蝦餅有蝦肉夠哂彈牙 脆皮青咖喱黃金包香脆而不油膩 入面既肉好香青咖哩味👅 馬可係一個新嘗試 新鮮菠蘿上放上慢煮花生軟糖 2者好夾唔會好甜好特別🤩湯我地就揀左藍象特色冬蔭功配大蝦 佢地有個小火爐係底暖住 確保湯一直可以保持溫度👍🏻 雖然係一人份 不過份量都唔少 我哋兩個人飲都足夠 大蝦仲有膏 令湯更香😚主菜我地就叫左燒大蝦炒金邊粉同特色青咖喱雞 燒大蝦炒金邊粉勁大碟 面頭既大蝦真係好大隻好吸睛👀 phad thai調味唔錯 蝦肉彈牙👍🏻 特色青咖喱雞同樣有個小火爐係底暖住 入面有好多雞肉 加左椰漿 青咖哩唔算好辣好惹味😚最後當然要食返個甜品啦 我地叫左黑白糯米飯配泰國芒果 芒果比較清唔算好甜 糯米飯微暖 煙韌有口感 仲有一球雪糕食添🌟

#藍象好多人會揀西餐廳來慶祝，因為環景靚氣氛好，感覺優雅又高尚。但原來藍象(泰國菜)都做到呢個效果😳坐落海威商場對住維港，燈光昏暗帶藍光，裝修有格調，氣氛好好呀😍。我同男朋友都好喜歡食泰國菜，所以選擇左到這裡慶祝紀念日。食物方面：#和牛串燒 $108烤過既牛肉，牛肉味好香濃加一陣燒焦焦既味道好好食，🙂佢會配沙嗲醬但沾了的話會蓋過左牛肉味，所以我建議不沾醬。🧐略嫌牛肉筋位較多，😛不過這個價錢有四大串和牛是很划算的。#油鬆餅 $38這個超級好吃😋味道像是酥皮湯上面嘅酥皮，但更輕薄，酥軟滿牛油香。🌝本來想沾炒大蜆的醬但原來大蜆是乾身的，所以沒沾。光吃已是好吃到爆。大家可以咖喱菜式來配搭，相信會很好食。🌟必吃喔！#辣椒膏炒大蜆 $148原本以為會很多醬，🤭但原來是比較乾身的。辣椒膏只是微辣，很重蒜味。蒜粒配大隻蜆肉，很香口。不錯👍。#燒大蝦炒金邊粉 $152比手掌還要大的大頭蝦🤤份量很大。金邊粉有韌性不會炒到碎濕濕。味道正宗，每次食泰國菜必點。#蝦醬辣椒炒通菜 $98超大碟菜，最合適我這種喜歡吃菜的人，雖然價錢比出面貴，但份量都相對比出面多。夠大約4-5人分。加了指天椒和泰國青辣椒🌶️和蝦醬炒，

母親大人自從泰國旅行回來，便愛上泰菜，母親節無暇與母親慶祝，找到這間較高檔的泰菜，今天與她二人世界！看見餐廳門口，母親已很興奮的在拍照，這個圓柱非常華麗有特色餐廳入口很有情調，餐廳內主要以藍光配合黃光中間有一個魚缸放著很大號的蟹！店內有很多座位靠窗，可以一邊欣賞海景，一邊享受佳餚！店內亦播放著柔和的音樂！烤帶子伴茄子，辣肉碎辣味羅望子汁，總以為這道菜式是熱辣辣的，吃過才知道有點像泰式沙律般！帶子很多，肉碎經過炒香，配上羅望子汁酸酸甜甜的，很開胃作為前菜是一個很好的開始！很推介椰子雞湯，椰子味非常香濃，雞肉泡過湯後非常入味，還用貼心的器皿來盛著，小鍋子下有一顆蠟燭，久放了仍是暖暖的！青咖喱焗蟹蓋，滿満的都是蟹肉，混了一些蔬菜，靑咖哩味不重，蟹味卻濃！啖啖都是蟹肉，而且口感豐富！啱哂懶剝蟹殼的我！蝦醬辣椒炒通菜，蝦醬味濃，亦不會太鹹，通菜新鮮爽口，讚燒大蝦炒金邊粉，大蝦size有份量，金邊粉甜甜地，碟旁有辣椒粉，可以混入金邊粉吃，但挺辣的，不太嗜辣者宜輕手一點，金邊粉也像羅望子汁那種味道，多吃也不覺膩！大蝦肉爽囗，伴有滿滿的蝦膏！母親大人非常滿意這頓晚餐，應記自己一功！

