咖哩葉

Open Now

Now Closed

一直唔知佐敦有呢間印度菜！去到亦見到好多印度朋友幫襯緊 相信真係幾正宗😆仲有兩層高 可以慢慢食慢慢坐Lamb Seekh Kebab 燒烤羊肉卷 $148本身以為係卷餅🌯原來係原條肉卷 肉質幾軟熟 用鐵板上有風味又熱辣辣 羊味濃而不膻🤤——Veg Momos 素菜餃子 $68抵食！成10隻🥟可以揀蒸/煎 餡料好足 外皮少少煙韌 就算蔬菜餡都有少少汁 好味喎——Chicken Tikka Masala 瑪莎拉咖喱雞 $118Cheese Naan 芝士薄餅 $38點可以唔食咖喱🍛呢個醬汁第一次試 幾濃幾creamy 味道幾獨特 但唔奇怪 唔算辣 雞都好滑 配naan食一流 Naan本身都好厚好重麵粉香 麵團入面夾住啲芝士 香口軟熟😍

佐敦嘅可愛之處, 係佢有多種要素集於一身。既有商業大廈, 又有貼地平民街同又近古董街; 既有高上食肆, 又有平民掃街美食。今日由商業區走入茂林街既橫巷, 係茂林商業大廈。地面有間【Curry Leaf Indian Cuisine】。呢間餐廳係生日個個揀既，因為生日的朋友十分喜歡印度菜，所以便提議到此。不過我發覺好多人一係好鍾意印度菜，一係好唔鍾意印度菜。潢摩登時尚呢度冇，象徵印度嘅小擺設及掛畫。但好地道咁有淨係有印度MTV不停Loop，貼埋真係印度裔廚師同印度裔侍應。餐廳分地下及樓上兩層，地下層設有酒吧，故地方顯得唔大，座位亦唔多，其實有少少逼逼的感覺，樓上就全是用餐區，地方顯得闊落啲。餐牌內款式眾多，但分類清晰，「由湯品、前菜、印式燒烤、咖喱、印度香米飯、印式炒飯、印度薄餅及煎餅、配菜、沙律、甜品、飲品都有」，貼心的中英對照，每道菜式都有介紹，就算店員全係外藉都唔使太擔心點菜問題。呢度菜式卻喺過百款，做法亦多元化，黎緊既野食都好期待個味呢。.🔹胡椒餅（Papadam）野食黎之前，送上左一款餐前小食，係少量胡椒餅，似好薄好脆既烤餅，仲有兩款醬汁可以蘸：「薄荷醬及雜菜辣椒醬」，脆餅本身

好少食印度菜，對印度菜嘅印象都不錯，上網見呢間嘅評價都OK，就同朋友黎試吓~環境裝修設計得好有印度色彩，感覺舒適~食物選擇都幾多，有飯有小食，估唔到印度菜種類都幾多~送咗一碟印度脆餅，食落香口，點埋薄荷醬同埋酸鹹嘅橄欖味道非常夾~~蕃茄湯估唔到質地幾creamy，飲落蕃茄味香濃，最喜歡湯嘅質地比較結身，酸酸甜甜嘅感覺非常醒胃~~蘑菇飯飯粒粒粒分明，有蘑菇香味，淡淡的飯香配合菠菜咖喱羊肉一齊食口味非常夾，蘑菇質地都唔會太乾身~~燒烤羊肉卷係比較辣嘅一道菜，但係辣味加香料令成道菜更惹味，羊肉質感結實，食落唔會騷，燒烤味香濃~~菠菜咖喱羊肉菠菜混合咖喱造成一個好結嘅醬，估唔到食落又幾OK，咖喱唔會好辣，但係有菠菜就令到咖喱嘅口感更加突出，而且羊肉唔騷，食落都唔會好乾身，吸收左咖喱嘅精華咬落香味四溢~~印式芒果酸奶似奶昔嘅質感，夠creamy，唔會太甜，反而令芒果嘅香甜味更加突出，配合酸奶味道更加醒胃~

