安安燒 (染布房街)

Open Now

Now Closed

這間位於旺角染布房街地舖的串燒店，一般在夜晚都非常熱鬧，因為這邊的餐廳很多，加上這一間是吃串燒的，多有多吃，小有小吃作為晚餐和宵夜均是一個好選擇今次和朋友去的時間已是夜深大概12點左右可是店內卻爆棚，人數非常之多，需要等候方可入座，不過可以吃到想食的，等待絕對不是問題大概等了5分鐘左右就已經安排好了座位，效率很高今次同朋友點了四款小食， 分別是惹味蒜蓉生燒茄子$42串燒蜜糖燒賣$17脆皮燒滑雞片$25、正正蘇吉年糕燒$18先吃的是惹味蒜蓉生燒茄子， 茄子很長份量非常之多加上滿滿的蔥鋪在上面，果然是惹味！吃了第一口茄子非常Juicy，加上鹹鹹辣辣的味道為味蕾帶來刺激而串燒蜜糖燒賣外皮燒得脆脆的，但入面柔軟又熱非常有口感每咬一口都感覺脆脆綿綿的脆皮燒滑雞很有燒烤味，雖然經過燒烤但雞很嫩滑，又容易咬開，雞皮脆口，加分最後試的年糕燒，年糕滿滿，啖啖年糕在口中，完全滿足

嚟嚟去去出旺角都係食個啲 今次嚟到旺角呢間每次都大排長龍既串燒 仲要係黃店 一定要幫襯下啦💛💛💛兩個人叫咗芝士撈面、雞軟骨、芝士燒扇貝、燒茄子、牛油金菇，仲有兩罐野飲。呢個燒茄子唔洗$50就食到，比起出面啲小店略為貴少少，但蒜蓉、調味好足料，所以食到停唔到口，真係要必嗌呢個！極推！芝士撈面都係必推之一！要趁佢整好快啲食，但因為掛到影相都遲咗開餐，建議唔好即刻撈埋一齊食，咁樣會更加食得出饅魚汁個味，但啲芝士真係好好食，大概係食過最好食既芝士撈面。芝士味好濃。另外仲叫咗食翼，$29三隻，少少貴，味道好出，但其實少少貴，可以唔一定試。溫馨提示：要帶定水或者野飲，因為串燒店啲野飲都幾貴下，想慳返啲錢叫餸要記得帶定兩個人食咗$260左右 七、八成飽吧食物質素高 但價錢偏貴 但絕對值得一試既

旺角真係幾夜都會搵到野食嘅地方！果日同朋友行街夜左經過聞到好香嘅燒烤味，於是就試一試啦！串燒/燒烤菜色主要係以重孜然味為主，可以揀辣或唔辣。雞軟骨真心好食，脆卜卜嘅口感，咸咸香香嘅味道，勁好食！羊肉有少少過左火，口感唔夠嫩滑。👌🏻本人就鐘意食到比較騷味嘅羊肉，呢間嘅羊肉串騷味唔會太重，大家應該接到嘅～牛舌係厚切，而且幾大串，但配孜然粉感覺唔係太夾，而且相對會乾身，唔夠juicy。牛舌始終都係配醬燒好食d。肉味幾香，燒完仲有肉汁，少有地無食到筋，啖啖肉，好正🤤必食！燒過嘅菠蘿特別甜、特別多汁，無得輸！😋海鮮燒嘅火候控制一般，蟶子就還好，但帶子過左火，唔嫩。蒜蓉味唔夠濃郁，本身咸味亦一般，要自己另加調味。😥茄子味道正常，唔算好出色，都係唔夠蒜蓉味。燒韭菜唔錯，有揀過，唔會好老，調味料入曬味。👍🏻燒菜心都係第一次食，幾特別，調味其實都係大同小異，略乾左少少。👌🏻

今晚想同朋友仔傾下心事，所以決定食安安燒❣️呢度環境淺窄，枱與枱之間空隙好少，所以都會坐得比較迫，但可以一邊食串燒，一邊慢慢傾計，感覺都好爽哈哈😍燒蟶子$39@1隻價錢係根據市價，所以價錢不定，不過通常都係30幾，40蚊內。蟶子非常新鮮，爽口彈牙，配上蒜蓉同辣椒🌶️，係perfect match🤣呢個真係必叫❣️！！娃娃菜 $14娃娃菜燒得淋身，好易咬。配上醬料，微辣👍🏼沙茶醬龍脷柳$38沙茶醬金菇$32兩樣都係用錫紙包著燒，即使隔左一陣先食，仍然保到溫，熱辣辣。沙茶醬燒得非常入味，亦好夾❤️ 龍脷柳好嫩滑，都可以唔洗用牙咬了😹麻辣燒扇貝 $49 全晚最失望之作！睇圖都見到粒扇貝size 有幾mini! 味道係正常，小辣。魚皮餃 $27燒茄子🍆 $42大大條😍，配上蒜蓉，下面個皮都食得架😆海螺🐚 $30牛舌 $35菠蘿🍍啤 $13王老吉 $14食串燒熱器，飲涼茶就最岩，下火。😛最後埋單都唔洗$200一個人❣️