海港城真係好大😢行左好耐先搵到間餐廳😂好彩個招牌用藍色比較容易認，上網見到可以睇住海景食飯好吸引呀😍可惜我冇book到位冇得坐海景位😭建議紀念日聚會記得book位。一入到餐廳環境好有情調都開心反d😁座位比較大坐得舒服。炭燒豬頸肉配泰式香草辣汁🌟酸酸辣辣好開胃😋豬頸肉燒得好爽口不會乾身👍辣椒膏炒大蜆🌟辣度適中好惹味🤤蜆肉肥美我覺得好抵食推介燒大蝦炒金邊粉🌟大蝦清甜爽口加上辣椒真係冇得頂😋十分推介👍金邊粉不會太油膩，如果唔食得辣都可以叫呢個，因為佢外邊加咗乾辣椒任你隨意加

朋友生日聚餐相約在尖沙咀的「藍象泰國餐廳」，訂位同時查詢得知切餅費$120和開瓶費$150。晚上，朋友帶來剛從日本購買的大吟釀與大家分享，怎料侍應說日本酒開瓶費$350，不明白，訂位時候接電話的侍應講的唔講的？？？大家的心情都唔係開心！請問大家咁既情況，帶來的大吟釀會飲定唔飲？？？收取切餅費$120，只提供碟子和刀叉，侍應將蛋糕連盒帶袋放下枱面就走開，我們拍照後也沒有協助切餅，且從雪櫃取出的朱古力蛋糕已軟化，懷疑都唔知有冇放入雪櫃？大家懷著愉快心情黎享用晚餐，以上的不愉快經歷只好放埋一邊。我睇見大蝦冬蔭功湯$188（2-3位），有半邊大蝦就滿心歡喜，怎料蝦肉是霉的。油鬆餅$38很油膩，外脆內不綿，吃了1/3個已經不想再吃了！馬沙文咖喱味道都唔錯，起碼不會得個鹹字！豬頸肉炒飯，成碟飯油腍腍，似豬油炒飯，又見唔到豬頸肉！慢煑烤排骨$168都算滿意。燒春雞頗不錯，雞胸肉都嫩滑。小食拼盤$168燒大蝦炒金邊粉$152金柚芒果沙律$118都不俗，不過我又唔見到黃澄澄的芒果！（冇相）滿意和不滿意的菜餚都分享過，其他的菜餚都一般，冇乜好講啦。尚有：我用餐的匙羹十分骯髒，見到就及時更換。人均消費$24

最近行海港城發現喺log-on附近開多咗間新餐廳仲要係我最鍾意食嘅泰國菜即刻捉我老公一齊去試試我哋呢幾日收工都算早去到只係夜晚六點半餐廳入面都仲未有好多人職員安排左個向海嘅四人枱比我地勁開心！睇睇餐牌其實呢個格調嘅餐廳來講都唔算好貴再加上其實份量都唔細食緊嘅時候其實已經喺度諗下次約邊班friend嚟再食好二兩個人來講我哋都算叫咗好多餸佢嘅餐牌好多餸都有半份或者一份揀我哋兩個人叫半分就啱啱好喇呢一味青咖喱雞黃金包外面好似春卷皮咁脆咬落去入面係青咖喱味嘅炸雞幾得意～菜式新穎呢個辣椒膏炒大蜆炒得d辣椒好入味所以其實都偏辣我地鐘意食辣所以覺得超正燒豬頸肉估唔到有咁大份燒大蝦配金邊粉真係估唔到隻蝦係咁巨型！上面釀嗰啲醬甜甜酸酸～又係超正！除咗花生碎同埋青檸之外佢隔離仲有啲泰式乾辣椒同埋糖俾你選擇去撈埋一齊食落糖撈金邊粉我都係第一次試！又幾夾喎！食泰國嘢又點少得飲冬陰公湯啊呢個叫得自己做藍象招牌嘅味道夠晒濃辣同酸度恰到好處！係我最回味嘅一道菜！

