金樺餅店

Open Now

Now Closed

今日小妹去咗太安樓覓食😜之前喺YouTube睇過呢間餅店老闆嘅介紹已經諗住嚟試下見到門面寫住港島五大最好食蛋撻仲要撞正佢新鮮出爐🤩咁就梗系要試下啦😛-♥︎ 牛油皮蛋撻 $6新鮮出爐熱辣辣 已經聞到好香食落真系辣嘴😝蛋漿香甜滑溜😚焗嘅時間啱啱好 仲系少少流質嘅狀態撻皮酥化而唔膩充滿牛油香🤤不愧為港島五大最好食蛋撻真系有啲驚喜😆味道: 9/10性價比: 9/10-走嘅時候小妹仲特登翻去買多4個蛋撻帶翻屋企開心share😆不停都有新鮮出爐嘅蛋撻Keep住有人嚟買 仲見有人一打打咁買真心唔錯值得一試😋回頭率: 9/10-

太安樓娥姐粉果旁邊嘅一間麵包餅店！係我等緊粉果既時候比個蛋撻吸引左過去🙉牛油皮！！唔係唔試下嘛😛其他舊式西餅都好吸引！但今日嘅quote淨係食得落蛋撻….！牛油皮蛋撻$5超級正呀！外層嘅皮又薄又鬆！中間嘅蛋，蛋味出、味道都唔錯！色澤良好。咁好食都只係5蚊雞！抵呀！香港呢啲舊式餅店買少見少，以後過開呢頭都要黎幫襯下！

太安樓實在太多好野食了，之前已經試過 娥姐粉果、鴻記雞蛋仔、啊婆糖水等，今次食完正餐一於試埋呢度嘅蛋撻😋金樺嘅蛋撻可以話係東區好食蛋撻之一，緊次於新鳳凰餅店👍🏻就算係放左一段時間都好，蛋撻都唔會出水同離皮，真係有水準嘅師傅先做到，而且咬落去牛油皮好鬆化，蛋味都重，經過太安樓嘅不妨一試👇🏻👆🏻蛋撻出爐無耐，熱辣辣😋鋪頭仲有好多各式各樣嘅西餅、蛋糕、麵包，有好多都係兒時嘅回憶，例如煙囪餅、朱古力三角餅，全都係好食之選💕