薔紅

Open Now

Now Closed

嚟到灣仔一定要試下薔紅嘅燒春雞！食晏時間嚟到呢度一定會見到好多人排曬喺門口等入座，唔好俾等入座嘅人龍嚇親，因為絕對值得等。$88半隻燒春雞配埋飯/意粉/沙律/薯條。半隻燒春雞原件上，餐廳會俾埋膠手套你用手享用最原始嘅風味。唔駛覺得咁樣食嘢無儀態，因為在場嘅無論男女、男領白領、工人OL都係咁食，個個都食得津津有味。雞皮烤到勁香脆、充滿油份嘅脂肪下卻係熱辣辣、仲出緊煙嘅嫩滑雞肉，啱啱上枱嘅時候會熱到焫手。用手撕開隻雞大大啖咁食超好feel，跟埋碟華鹽及泰式醬，令到d雞再提升左一個層次！半隻雞聽落好似好多咁，實際上係啱啱好，唔會太飽。 （10/10）今次加左十幾蚊跟杯麥精紅豆冰。（9/10）紅豆冰嘅紅豆煲到勁淋，而且份量好多，勁好食。除左跟麥精之外仲可以揀維他奶，但我覺得都係椰汁紅豆冰最好飲。$88唔跟嘢飲食個晏，喺灣仔區唔算平，但呢半隻雞就絕對值呢個價錢。可以encore再encore😋

不停聽身邊嘅朋友話過到灣仔一定要試呢間嘅燒春雞，奈何對一個九龍人嚟講特登去食真係有啲遠，適逢有日去開灣仔嗰邊有嘢做就一於試一試佢Lunch hour 1點幾去到都要等一陣先有位，餐廳裏面好大，係典型香港茶餐廳格局。坐低即刻叫咗燒春雞同一個常餐。員工好貼心叫燒雞嘅會俾埋手套你可以就咁撕嚟食。等咗一陣隻雞就送到你檯面，熱辣辣咁睇得出啱啱炸起。如果用手撕嘅真係要攤一攤，廢事辣親手。每份雞都會配埋泰式辣醬同椒鹽，但係我覺得隻雞本身已經夠味，再點椒鹽會太鹹。一撕開隻雞，裏面啲肉好滑，睇相都可以見到啲肉汁，真係好好食啊！至於個常餐真係麻麻地，大家去到可以主攻燒雞總括嚟講，個雞同我想像中一樣咁好食，下次去開灣仔都會再食。

晚餐食唔飽，再轉戰灣仔依間食燒春雞叫左一份燒春雞加薯條估唔到都好大隻薯條都係平時食開咁，冇咩特別，最出色嘅係成支蕃茄汁放喺枱度，鍾意食茄汁嘅，我就可以唧多啲都唔怕有埋手套🧤就唔怕食污糟隻手雞髀食落皮脆肉嫩食肉獸最愛，啖啖肉食到雞胸嘅位，仲可以點椒鹽或者泰式辣醬乾炒牛肉河粉好出色，鑊氣味好足炒得好好食！牛肉嘅量都幾多，河粉炒得唔會好油，味道啱啱好鹹魚煎肉餅鹹魚味唔係好突出，不過不失嘢飲同普通茶餐廳差唔多，都係咁好飲唔使服務費，都幾抵食

喺灣仔做嘢，唔識薔紅，未算食盡地道嘢基本上，一個月一次唔算過分位置要上樓，在灣仔油站附近，電車路隔離，要上樓上。呢度有好多唔同嘢食，但燒雞絕對唔可以錯過而我同同事，四個又好六個又好10個都好，都係一炮過全部燒雞餐當然一二人位最容易入座三四人位要等一陣但係佢哋12:30離座有優惠所以12:30有一浸人會埋單如圖所見：脆皮燒春雞ssssss可以配薯條、意粉或者沙律隻雞會配椒鹽同泰式辣醬凍飲加錢，湯再加多啲啲現場氣氛濃厚，個個都嗌燒雞餐想感受放肆食雞嘅話唔可以錯過😝食完有時間，樓上有健身中心為食完肥膩嘢而產生罪疚咁嘅你提供一個好就腳消脂嘅選擇