睇戲前醫醫肚先，近近地就選了這裡吃我們的晚餐。想不到平日的夜晚都差不多full house。被安排在窗邊實在太好了，雖然夜晚其實是什麼景都看不太到😂。只不過看著靜靜的海感覺還是很relax! 點了: Blue Mai Tai $68軟殼蟹米紙卷 $118泰式和牛沙嗲(4串) $108燒大蝦炒金邊粉 $152 蝦醬辣椒炒通菜 $98 Blue Mai Tai $68第一次在這裡點cocktails，變奏版mai tai，在泰國餐廳裡點cocktails有少少risky，不過這杯比我預期好喝，酒味夠，不會太果汁，份量合理，不是happy hour也只是$68，飲得過！對酒鬼來說有驚喜軟殼蟹米紙卷 $118這碟在下單後秒速送上。賣相不錯，不過稍嫌不夠熱，好像是一早整好的。軟殻蟹冷了，雖然大大隻，不過不夠脆口。另一款的米紙卷比較好吃，真材實料的，不過很多芫茜，食芫茜的朋友才好點這款😂。泰式和牛沙嗲(4串) $108這碟也是一下子就上枱了。肉質粉嫩軟滑，豐腴入味，味道恰好，再配上沙嗲醬更滋味，很不錯！只不過就是不夠熱騰騰。蝦醬辣椒炒通菜 $98 等了一會，這碟是熱騰騰的送上！看著那白煙徐徐上升，

難得可以同媽媽撐枱腳，緊係帶佢食好啲😆媽媽向來喜歡食泰國菜，於是就揀左呢間。唔知點解個門面俾到我一種係做spa既感覺😂餐廳入面環境比較暗，如果坐窗邊仲可以望到海景架～食物既擺盤都好靚好精緻～呢個小食拼盤兩個人食就岩岩好啦，咩都可以試下～蝦餅同個個袋咁既都炸得好香脆 沙嗲串燒都好入味啊青咖哩都濃味，不過就略嫌啲汁太水。雞肉都唔會鞋十十～去到泰國餐廳必叫既就係炒金邊粉，好食佢真係成隻大蝦上喎😂😂😂好貼心將辣椒粉放一邊，就可以迎合到不吃辣的朋友啦～芒果好清甜啊，一啲酸味都無，都無浸過糖水既味道媽媽問仲咩叫雪糕😂 但其實係set野包埋。諗住只係配菜，點知好好食，好濃朱古力味，而且充滿住朱古力碎片

之前黎藍象食過lunch, 覺得食物好味，同埋用餐環境舒適。今晚過黎試下dinner，不過even平日晚市人流好高，差唔多全場都full，可惜揀唔到坐窗邊睇維港景。兩個嘅晚餐人加埋點左兩個小食，兩個主餐。主廚Nooror著名創作泰式比利時炸蝦外脆內軟，裏面仲好juicy芒果軟殼蟹米紙卷米紙卷又軟又硬嘅雙重口感 藍象特式青咖喱 配雞肉My favourite 🤤🤤🤤 雞肉unexpected咁多，咖喱好回味，配飯或者薄餅食都好正，微辣燒大蝦炒金邊粉個粉一般，不過大蝦燒到好香食物水準整體都幾好嘅，不過晚市黎食飯嘅話會好full，服務可能冇咁到位，建議lunch過嚟食多d

