潮樂園 (和富道)

Open Now

Now Closed

晚上相約朋友出嚟獵食，聽聞北角一間潮州打冷餐廳好評如潮，而且又夠就腳，一於去試試真偽！一入到嚟已經見到六塊大牌匾寫住餐廳嘅招牌菜：魚蛋墨丸﹑牛坑腩﹑滷水﹑蠔仔粥﹑凍花蟹，頭五項都算係潮州打冷常見菜色。哇，竟然仲有巴基斯坦咖哩，真係估佢唔到。內裡裝修基本類似一般茶餐廳，但牆壁和傢私都很新淨，估計新開張不久。第一道菜當然要試試潮州打冷嘅必食經典菜色一一滷水拼盤（＄１２８）。呢到嘅滷水拼盤分鵝類與非鵝類，鵝類包括獅頭鵝掌翼﹑鵝頭頸和鵝片。非鵝類則多很多選擇，鴨舌﹑大墨魚﹑五花腩﹑豬頸肉﹑豬手﹑大腸﹑大紅腸﹑滷水豆腐﹑滷水蛋…講得出嘅都有。我哋就點咗牛坑腩﹑鴨舌同滷水豆腐，呢間店嘅滷水汁唔會太甜，咸度亦剛剛好。半肥瘦牛坑腩，雖然相片睇落有好多紋理，但一啲都唔鞋口，相反非常之稔同入味，三樣裡面最推薦。鴨舌同樣入味，肉質入口即融，味道方面個人覺得偏咸。滷水豆腐冇影相，但同樣入味又大大塊，冇得輸！黃金煎蠔餅（＄４９），本人一向喜好煎炸嘢，但好多時都食到一嘴油，呢個蠔餅冇呢方面問題之餘外脆內軟仲勁足料，蠔仔超多，點埋魚露真係食唔停口，而且＄４９係有兩大塊！抵食到爆！我比佢９分，若果內裡嘅蛋漿可以再稀少

上星期放工約左朋友去北角食飯，天氣咁熱吾知食咩好，朋友話想食啲特別啲開胃啲嘅野，行到和富道見到呢間潮州食店，好似係新開冇耐嘅，就決定一試。我地一行四個女仔都算大食，叫左5樣食物。韭菜豬紅一端上枱已經聞到令人唾涎嘅香味！醬汁非常香濃惹味！！食得出有多種調味料和香料炮製！！老闆說是由幾十年的老師父煮理，保證外面食唔到！微辣但香味十足！！我哋忍唔住叫咗一碗白飯黎捞汁食XD  豬紅口感十分香滑 QQ哋有小小似啫哩牛坑腩呢個真係必食！真心推介好食！非常入味，有咬口之餘一點都吾韌！輕輕一咬就斷開，夠晒鬆軟，多汁仲唔痴牙！底層嘅白蘿蔔同樣出色，煮得好入味，軟硬都啱啱好，又夠清甜。令人一試難忘，食唔停口。鎮店蠔仔粥非常足料，每一羹都充滿蠔仔，而且大量的莞茜和葱粒令粥品更香更出色！配合得十分得宜。粥底做到正宗潮州粥風味，吾會好似廣東粥咁棉而係會食到一粒粒非常香軟嘅米飯。因為非常足料，配料提味恰到好處，蠔仔粥非常鮮甜美味，想一食再食。黃金煎蠔餅金黃色的煎蠔餅一上枱，大家都忍吾住想馬上嘗一口！蠔餅煎到金黃香脆，賣相已經非常吸引，咬開蠔餅發現裏面除了蠔仔之外仲有香蔥同莞茜，難怪咁香口美味！大家唔需要擔心生粉太

朋友新婚，house warming搗亂是常識吧。不過朋友是一對無飯夫婦，結果晚上是外出吃飯罷了。由於朋友住北角，所以附近有甚麼好吃就只靠他的介紹了，最後朋友帶了我們去兩個街口外的潮樂園吃潮州打冷。六點幾來到已差不多座無虛席，實在誇張。幸好還在最後一張四人枱，所以不用等位~吃潮州菜，識得食一定要食凍魚、滷味及蠔餅。我們當然不會錯過吧，四個人點了五個餸，好像有點誇張呢~！烏頭(時價)$98這天的潮州凍魚有烏頭及大眼雞，但我還是覺得烏頭的黃油會較吸引，所以便選了烏頭。上枱時烏頭不但已開了邊，而且連骨也起掉放在一旁，出餐認真不馬虎。正如我所講，烏頭最緊要係黃油，呢條烏頭的黃油非常誘人，試了一口魚味鮮甜而香濃，魚質雪凍後更顯結實有口感，一流！而用來伴烏頭的普寧豆醬其實很能突出魚的美味，不過個人認為原味或加少少豉油吃才能試出魚的真味，所以吃魚從來不蘸醬及加薑蔥的！鎮店蠔仔粥$38要說得上是鎮店之粥，來頭野唔野小就唔知，但很足夠卻是事實。表面看來像一碗蠔水的蠔仔粥，只要輕輕一攪，再一搯，飽滿的蠔仔、肉餅及米粥已見得有多鎮店。先吃一口連蠔仔帶肉餅的粥，蠔肉的鮮味經已滲透粥水之中，又因為加了肉餅而吃起