組長日式放題 (Closed)

日式放題餐廳開到成行成市，但我從來未去過，好大鄉里呀！ 有人請，lue飯應啦!餐廳開在樓上，枱與枱之間排得好密，幸好每個坐位不太窄，出入也方便。平日也客滿，好彩早嚟。加$18清酒任飲。 一疊疊點菜紙，清清楚楚，任揀任食。飲品我揀咗綠茶和忌廉鮮奶，現成飲品，不過幾好味，啱飲。忌廉溝鮮奶好似是上一代飲品喎，潮流興懷舊。 外表平平無奇的炒雜菜，份量好多，出奇的好味，唔知有乜秘方。 反而金菇牛肉卷就一般，牛肉味道也不錯。田園沙律很清新爽口，食完仲開胃。 裙邊帶子就一般，都幾爽。鹽燒雞翼好香，好熱。 鹽燒大蝦，脆到連殼都食埋，不過大隻番啲好喎。 最攪笑係超迷你蕃薯，上枱唔知係乜，以為上錯。兩粒串埋一齊。又大鄉里啦！我未見過咁細隻蕃薯，唔知邊度有得賣。唔知係咪細嘅原因，蕃薯特別甜。Encore咗。 火灸海鰻和火灸組長蝦，很香鰻魚醬帶甜。 叫咗义燒拉麵，唔記得大特寫大大嚿的厚切义燒添，拉麵有點像意粉，飽肚，仲有好多紫菜。 仲食咗碗好好味的蟹粥，又唔記得影相，蟹粥好多材料，好多蟹羔。 天婦羅通常食蝦實無衰，大蝦天婦羅，無揀錯，不過如果隻蝦大隻啲就更好。嘩！嘩！嘩！有驚喜

今日今日行出銅鑼灣 旺角總會有十間八間放題排住隊任你簡到底哩間組長有咩突出之處值得我卡比獸出post支持佢？開頭 我見到點餐纸 都覺得不外如是小 咪又係d魚生牙 壽c牙 串燒甘直到我見到佢！今日既主角-燒菠蘿生果與串燒 水與火的交融看似是風馬牛不相及的組合卻產生了奇炒的變化酸中帯甜 咬下去水汪汪的菠蘿配合著濃味的燒烤汁和香脆的表皮新鮮的口感 夢幻般的配合 除了燒菠蘿外 還有香蕉天府羅值得一試味道也是一絕

好少食放題既我因為同好耐冇見既朋友gathering，於是去了京都廣場揀一間放題食，呢間放題睇落幾多野食同價錢都幾抵，所以就決定去試下食。嘢食方面好多種選擇，我試咗十幾樣野都好好食，全部都係新鮮即製，好加分！刺身：有三文魚、油甘魚、鯛魚、帶子、馬刀貝等十種刺身，全部都非常之新鮮，等別係三文魚，色澤靚又甜，仲要好大塊！燒香草羊架：食放題一定要有嘅item，呢度嘅羊架羶味夠重，加咗孜然粉之後更加好食，我足足食咗四件！燒菠蘿：呢度嘅燒物有得揀燒菠蘿，係肉類之餘嘅另一選擇，燒得啱啱好， keep到菠蘿本身嘅多汁同甜味之餘，仲有少少焦香嘅味道！芝士年糕：年糕好彈牙，芝士味道又好濃，加埋表面薄薄既一層脆表面，真係做到外脆內軟嘅效果！就咁就食咗一餐好食又幾抵既晚餐，另外一提侍應嘅服務真係幾好，好開心。