係尖沙咀既Blue Elephant 係"曼谷最頂級餐廳之一"。今日黎開呢邊就緊係同朋友黎試下佢地既地道泰國宮廷菜式一幅17 x 2.5 米既手繪壁畫迎接我地，真係好高級好有feel呀!!!而且有d位可以睇到維港海景，+上藍藍同昏暗既燈光真係好浪漫同埋佢地既碗碟都係由泰國人手做...雖然張圖錯左重點，但都想俾人家睇下佢地連餐具都好有心思，個柄就好似d竹枝咁，一格格環境優雅而且空間感十足，想兩個人靜靜地食飯絕對冇問題。柔和既燈光同大大既海景仲可以試佢地既餐酒, 泰式雞尾酒 或者 特式飲品，別有一番風味~而且佢地仲有新鮮即叫即整既蟹，多數食客都會用咖哩煮係要野生蟹，個鉗先會咁粗咁大隻嫁!!一齊黎睇下佢地menu有咩野，不過drink我就冇影喇，因為選擇真係太多喇拼盤有2串雞串燒、蝦餅、2串雞串燒、 青咖哩黃金包 同「馬可」。蝦餅香脆可口，入面嫩囗彈牙而串燒點上佢地既醬汁更惹味過人「馬可」係泰國貴族小食由菠蘿混堅果嘅小丸再放多片菠蘿，食落香甜可口。另外，青咖哩黃金包，炸到脆loklok，一咬傳黎陣陣咖哩香味，正!而且佢地既食材有八成係黎自泰國，而佢地既醬汁更加係 100% 自家製!!!而呢個

同朋友慶生，朋友鍾意食泰國菜， 所以book咗間環境四正嘅泰國餐廳慶祝下。 餐廳位置喺海港城，可以望到海景，環境唔錯。一早book咗位，不過有啲可惜嘅係去到嘅時候近窗邊嘅話已經full曬，淨番入面嘅座位望唔到海景雖然有啲失望，不過唔緊要啦，餐飯食得開心最緊要。餐廳環境好精緻， 以藍色為主調， 整體佈局好優雅舒適。餐牌有好多食物種類選擇，包括頭盤啦，肉類，海鮮，野菜，飯麵，甜品等等……朋友生日，就全部等佢拍板啦首先黎個小食，香烤蒜蓉包。蒜蓉包一上枱熱辣辣，充滿香噴噴嘅蒜香。個包外皮烤得好脆，裏面好鬆軟， 蒜蓉味夠濃 想試多啲種類既小食，於是叫咗個小食拼盤。拼盤有四種，分別係沙爹雞肉豬肉串，炸蝦餅，脆皮青咖哩黃金包同馬可。沙嗲串嘅雞肉比較好食，豬肉較有咬口。炸蝦餅就喜出望外既好食，入面有原隻蝦，爽口彈牙！！ 脆皮青咖哩黃金包比較特別，有啲似我哋平時食嘅炸雲吞，不過入面就係泰式嘅餡料。另外馬可係泰國特色小食，配埋一片菠蘿，味道好清新。燒大蝦炒金邊粉鍾意食蝦嘅朋友一定要叫呢個！！隻大蝦真係超大，成隻仲長過我嘅手掌 入口啖啖肉，蝦頭中充滿蝦膏，超正辣椒蒜蓉蝦醬炒通菜每樣調味料味道都唔算好濃，亦都