其實本人對咖哩只係一知半解，極其量都係去茶記食下咖哩豬扒飯。 但今次有朋友仔話想試印度野，地點又話要方便。咁就決定去位於佐敦既Curry Leaf試下，睇下<真>印度餐同普通咖哩有咩分別。地理位置好好，由地鐵站行去都唔駛10分鐘。 入到去第一個感覺就係<香>，跟住就睇餐派叫野食，好在有中文唔係就真係大件事。叫左個咖哩羊，羊肉串，芝士薄餅，印式碳烤魚塊，印式炸薯餅，幾杯酸奶。燒烤羊肉卷 $135印度菜用鐵板上菜確很特別，十分足料的羊肉串，咬落去啖啖肉甚為滿足白咖哩羊肉 $125白咖哩羊肉既咖哩真係好唔同；好香，好辣，好濃郁既咖哩味，好可惜叫左太多野食，唔係真係個汁都可以撈幾碗飯，好在都叫左芝士薄餅加汁食真係一流。芝士薄餅 $28印式草莓酸奶 x 印式芒果酸奶 $45@另外佢地既芒果跟草莓酸奶都好好味，好香既果肉，好好既口感，有小缺點就係唔係幾夠凍，食完濃味野，整返杯。正!!!!

想約老朋友食飯，大家從前都喜歡去尖沙咀食咖哩，不過今晚想揾間坐得好d ,環境舒服d既餐廳傾下計，左揾右揾，最後揾到嚟佐敦Curry leaf!餐廳環境高雅，地方寬敞，而且都幾多佢哋既'同鄉'同外國人光顧，相信佢哋既味道都幾正宗！餐廳提供正宗印度風味，只有羊，雞，海鮮等肉類供應，想食其他肉類既朋友，就要揾下其他無咁正宗既餐廳！餐廳上菜速度都幾快，我哋落完單已經送上胡椒味濃郁既胡椒餅同埋幾個醬汁，而另外兩個小食，都好快嚟到，包括有炸洋蔥圈，同素咖哩角！炸洋蔥圈十分香脆，加埋印度餐獨有既豆蔻香料，都幾惹味！而素咖哩角就份量十足，入面塞滿了不同既蔬菜同香濃既咖哩，主要以薯蓉為主，仲有其他如西蘭花碎，雜豆等！ 外脆内軟！ 一貫印度口味！小食都未食完，其他主菜都已經陸續送到檯上，先有香味四溢既燒烤雞肉卷，雞肉卷外面燒得香口，肉卷內肉汁豐富！少少咸亦帶點辣，加香少少香草味，十分惹味！再嚟有一d都唔膻既燒烤羊肉卷，加入不同香料令膻味全消，剩下只有燒得香口既羊肉味道，同雞肉卷比較肉汁更多，更惹味！基本上我差不多一個食晒成碟羊肉卷！食左咁多肉，我哋又點會唔叫返d 菜，我哋就叫左個燜黃匾豆，以香味濃郁既咖

今日同老婆行油麻地永安行到咁上下行到肚仔餓啦，就喺附近搵嘢食，行過對面見到呢間印度餐廳，老婆就咖喱興大發，話要食咖喱同埋薄餅。就係咁我哋就入咗去呢間印度餐廳食嘢了。一坐低店員就送上呢個脆脆嘅薄餅俾我哋食，薄餅可以點三款醬，但我哋都冇點到個醬汁，因為就咁食已經好香胡椒味，已經好好食了。跟住就坐低睇吓餐牌點野食， 全程老婆發板，佢點乜嘢我就食乜嘢，哈哈。印式烤雞塊：雞肉鮮嫩，咬落肉汁必晒出嚟，好味道！燒烤羊肉卷：食落有少少似德國腸嘅味道，小小辣，唔騷，味道不錯咖喱蝦：咖喱味濃烈，食落唔同我哋平時食開嗰啲椰汁咖喱，好香，小小辣，蝦爽甜彈牙，配上呢個印度咖喱一絕。牛油薄餅：一句講哂皮薄餡靚！雖然佢俾咗個醬汁我地點，但我同老婆都係點左落個咖喱蝦嘅咖喱到，因為佢個咖喱實在是太出色了。雞蛋炒飯：呢個飯黎到嘅時候我出奇左一下，因為佢竟然係用四隻霎蛋去炒😂 當然我哋梗係食唔晒啲蛋啦，講返個炒飯先，佢唔似我哋平時食開嘅炒飯咁，個人覺得味道還可，食完啱啱好填飽個肚。總結：呢度嘅咖喱同埋薄餅的確出色，滿足晒我老婆嘅需要，我老婆話下次再要食咖喱同薄餅，呢度係首選喎。