Brass Spoon (Closed)

呢間米芝蓮一星越南菜聽就聽咗好耐聽聞經常大排長龍目前為止都開咗四間分店呢間見唔洗等位就去咗中環分店試下環境唔算太大有種食完就要即刻走嘅感覺🥱裝修都算幾靚一坐低店員就會俾張點餐紙你餐目一目了然唔算太多選擇除咗pho 都有撈檬 飯 小食 等生熟牛肉河粉牛肉河粉都有三款揀由過百元嘅特級生牛肉🥩到普通嘅生、熟牛肉亦可追加牛柏葉、牛筋、扎肉 等等配料嘅蔥、芫荽、洋蔥、牛湯油可以自由選擇落嘅份量pho碗大份量細🍜湯底飲落清清地帶甜味唔會太油 但唔算好重牛骨香牛肉揀咗半生熟兩溝切得好薄 半肥瘦 份量唔多生牛肉會比熟嘅軟嫩啲再夾雜咗兩粒好普通嘅牛丸最好食係個河粉呈半透明 質感好滑溜夾起嚟唔會碎濕濕燒豬肉檬撈檬份量都比較細檬粉同各種配菜比例都係1:1配料嘅炸乾蔥、芫荽、花生、蔥油都可以自選份量主角燒豬肉都有3-4塊燒豬肉外面燒得焦香半肥瘦嘅肉 脂肪部分半溶狀態醬汁鹹鹹甜甜 係幾香🤤肉質亦唔會太柴檬粉加入蘿蔔 生菜 青瓜 芽菜 等因為檬粉份量真係太少搞到好似食緊沙律咁😂但檬粉本人算唔錯唔會痴舊一舊味道係唔差 覺得好過招牌牛肉粉春卷小食都只有蒸粉卷同炸春卷兩款呢個炸春卷反而有驚喜！炸起夠哂熱夠哂脆好乾身一啲

一間環境幾靚嘅越南菜，坐得舒服，今次係第二次黎，第一次黎食左生牛肉粉無特別，反而今次黎到揀左燒豬肉撈檬有驚喜，燒豬肉好香口，唔會太肥膩，撈檬配料多，有青瓜紅蘿蔔，可選擇炸乾蔥花生芫茜葱油等分量，不過個檬就唔似我地平時食個隻檬粉，比較似米粉，但加埋個汁食落比平時食開嘅撈檬清爽，朋友食春卷撈檬亦不錯，夠香脆，以後黎呢間食都會係食撈檬。呢到免加一，性價比高，想同朋友坐得舒服乾淨食個lunch呢到會係一個適合嘅地方，值得一黎！