甫進入這間餐廳已經有一種讓人身處spa的感覺，令人身心剎那放鬆了。大概藍色就自然有一種鎮靜的作用吧，還要對著大海！很peaceful! 建議早點入座，可以坐到靠窗的枱，看著大海靜靜的欣賞海景，慢慢地享受美食，人生一大樂事，為自己叉叉電！炒大蝦金邊粉一上枱Pad-thai 賣相不禁令人嘩然 ！大大隻非常吸睛的大蝦似在張牙舞爪哈哈，份量十足！難怪價值$158大元！presentation好靚！人未食相機已吃飽了！吃落不油膩，淡淡蝦味，香濃蝦膏！雖然我們吃大蝦的時後有點兒雞手鴨腳，不過滋味十足！旁邊還配有香辣粉花生白糖，任君選擇。麵裡的配料十足，加入了菜甫令麵更有口感！整道菜賣相精緻一流，口感層次豐富和一般的金邊粉不同的層次大滿足！睇得又食得！正！推介！必食！皇家宮廷蒸餃子 $38半份 心機菜。精緻的兩隻小鴨子(是鴨子吧？) 兩款顏色不同味道，藍色的是泰式冬陰公味，個人不太喜歡冬陰公所以這款對我來說一般般，白色的是泰式炒肉碎，惹味好食，調味出色不錯！這款餃子新奇有趣一試無妨！泰國特色iced tea這杯奶茶一喝下去有驚喜！泰國奶茶香濃幼滑，有一種特別的香味，不會過甜味道剛好很好！冰凍提神！h

今日系尖沙咁海港城逛街，知道商場有間很出名的藍象泰國餐廳，終於有時間過來一試。餐廳門口裝修好grand,以藍色怖置為主題，餐廳里面裝修都好精緻，座位舒服。餐具都以藍色為主題又幾特別。金柚芒果沙律，青芒果切條伴上金柚加上蝦干，芒果條好爽口和金柚又有點酸酸甜甜的，是幾開胃的沙律，又非常好味道。泰國皇家蒸餃子（半份），蒸餃子好精緻，內里包全肉和冬陰公汁味道挺特別好香。泰式比利時炸蝦🍤，炸得好香口，內里包住大大隻蝦好彈牙和有蕃薯蓉包住一起好好吃。蝦餅啖啖蝦肉爽口彈牙。燒大蝦炒金邊粉，蝦大大隻好新鮮好鮮甜好彈牙又結實，金邊粉炒到好香又少少微辣挺香口。芒果黑白糯米飯，糯米好煙韌又甜甜地，黑糯米淋上芒果汁，白糯米淋上椰汁下面仲放上一片芒果，芒果好甜又香仲配上朱古力雪糕

藍象成日都經過，但今次有幸約到朋友去這間泰國有名的餐廳食晚餐，真係好期待。因為時間尚早，所以都唔係好多人，好快有位入坐！餐廳環境寧靜，燈光幽暗，好有氣氛。顏色以藍色為主，好配合餐廳名稱藍象，而且亦顯得餐廳好高貴的感覺！而菜式種類亦都非常豐富，每款都想食，無奈個肚的容量係有限的。先有泰國皇家宮殿蒸餃子，一藍一白雀鳥的造型得意又精緻，可以一口一個，皮又薄又煙韌，肉餡有淡淡的冬陰公味，都幾特別，值得一吃！脹卜卜的脆皮青咖哩雞及蝦肉黃金包，只係賣相都夠晒吸引。炸至金黃色的外皮，咬落卜卜脆，黃金包內的雞及蝦肉非常結實飽滿，而且肉餡帶有青咖哩的味道，好有泰式風味！熱辣辣香脆又可口的香茅炸蝦餅，小小的蝦餅炸到剛剛好，並一開二方便食用，而且口感彈牙，每一口都有淡淡的香茅味。辣椒蒜蓉炒蝦仁蘆筍，成個菜炒得好夠鑊氣，味道又香。蘆筍清甜爽脆，切成一片片方便食用，蝦仁大隻，肉質結實又彈牙，加上用辣椒蒜蓉炒，非常惹味開胃，配白飯食就正了。食泰國菜點會唔點我最喜歡食的金邊粉，所以就叫了這個燒大蝦炒金邊粉。隻蝦好大隻，啖啖肉，而且燒得幾香。而金邊粉炒得好乾身，唔油淋淋，味道甜甜地加埋辣椒乾碎及花生碎，就夠晒惹味。雖