BRICK LANE Deli (Closed)

之前去過尖沙咀Brick lane食過覺得唔錯，所以朋友問我食咩個陣 就想試吓沙田呢間。新城市入面假日晚市咁快有位嘅餐廳好少有，不過食完就明晒點解。朋友同我都叫左C1 流心蛋芝士煙肉意大利麵 跟湯同野飲前菜湯同沙律先上。沙律不過不失。湯就唔掂了，飲到粉粉地口感，而且淡而無味，如果上面唔係有粟米同蘑菇，我真係飲唔出係咩湯。呢個意粉中文名雖然冇寫，但英文名其實寫住spaghetti carbonara ，所以我地expect佢係卡邦尼黎。但係食落口唔好講卡邦尼，連白汁味都冇，又係淡而無味。再者煙肉食落好似火腿咁，上面條配菜（唔肯定係咪芽菜）好生，味道唔夾個意粉。另外仲叫左個豬肋骨，呢個味道反而唔錯，醬汁幾惹味。配菜薯仔ok好食。整體黎講非常唔推薦。員工服務好一般，而且食物質素對唔住個價錢。同區實在有太多更好嘅選擇。

雖然還未放假，但已有holiday mood，放工後還專登約朋友去沙田新城市廣場行街街，哈！血拼後當然要醫肚，想持續假日mode，決定遊咖啡室。曾到訪過此咖啡室，裝潢沒有大改變，流線形設計，挺優美，招牌單車依舊存在。地方寬敞闊落，設有多張二至四人枱，還有幾張大枱和長高枱，枱子的數量不少，感覺舒適自在。環境不變，但菜式有些不同，分別有All Day Breakfast、Egg Benedict、Grilled Chicken、Ribs、Classics、Snacks、Pastas、Pastry & Drinks。************************凡點主菜便可加錢配湯、沙律和飲品，而我倆就揀了一份豬肋骨和一客薄餅，再加$30配湯和沙律。是日餐湯Soup是南瓜湯，口感綿密，稀稠度適中，湯中有些南瓜茸，多份口感，味道稍稍香甜。沙律菜好新鮮爽脆，加了粟米粒、紫洋蔥粒和蕃茄粒，拌入酸咪咪的油醋汁，清新醒胃，簡單而美味。************************先上一塊長形的火箭菜蕃茄薄餅 Flatbread Marguerite ($58)，已預切了四大件，又薄又香脆，特別是餅

沙田新城市廣場這間Brick Lane Deli 餐廳，絕對係 shopping完後最佳補給站。今日同老婆兩口子行完這商場， 大家都知新城市商場有幾大㗎喇， 閒閒哋都會行幾個鐘， 行到好攰之際比我見到這間咁顯眼餐廳，又碰上非常肚餓，就决定食這間。餐廳主打英國菜，有薄餅、漢堡包和all day breakfast，還有多款特色嘅甜品。 睇啱餐牌，就可以自行到收銀處 畀錢， 稍等一會兒，食物就會由侍應送上。 而這裏座位非常多， 加上餐桌之間寬敞，又有梳化座位，輕鬆自在。先嚟Lobster Eggs Benedict HK$168, 這裏招牌菜之一， 我哋都係睇IG才決定食這， 賣相絕對吸引， 味道 有非常特色。 先有龍蝦肉的鮮甜味, 龍蝦肉粒全部放在蝦頭中， 啖啖鮮味。 而班尼迪蛋配上鹹蛋黃荷蘭醬， 食落分外滋味， 加上流心狀嘅蛋黃，吸引至極，味道额外甜滑。燒豬肋骨HK$128, 稍為要等多片刻才食到， 因廚師是即時焗的， 但味道確實值得回味。 豬肋骨燒得好香，肉質 嫩滑,加上燒烤汁甜甜地又唔腻，十分惹味。 伴碟的蘆筍和薯蓉也不錯， 蘆筍幼嫩爽口，正。還有這裏的甜品，當然唔可以錯過，紅絲絨

英國讀完書之後，我同同學都會定期聚一聚，個晚講起野食，大家都好懷念英倫風嘅野食。香港其實唔多餐廳主打英國菜，要高質嘅更加少之有少，不過我地住嘅附近有一間，所以今日就約左係沙田見面，我地食嘅餐廳係BRICK LANE Deli呀~餐廳設計比較簡約，只運用簡單鐵通作分間，成開放式環境，感覺比較開揚。雖然係由店員安排入座，但餐具、清水都係自助，點餐亦需要自行前往櫃台，但有樣好，無加一！餐牌都幾多選擇，All Day Breakfast、Eggs Benedict 呢d當然唔少得，另外仲有燒豬肋骨 同燒雞，又有意粉、薄餅，食乜都得。我同朋友點左個Eggs Benedict share 黎食，再一人一個餐。首先講下個龍蝦班尼廸蛋配鹹蛋黃荷蘭醬($168)，一上枱就好有氣勢，成隻龍蝦頭係度，水煮蛋配上荷蘭醬，蛋黃一篤，蛋汁流到成個都係。下面夾住龍蝦肉沙律，混和左青蘋果係裏面，食起黎比較清新，底部再配上紫椰菜加上少少黑醋，配上荷蘭醬，微酸令龍蝦肉味更特出。夾住鬆餅一齊食，口感非常豐富，必食之選。之後我就點左個燒豬肋骨($128) 另外加$45 配埋餐湯、沙律同飲品。餐湯係薯仔火腿忌廉湯，好濃郁嘅薯