見朋友社交媒體網站食咗一份燒春雞唔夠話想食多一份咁啱去開灣仔所以就一試睇地圖都好容易搵十二點鐘左右到唔使等位即入大概半個鐘頭後就差不多全滿點了一份燒春雞因為肚餓配了意粉另外menu寫心點叉燒飯冇諗過燒春雞落單後極速上枱😱隔多一陣就叉燒飯都到跟住凍咖啡最後先羅宋湯燒春雞造型一眼望落去似炸多啲食落口的確幾滑一齊配的鹽同醬料都冇用因為本身已經有鹹味味道ok不至於經緯天人非食不可只屬可以一試的級別叉燒飯就是一般茶餐廳水準

-以前路過灣仔就會食燒春雞🙌🏻今次咁岩去開灣仔就順便食埋～長期都坐滿好多人😆-脆皮燒春雞（$86）可以配薯條/飯/薯仔沙律/意粉每次去都係必點招牌半隻燒春雞🐣今次就配意粉，意粉麻麻🫣下次都係配薯條好d🥹燒春雞真係好好食，味道同之前一樣咁好味皮脆肉嫩，好juicy╰(*´︶`*)╯♡肉質一d都唔乾😘帶埋手套就慢慢撕嚟食(*´∀`)♪如果覺得雞肉唔夠味，可以點椒鹽或者泰式辣醬😋路過灣仔，真係一定要試下🫶🏻好惹味😋-紅豆冰（＋$18）味道正常，好多紅豆🫘-Name🏠:薔紅Rose KitchenLocation📌:灣仔莊士敦道194-204號灣仔商業中心1樓（港鐵灣仔站 A3 出口, 步行約5分鐘）價錢💰:脆皮燒春雞（$86），紅豆冰（＋$18）

之前睇YouTube見到啲人介紹呢一間茶餐廳，其實我搭電車成日都經過，不過有冇機會落車去食，今次就專登嚟食佢最出名嘅燒春雞。佢隻燒春雞堅係好好食，皮脆肉嫩，又唔會燒得好乾，隻雞好多肉汁好Juicy。最正係佢俾埋手套你，預咗你成隻雞用手撕開嚟食，個感覺好治癒。佢仲有華鹽同埋類似麥當勞嘅泰式辣醬俾你沾嚟食，不過我覺得唔使沾都已經好好食喇。隻雞個份量唔細，都係賣$86，真係超抵食！不過喺環境方面就真係扣晒分啦，入到去唔知係邊度傳來有一浸煙味，同埋個感覺都幾污糟，餐廳嘅夥計都比較粗魯，不過將貨就價啦，俾咗佢隻雞份上，呢個價錢都係值得嘅

屹立30年的灣仔茶記 - 薔紅正宗灣仔名物！招牌燒雞及紅豆冰餐廳附上手套/刀叉可以原始手撕食 皮脆肉嫩爆juice雞🍗燒雞餐$88加紅豆冰 $12100蚊唔駛👍🏻另外仲食咗個魚扒餐龍脷柳大大塊，成兩塊再配上滿滿的薯條先$77大件夾抵食！網上見到佢嘅評價唔多，係因為佢根本完全唔需要鱔稿用食物質素講嘢🗣日日午餐都爆滿，就知道薔紅的真實實力如果去元朗要食祥嫂冰室咁去灣仔，一定要食薔紅

灣仔馳名嘅薔虹，同三年前比貴咗差唔多二十蚊，隻雞有小小縮水，但味道依然冇變到，非常嫩口&juicy😍即嗌即整送到上枱時仲係熱辣辣，配上甜酸辣醬，完全食唔停口，好快就食曬成隻雞！❇️脆皮燒春雞 $83賣相❇️❇️❇️❇️❇️份量❇️❇️❇️味道❇️❇️❇️❇️服務❇️❇️❇️❇️環境❇️❇️唯一美中不足就係環境唔太乾淨，即使入咗房都好大陣煙味，唔建議著冷衫入去，會吸曬啲味。開餐前都要記得用水浸一浸熱水先

