古琴雅苑 (QRE Plaza)

Open Now

Now Closed

📍古琴雅苑 (QRE Plaza)地址：灣仔皇后大道東202號QRE Plaza 19樓同屋企人食飯最緊要係啱老人家口味，食中菜就總冇錯啦～ 仲要聽講呢度片皮鴨很好正宗，就梗係要試試佢！餐廳好近地鐵站，十分方便。而且環境都好舒服，座位舒適，都好適合家庭聚會，傾計吹水。🍽️全隻片皮鴨達到水準！北京填鴨新鮮出爐，睇得出師傅技術同刀工，每片皮脆同肉嫩。最加上啲配料青瓜、京蔥，仲有令人意想不同嘅哈蜜瓜，加埋啲黃梅醬和京醬，口感層次豐富，一係滿足到食片皮鴨嘅慾望啊！🍽️古琴酸菜魚雖然帶有少少麻味，但唔係好食得辣嘅我哋都一舊接一舊咁擺入口，魚都好新鮮，加上有唔少嘅配料，都令人好滿足！🍽️松子魚真係唔係度度都有松子魚架，酸酸甜甜嘅醬汁，再加上熱辣辣嘅炸魚肉，送飯一流。小朋友都食到lamlam脷！睇中佢哋「雙親節 淮揚美饌頌親恩」餐牌，入面都有好多套餐可以選擇，趁6月父親節訂座及訂座優惠，嚟緊會再同屋企人嚟，孝敬一下佢哋～

星期五晚放工時間約左男朋友食晚餐，唔醒起星期五人多要訂位，揾左兩間餐廳都食“閉門羹”，去到古琴雅苑見到full house都準備調頭走，點知老闆話落下一層既日本餐廳都可以食到古琴雅苑既菜式架😳，原來餐廳老闆係同一橦大厦有三層都係佢既👍。呢個方式第一次聽，可以俾客人睇到其他餐廳既特色，應該可以順道幫到三層食客既人氣👏。適逢係父親節周末，餐廳推出套餐，我地嗌左個二人套餐，套餐內有好多選擇，食完絕對會捧住個肚走。員工好好態度同埋都好勤快，呢一點值得一讚😊。茶選擇左荔枝玫瑰，超級香，飲落清新清甜。雞絲粉皮我既至愛，花生醬汁足夠，青瓜雞絲非常幼細，配埋數舊涼肉，十分開冑既一個前菜。🥜頭盤仲有呢個冰鎮鮑魚，十分爽口鮮甜，咬落唔UN,大大粒，而且有配襯檸檬薄荷葉蕃茄仔，睇得出廚師既心思。發現呢間中菜館既食物擺盤做得幾好，好有藝術氣息😍，尢其係...呢個北京填鴨，個碟好可愛，每舊肉都有肥瘦肉，唔會cut到“一岩一忽”，讚。肉質唔老剛剛好，有煙燻既香氣，而且配料相當足夠，有青瓜蜜瓜等等，不過略為感覺包住既麵皮可以再多啲，因為肉係多左好多，我地最後係要包住兩塊肉甘食先食完😆。魚羹相對清淡，魚塊份量相較少，

$179 半隻片皮鴨 , 好味又抵食還有, $238 松子魚, 味道好, 又大大條水晶肉就一般, 試下也無所謂, 下次會選擇其他作前菜木桶菜飯麻麻, 不合我口味整體唔錯, 還有很多菜式試, 好期待下一次!!

媽咪鐘意食片皮鴨，見到依家評語ok,值錢又抵。今年聖誕節就食依間啦🥰一入到門口就見到小廚，見到師傅喺度準備輕便小食。好乾淨。裝修都好靚好新淨，顏色設計同擺設都好舒服👍第一個感覺大家都好滿意。嚟到梗係要試吓佢哋嘅玫荔堂煌，飲落去有淡淡的荔枝香味，第一次飲覺得幾新奇亦都覺得飲落去好舒服！首先黎個涼拌，海蜇比出面一般嘅鋪頭厚身，味道屬正常水平。可惜食食吓食到海蜇有沙，食過咁多次海蜇都係第一次喺鋪頭食到又沙，好失望。排骨好淋同入味，酸酸地幾開胃，又可以減輕淨係食肉嘅油膩感。由於我哋都鍾意食鱔，睇OpenRice見到好多食評都推介呢個脆鱔。可能期望過高，反而我哋唔係好鍾意食。鱔炸得好脆，食落去又唔會成口油。不過我哋一致覺得食鱔都係要食到肉先至似食鱔🤣🤣重頭戲黎啦，我哋期待已久嘅片皮鴨到咗。師傅係你面前片片皮鴨，見到師傅手起刀落，一邊片隻鴨一邊出煙流晒口水🤭首先上咗幾塊係鴨皮，喺鴨頸片落嚟。侍應介紹要點糖食，一擺落口鴨皮好脆滿口油香，好好味。不過都係一塊起兩塊止，食到第二塊已經覺得有啲滯。跟住就食主角，呢間幾特別片皮鴨可以包埋哈密瓜。不過將所有配料包埋一齊完全唔覺食咗哈密瓜🤣總嘅來講，片皮鴨係必食

有幸和朋友眾一起晚飯聚餐，最後大家選擇了中式食府。友人提早一天預約, 成功留了最後一張大枱(店員預早提醒大枱只供約8人用，我們需要坐得親密一點)。終於等齊人，員工見我們近10人，又有一位小嬰兒 ，碰巧有間空房，特別主動免最低消費給我們坐進房間。不得不說，服務非常好，介紹菜式時態度亦十分認真清楚，食物質素亦很高，尤其是片皮鴨及腰果露。片皮鴨是廚師在面前切，皮脆不膩，配的醬也不俗，但最驚喜的是用來包鴨子的麵皮，薄韌有口感，大大加分。腰果露不太甜但入口順滑，有腰果香，吃完正餐要一份也完全可以，不會膩。值得推介。

年尾飯聚和友人選了新開的古琴雅苑有説晚晚爆場當晚的確很旺好彩朋友一早訂了檯友人喜愛片皮鴨這店以價錢取勝不到$400但配料排場十足片得靚之餘又教你不同食法大家都滿意其他菜式以上海菜為主無錫脆鱔夠熱夠脆醬炒年糕蟹醬汁香濃蟹也新鮮另一道京醬大蝦雖然醬汁偏甜但炸得夠脆 蝦也十分新鮮非常惹味朋友點了蜜汁火方我沒有吃但大家都說很不錯另外還叫了一些前菜和膳糊等大路菜式也四平八穩埋單每人不到$300這個價錢與質素在同區絶對性價比高上菜也起快難怪生意這麼好

我今日肚瀉，皇太后話要食飯，我唔想掃佢慶，頂硬上。今日打電話嚟訂位，都即刻訂到，都幾好彩，因為呢度好旺架。皇太后點菜，我冇睇過菜單有啲咩架，當然要片皮鴨啦。今日星期六，中午時段，唔訂位真係要等位，坐無虛席。先上四小拼，青瓜皇太后話太鹹，我就覺得ok啵，酸雞酒味唔多酒味，其餘兩樣都係平平無奇啫。酸辣湯，酸而不辣，辣味好少，因為我好怕食辣，一食少少就出汗，呢鍋冇喎。片皮鴨，皮脆肉嫩多汁，配菜又夠新鮮，最重要係塊麵粉皮真係好薄架，但係我鍾意原汁原味，乜都唔加同唔包嘅。職員服務好細心，食淨片皮鴨打包，佢再加啲配菜比我地，仲教埋翻熱時要注意事項。