五匠六釜

Open Now

Now Closed

總結食物質素尚算滿意，只係推食物車出嚟時可以蓋住啲食物會更理想，衛生方面再做好啲會更好。

今晚3個人食晚餐，叫了半隻片皮鴨（有肥又有瘦）、3辣魚皮伴青瓜絲（幾好食，份量都幾多）、糖醋脊里（個感覺似咕嚕肉多啲，甜甜酸酸又啖啖肉，都好食）、擔擔麵（花生味好香，都幾大碗）、炸鮮奶春卷（熱辣辣又好香奶味）、醉雞（份量細d,但酒味香濃），仲叫咗兩杯飲品，大大杯又幾好飲，今餐合共$609。留意番排隊叫號碼係不會叫兩次，只叫1次，當冇回應就即叫下一個號碼。我地剛好安排坐窗邊，所以都比較靜又舒適，可以再光顧。

網上見到有人介紹Airside開了新中菜😍地理位置方便就約了朋友一同前來我哋一致認同食物性價比高👍🏻片皮鴨薄切肥瘦均勻而且包扁皮鴨塊皮好薄，連埋蔥瓜一齊食好好味至於酸菜魚麻度十足魚肉都有好多舊 而且滑身適合送飯或者叫多個薯粉配埋食另外醉雞好有驚喜🐓雞肉好嫩滑 而且酒味十足（不過如果同小朋友食就要注意吓🙈）我哋另外叫咗羊肉煎餃🥟每粒餃子餡都好大份好飽肚羊肉有少少酥味不過我哋鍾意食羊所以都接受到食極都唔夠喉，所以我哋再叫咗一份雲吞雞雲吞都有7、8舊但半隻雞可以燉得再腍啲有少少硬同鞋 建議切細少少 有d難分不過整體表現都唔錯‼️要特別注意 訂位後並沒有指定位置所以也要在訂位的時間準時來到自己再搵位‼️

上個星期六下午茶時間來食，唔算太多人。兩個人叫咗一個牛肉麵，半隻片皮鴨，一份炸牛奶同一杯檸檬茶已經食到好飽。總體來講唔算太貴，偶爾可食！牛肉麵都幾大份，肉頗多，除了有幾小塊有點韌，其它基本都軟味道唔錯！片皮鴨肉偏柴少少，但係最上面幾塊非常脆！價格不算貴，可一試！炸牛奶睇落唔太正宗，正宗應該係奶凍冇皮包住，不過食落又OK喔！外皮好酥脆。檸檬茶就不失不過，正價28蚊唔抵，星期一至五來食跟餐15蚊還可以。