📸 薔紅係灣仔翻咗成年都唔知有間咁抵食既茶記🤣一聽講有餐廳主打即燒春雞就忍唔住lunch衝去食位置唔算太遠 灣仔地鐵站行5分鐘左右不過因為係樓上鋪 唔算太起眼難怪一直都唔知有呢間🤣12:45去到 餐廳已經9成滿門口仲有7-8個人等緊好彩好快有得入座🍴燒春雞 $83可跟飯/意粉/薯條/雜果沙律切開上加$3💛9/10加配$5熱飲 $8凍飲 $12特飲餐廳好貼心 準備咗濕紙巾同即棄手套燒雞新鮮燒起 熱辣辣差啲熱到拎唔到上手外皮仲係脆架🤩撕開雞髀仲流緊肉汁就算雞胸位都唔覺得鞋口半隻雞份量非常足女仔黎食絕對可以兩份分😋為食妹今次揀咗薯條一上枱食好脆但因為墊咗係春雞下面比啲雞油整淋曬🥺🥺如果可以分開上就更好同事叫咗意粉竟然係用茄醬炒過既意粉🤩食完已經心思思想再食🤣🤣🤣🤣#wwh必食之選#wwh食勻灣仔

睇左夏蕙姨去食，我都要去試下，專登由九龍坐車去試。一來到 服務員比埋濕紙巾，即棄手套，刀，义 非常貼心。燒春雞 熱辣辣 皮炸到 脆卜卜 超正呀。但薯條係唔熱嘅 呢點有D失望。不過唔緊要啦， 雞的確係正平日下午茶時間 埋單79蚊，下次都會再去GOOD GOOD

22/6/2022地址灣仔去完律師度搞完啲文件，諗緊去邊度食飯，老婆同事介紹我去呢間嗇紅餐廳食飯，起初去錯地方，因為以為地下嗰間，原來要上樓梯，一上到去見到好多人都叫燒春雞，或者係鋸扒，就同老婆一人一份，試一試佢好唔好味首先嚟咗個燒春雞，帶起手套，真係華華聲，好耐未食過咁好脆皮的燒春雞，對上一次食一個咁好味嘅燒春雞係喺三年前嘅上海，估唔到一間茶餐廳可以做到嗰個咁出色嘅燒春雞，皮脆肉亂牛扒方便嗌咗個肉眼就好非常之出色，兩大塊牛扒，再跟埋白飯， 澆汁溝白飯話，一流，，非常之亂畫，咬落肉味好濃，非常之林，非常惹味，兩個人加埋195買單，食到飽飽

叮！一隻熱騰騰的燒春雞放在藤籃，金黃色的鬆脆外皮裏著幼嫰肉質，店員除除而行，把誘惑送到面前。這場比賽的準備：即棄手套、濕紙巾、餐具，以及一個飢餓的心情。另外，可以陪伴飢餓感而前行的有：飯、意粉、薯條、沙律及自己。燒春雞雖說是春雞，卻又貌似酒席上的炸子雞。味道總不會讓你失望，不要為人來人往而感到懈怠。只消一會兒，將雞骨雞殼拼好，把飽腹的感覺記住。可以把雞塊蘸醬，自行調味一番。最後，特別鳴謝那位帶位的姨姨。（她看見廚部給我的羅宋湯只盛一半，主動為我盛滿。）🤧

平時去飲宴一枱人得一隻脆皮燒雞，每個人極其量食得兩三嚿，手快有手慢冇。午市12點九前埋單仲有85折，飲埋凍飲埋單都係68蚊嚟到灣仔呢度，簡直補償番晒飲宴食雞到喉唔到肺既感覺。半隻脆皮雞自己撕就咁睇真係好大隻，炸到勁通透俾埋手套嚟撕，所以唔駛驚食到一手都係入面好juicy層皮炸到勁香脆，簡直係食緊炸子雞咁但想食就真係要趁早嚟，午市真係超多人，仲好多枱人嗌呢個跟餐可以揀意粉或飯或者薯條或沙律感覺跟薯條會俾底既雞油油浸非常滿足，仲要唔欺場因為真係堅好味

成日聽到男朋友講灣仔有間茶餐廳燒春雞超好味🤩 今日帶我去食，果然真係名不虛傳!!!!!! 😋😋 灣仔電車站一落，薔紅茶餐廳。半隻$68 燒春雞餐，可以配飯/茄汁意粉/ 薯仔沙律 ，加$5 可以配埋中湯/ 西湯。講返隻燒雞，有俾埋膠手套俾你用手撕嚟食，咁樣有風味啲😂😂 而且雞肉烤得好嫩好滑，火候控制得啱啱好；另配上淮鹽同甜酸醬唔同配搭，我覺得配淮鹽最好味!!! 真係超級推介呀🤩🤩下次會再去食👍🏻👍🏻👍🏻👍🏻👍🏻