一樂燒臘飯店 (Closed)

一直光顧中環一樂，是食過番尋味的感覺。難得行山經過大埔，當然也要試試大埔這家的水準。大埔一樂除了燒味，還有小菜等選揀。一場來到，就是要試馳名燒鵝。點了一個下午茶燒鵝瀨，加上一杯凍檸茶，埋單$50。比中環便宜多了。🤩🤩🤩🤩🤩份量也挺多的，而且很幸運來了一個鵝肶。燒鵝很肥，皮下油脂清晰可見/可吃🙈🙈不過皮就略嫌不夠脆，可能不是剛燒好的關係吧。湯底也是意外的淡，可能吃慣中環的重口味吧🙈🙈🙈這家是抵食之選，不喜歡濃味就選這家吧。

難得黎到大埔，跟住地膽搵野食。佢地介紹左呢間燒味店，話出名同多人幫襯。夜晚大概8點幾去到唔多人，4個人輕易坐左張大圓枱，4個人都叫有燒鵝既瀨粉／飯望落燒鵝色澤偏深，油光泛泛，雖然好似燶左DD但食落好香同幾脆，基本上唔洗點梅醬都好夠味；粉既湯底係豬骨湯，比普通茶記既湯粉湯底濃DD。但係之後食落發現D燒鵝雖好食，但好多骨！無乜肉！係我地太遲黎得番D頭尾，定係真係俾好有肉既for碟頭飯？ 由於無乜肉食，我攞左D隔離既叉燒試下，點知佢好硬，又無肉汁又無蜜汁，係就係啖啖肉啊但唔想咬喎....對燒鵝少少失望，對叉燒係大失望！4／50蚊食碗無乜肉但D皮幾好味既瀨粉，睇你肚唔肚餓啦，做宵夜都唔錯既...

是日又入大埔探親，驚見大埔墟食店變化之大，由細吃到大的老牌西餐＂凱旋門＂已結業一個月，還好一樂及陳漢記等還在。。。剛好是下午茶時段，便到老牌燒臘店一樂吃燒鵝瀨，店內裝修有些改變，但魚缸，熱帶魚及ＣＯＲＡＬ不變，店員服務十年如一日的一般差，但燒鵝的味道卻是幾十年都一樣咁美味，熱騰騰肥美的鵝肉及鵝油的香味令人食指大動，個人覺得這間的燒鵝可算是香港數一數二，瀨粉比較硬身彈牙，湯頭應是燒臘的頭頭尾尾所做，吃不到什麼味精的感覺，卻很鮮甜。一邊吃一邊看魚缸美景，真是一樂。在香港有此質數而平民化價錢的燒臘店已不多了，在此大力向大家推薦。