肥後屋

Open Now

Now Closed

今日嚟到銅鑼灣天后中間的一間串燒舖頭肥後屋， 首先嗌咗個前菜日本凍蕃茄， 蕃茄夠甜，微酸， 係一個很好的開胃菜， 串燒方面， 叫咗黃芥末五花腩， 安格斯牛肉眼，牛舌， 墮落午餐肉， 鹽燒雞翼， 全部都係即刻燒，新鮮，老闆話想睇一間串燒好唔好食就一定要試下個鹽燒雞翼就知道 ， 佢講得非常冇錯，個雞翼非常出色， 皮脆肉嫩， 裏面爆汁， 其他肉類串燒都回味無窮好正。 重點推介， 佢個海鮮貴妃蚌， 肉質爽口， 冇腥味， 再飲埋佢啖湯， 鮮甜可口， 真係要一試，冇得輸 海鮮未必即日有， 有好多時海鮮都要預訂， 請留意， 之後再推介係牛油香蔥飯， 啲牛油溶咗落啲飯度再加埋香蔥， 好味， 食到一半可以配埋墮落午餐肉一齊食口感更加好。 仲有一樣都令到好驚喜， 佢個士多啤梨梳打， 我叫嗰陣問佢會唔會有藥水味， 佢話一定冇， 點知出嚟效果真係唔錯， 反而有新鮮士多啤梨嘅味道， 所以如果係勇者都可以試一試，唔伏。 仲有一樣都真心推介， 就係七里香， 開頭我以為係雞皮， 燒得好香 ，好滑。 點知唔記得咗原來自己係叫咗雞屁股， 不過真心好食。 佢所有嘢都做得好好， 我畀五星星佢，

位置係比較隔涉，但絕對值得一試的，耐唔耐都會同朋友去一次～ 去之前記得提早whatsapp預約，前一晚就會收到廚娘send來的海鮮menu，如果想食海鮮嘅話，就要揀定喇。海鮮必食柚子清酒煮貴妃蚌+柚子汁燒蟶子。食完貴妃蚌，飲埋啖湯先係精華！蟶子新鮮大隻，調味亦剛好～小食推介龍蝦膏山藥+胡麻菠菜卷，龍蝦膏配鮮甜山藥，出奇地夾。邪惡之選就一定係墮落午餐肉+牛油蔥飯，牛油蔥飯滿滿蔥油香，不過比較啖味，加埋厚切燒餐肉就一絕，雖然屋企都整到。串燒鐘愛芫茜系列，芫茜雞肉必試。最後加個燒棉花糖，完美的一餐。

以前去肥後屋係鵝頸橋附近樓上舖，食過一次之後就搬左，呢篇食評都拖左一段時間，因為太多好野，又唔想寫太多字，我盡力啦。⏹️🔼⏺️早喺魷魚遊戲之前，肥後屋已經用正方形、三角形同埋圓形。 訂位係基本，當日仲要落大雨☔️，喺銅鑼灣行過黎有唔少露天位置。除左訂位之外，仲要訂海鮮，就算唔訂曬全部都訂少少黎食下，如果唔係就真係浪費左個訂枱。 本身汁燒海鮮燒得好已經可以好好食，再加埋柚子汁增添一啲清新嘅感覺，食落仲無咁油膩，真係好好食，所以記得一定要訂海鮮（除非你完全唔食海鮮啦）。其他串燒都無咩好講，就係好食同埋好食（可能你會覺得我係打手，咁你可以睇返我其他食評，我都係有嗰句講嗰句）。 值得一提嘅係「牛油蔥飯」，牛油🧈+蔥🌱+飯🍚撈埋可以有幾好食？你唔好理，我都係第一次見，食一啖就覺得其實簡簡單單就已經足夠，講漏左，仲要加少少豉油。你唔會明白點解咁簡單嘅組合，竟然無諗過（可能我見識少）可以咁樣食同埋幾好食。 最後要介紹下燒棉花糖，可能你心諗，唔係呀？我細細個去BBQ都成日燒棉花糖架啦，有幾巴閉？咁你梗加要試。外脆內軟呢啲基本野就唔使多講，然後我都唔知講咩好了，總之肥後屋嘅燒棉花糖真係世一。 柚子汁燒蟶子汁燒

