火土燒肉

今晚同朋友食生日飯要帶佢食好西😋食咗佢期待已久嘅打卡燒肉🤣餐廳係以露營風格為主題嘅日式燒肉🔥擺設同餐具都極具露營感，可以喺鬧市舒適地燒烤真係好正😝啱哂想露營又怕辛苦嘅我哋😂😂未到12月🎅🏻餐廳嘅佈置已經有滿滿嘅聖誕氣氛🎄室外酒吧仲有小樽雪燈祭典佈置😍有聖誕樹，火爐，仲有飄雪❄️可惜撞正打風落雨，冇得出室外影靚靚生日相😂唯有下次再黎啦😗😗🎂燒肉蛋糕 ($498)生日一定要有蛋糕🎂但燒肉蛋糕真係第一次😆店員好好，會等你準備好先點枝小煙火🎆好靚好開心💕蛋糕由牛三筋同牛小排砌成，雪花分佈均勻👍🏻牛三筋肉味濃，牛小排軟熟，各有所長😋🍗阿波酢橘雞腿肉 ($78)肉類有好幾款醃料😋揀咗柚子胡椒，清新又唔會好咸，同雞肉都幾夾😋燒雞腿肉真係要比啲心機同時間😆因為真係好厚肉好大件，要慢慢燒到皮脆肉嫩😌🍘月見醬燒飯糰 ($48)去親日本最鍾意食燒飯團😍😍醬汁又香又甜，飯團燒得熱辣辣，好夠脆身，撈埋個生雞蛋，好食到想encore😋😋🍲清酒煮蜆 ($58)估唔到燒肉都可以食到清酒煮蜆😋睇住啲蜆逐隻逐隻打開真係好治癒🥰酒香四溢，蜆又大又飽滿👍🏻🍍菠蘿 ($38)燒肉必叫燒菠蘿🍍超厚切嘅菠蘿🤤一咬就爆哂汁，勁甜勁好食

月見醬燒飯糰必食推介🙌🏻🙌🏻🙌🏻個味食落有啲似炸薯餅，外皮酥脆，飯團口感軟嫩。燒肉蛋糕有煙花蠟燭勁有氣氛，用黎當生日蛋糕慶祝都得牛三筋、雪花牛小排，一厚一薄，兩種不同口感的肉都咁好食！豬雞特選拼盤豚里脊肉、豚五花、松阪豬頸肉、雞腿肉、雞翼、雞爽肉最推介雞爽肉，好似雞軟骨咁。清酒煮蜆蜆超級入味！湯頭非常鮮味。磯煮鮑魚好爽好彈牙。松葉蟹肉蟹膏拌飯蟹味濃郁，如果覺得唔夠蟹膏可以配埋味噌蟹肉甲羅燒一齊食。仲可以有飯焦食！抹茶蕨餅唔會太甜，食完燒肉食都唔怕膩！室內露營風格，全部用具傢俬都係露營用品，體驗特別。紅酒汁同埋燒肉汁，我老公鍾意紅酒汁我就鍾意燒肉汁，其實兩個都咁好味，視乎個人口味。店員仲會周不時行過嚟提示客人啲嘢食夠熟可以食，非常貼心。

喺附近睇完戲，去咗K11行街順便搵嘢食！見到呢間成個營地咁嘅燒肉舖門面好吸引，甚至內部座位同餐具都好似去咗glamping咁！.🍽️ 燒肉蛋糕 $488 蛋糕係由牛里脊肉同雪花牛小排砌成嘅，上枱後店員會點燃「仙女棒」煙花，相當有驚喜，好適合生日或者特別日子！雪花牛小排油脂豐富，牛味十分濃郁，食落嫩滑，濕潤多汁且不膩口。牛里脊肉比較薄身，因此店員上前教我哋燒嘅方法。喺燒烤網上面塗上牛脂，輕輕放上肉片及卷起食用，肉質相當柔嫩。🍽️A5宮崎和牛幻切沙巴當 $298沙巴當係牛肩里肌至肋骨肉之間嘅一個部位，含有均勻緊密的霜降油花。大理石紋及切工相當吸引。店員幫我哋燒至5-7成熟，油香與肉味並存，肉味濃郁而且肉質軟嫩，口感細嫩度極高！🍽️ 厚燒豚腩肉-生薑味噌 $168厚燒豚腩肉有幾款口味可以選擇，而我哋揀咗生薑味噌味，口味較清新，同豚腩肉相當夾！豚腩肉肥瘦分明，沒有臊味，肉質相當柔軟。🍽️ 松葉蟹肉蟹膏拌飯 $88蟹膏飯需要攪勻燒7分鐘左右，燒完底部會有焦香嘅味道，加埋濃郁嘅蟹膏同埋滿滿嘅蟹肉相當滿足。🍽️ 柚子梅素冷麵 $58梅素麵顏色粉嫩，幼滑爽口，每一啖都充滿梅子的酸香。配上清爽酸甜嘅柚子味十分清爽

話說一行五位女生慶祝生日，我哋點咗一盤燒肉蛋糕套餐，雞豬拼盤，酸梅冷麵，紫菜飯同青蘋果紫薯沙律。老實講，啲肉係質素幾高，啲豬肉燒咗上去之後好香好好食！好Juicy好腍！d油香迫曬出黎！個人覺得比燒牛肉更好食！燒肉蛋糕，牛肉片擺到成盤蛋糕咁，好靚！仲有支蠟燭仔！打卡able!d肉認真係靚肉，不過個爐唔多ok, 冇油痴實曬d肉，成塊牛一擺落去就即刻痴住個網，拎返上黎已經爛變左碎上…..要不斷夾住再反，係咁翻滾塊肉先唔痴…..隻手好攰….見人地個個都叫紫菜飯，都order黎試下，果然好食！好多紫菜又夾飯香！中間仲有隻生蛋撈飯！青蘋果紫薯沙律，好似乳酪咁酸酸甜甜，開胃小菜。限時90分鐘，燒得好趕，都冇咩時間傾計，變得有啲浪費左個露營風⛺️，人均消費$215，但未食得飽。提提大家，座位係露營椅，高度偏低，其實坐得耐會腳痺😖，肥底又會頂住個肚腩仔….🥲職員服務都ok, 成日主動換網。