收工太肚餓，三個女仔衝落旺角食串燒，10點後又有優惠，食佢啦🤭一黎到狂叫，原來有d係一份2串，好在我地肚餓，都食晒咁濟。😂😂另外，呢度出餐可以話係極速，15分鐘d野黎齊咁濟😳岩晒肚餓既我地～見到幾得意咁，叫左支青瓜啤酒試試，聞落一陣青瓜清香，飲落普通淡啤酒味，搭落又有青瓜味，本人表示喜歡💕燒響鈴：我無食，因唔鍾意食響鈴，但朋友話怪怪的，唔太適合串燒方式😮溏心皮蛋：點糖都係第一次試，又幾得意，ok的。燒茄子：重蒜蓉，調味幾好👌🏻👌🏻蒜蓉燒蜆：味道還可以，但唔夠香。牛骨髓：呢個我幾鍾意，份量多，而且飽滿，滑嘟嘟好正點～愛辣既我覺得再辣d就好🤤燒扇貝：小size 的，燒得剛好唔會un..安格斯牛柳粒：大家都想食牛，叫左三串，覺得熟度ok,但會有渣，覺得可以更好🤔蒜蓉芝士燒蠔：芝士是我喜歡的芝士味道，蠔肉脹脹，鮮甜的～燒牛舌：大片軟熟但偏騷...雞軟骨：ok的...豚肉串：肥瘦適中，香口。燒日式年糕：其實係有年糕個款丸，燒黎食幾好。鴨舌：見佢地都清晒，但我嫌麻煩無食😂總之，宵夜時段抵食，唔差的～肚餓既話搵佢真心不錯。

放左工, 我約左朋友去旺角食野, 而家天氣涼涼地, 食串燒就最岩架喇我地上網見到安安燒好似評價幾好, 於是就去左食!去到都有幾多人食, 好彩岩岩有位!我地坐低職員就介紹今日有咩時令海鮮, 我地聽左職員介紹就叫左個鮑魚仔試下! 我地再點下其他野食, 都有幾多食物種類, 而且佢有個餐牌係show哂所有食物既樣出黎, 可以容易知道知道鍾意食d咩只係食串燒? 緊係唔係啦! 點都要點多杯飲品先得! 我點左杯凍菊花露, 可以清熱一下。菊花露一大杯, 飲落去好清涼, 而且又唔會好甜, 幾好飲!串燒好快就送到!蜜糖響鈴卷有微微燒過, 上面搽滿蜜糖同灑上芝麻, 食落好香口好酥脆!燒韮菜一大碟, 幾惹味! 成串我食哂!墨魚滑好鮮味彈牙, 裡面仲有墨魚粒粒, 口感豐富! 鮑魚上面有少少辣椒粒, 食落有少少辣, 但都遮蓋唔到鮑魚既鮮味, 彈牙又可口!食串燒點可以唔叫茄子呢~ 茄子原條上, 幾大份, 上面都有少少辣椒粒同蔥粒, 落左椒鹽調味, 微微地辣, 茄子好林, 可以一條條拉出黎食, 好正!燒芝心丸都幾彈牙, 中間會爆芝士汁。燒雞中翼好juicy入味, 岩岩好一唔會好咸, 而且外皮仲幾脆口!豚肉串每粒都係骰

放假當然係約朋友去食下野啦, 講到一班人食野, 除咗打邊爐之外, 串燒店都係我地的首選. 今佢多款多選擇, 味道香辣惹味又可以送啤酒, 同朋友們一齊食下吹下水就最啱!呢間其實已經食過幾次感覺好好, 佢D燒烤做得好香又唔會乾掙掙, 環境雖然有少少迫但感覺上好relax (夠地道), 價錢黎講唔貴, 所以我同朋友都鍾意黎幫襯. 咁多食物裏面有兩樣我覺得係必食推介:1) 燒茄子 - 燒茄子大大條熱辣辣, 用筷子可以一條條撕上黎食, 佢加咗蒜蓉同辣椒一齊燒, 食落口啖啖肉又好香口, 一班人share 食最啱2) 燒黃立倉 - 倉魚本身都好夠鮮味, 平時老媽子鍾意用黎蒸, 但估唔到用黎燒又另有一番滋味! 魚皮燒到香脆, 裏面肉質嫰滑又鮮甜, 加咗佢配比我地的汁料食落又夠開胃!