根本由搵餐廳開始已是一場遊戲按住Google map 定位已經難搵門口企對面馬路根本睇唔到餐廳名⋯ 行到好近先見到好細個燈仔入到舖頭最深印象係活潑的服務員😌熱情地為我們點餐一行二人兩個女仔叫串燒真係唔知要幾多串好所以有人推介和幫手諗 感到幸福😂幾有創意但如果屋企有火槍可以返屋企自己整個午餐肉真係痴鬼線開心 推介！！厚切仲有肉味⋯⋯⋯ 再邪惡啲仲有呢個牛油蔥飯好飽但係都要試我哋食唔晒將佢打包起來返屋企翻叮仲好食😂😂😂🤦🏻‍♀️整體呢間餐廳冇玩弄濃烈嘅醬汁係務務實實品嚐食物原材料質素的日式串燒店個人滿意 會有下次 😌

值得推介嘅居酒屋👍🏻，價錢適中，性價比高，服務好👍🏻，仲有一個好搞笑嘅員工👍🏻。動作好大咁開汽水，同埋佢話 「我會幫你擠啲豉油，擠，擠，擠。」😂😂哈哈哈哈哈。。。即刻帶左啲歡樂比我地，同埋佢自己係完全無表情。哈哈哈。。佢既《牛油蔥飯》好好味，我唔係好食蔥嘅人，都覺得好味，仲想再食🥰其餘嘅燒物都好好味。唔會好重味，食到食物嘅原汁原味。🤩《海膽山藥》呢個配搭都幾特別，可以一試！係《燒鮑魚》麻麻，有啲腥味。😳《清酒煮蜆》蜆肉都大粒，不過有啲蜆肉里有沙。

肥後屋，無論食物質素或員工服務都非常高質，令人一去難忘。為慶祝生日，男友提早一星期透過whatsapp book枱💕 (注意餐廳不設walk-in喔)確認訂座後，餐廳會whatsapp問我地有冇興趣pre-order一啲海鮮，因為果啲食材都係即日買即日處理的食飯當晚，我地花左一啲時間先搵到餐廳既位置，因為門口並不顯眼🙈由於係慶生，我地自備左一個蛋糕，去到餐廳門口先醒起唔知需唔需要收切餅費，好彩店員話唔收，仲幫我地雪好個蛋糕🤣除左pre-order既海鮮，我地仲叫左一啲串燒、牛油蔥飯、冷蕎麥麵、兩枝梳打飯後，餐廳咁岩有三枱人都生日，大家一齊share生日蛋糕食，有人請全場飲酒，平時唔點飲酒既我地都小酌一杯，連店員都飲埋一份，好盡興或者近日發生太多不愉快事情，當晚的生日飯實在有令人忘憂既氣氛

超難book位, 串燒即叫即燒會逐串上, 佢地仲會事前問定你要唔要食海鮮, 如果食就要預訂, 因為佢地係每日新鮮去買🥰開瓶費$80@bottle / 720ml ✨牛油燒扇貝 💰66＠ (提早訂)💫評分: 8/10📝鮮甜勁香牛油🧈味, 偏貴✨清酒煮蜆 💰54 (提早訂)💫評分: 8.9/10📝細細隻, 聞落有淡淡清酒味, 帶出左蜆嘅鮮甜😍✨牛油蔥飯 💰32💫評分: 8.5/10📝牛油撈落啲飯到好香口, 不過好好好肥好有罪惡感🥺🤣✨螢光魷魚 ~💰32💫評分: 7.8/10📝偏鹹咗少少🥺✨紫蘇廣島蠔 💰50💫評分: 8.6/10📝飲過一次紫蘇酒之後發現自己幾鍾意, 不過呢一個配搭有啲搞笑🤣✨芝士油揚💰28💫評分: 8.5/10📝好似韓國魚糕串🥰✨雞翼 💰30💫評分: 8.4/10📝皮勁脆&香口😍✨雞軟骨💰28💫評分: 8.3/10📝比較細串&乾身✨玉子💰22💫評分: 9.3/10📝燒到軟硬適中, 又甜又厚🥰✨金菇牛肉卷 💰34💫評分: 8.5/10📝切到好厚嘅金菇所以質感好特別😌✨牛舌 💰34💫評分: 8.1/10📝鍾意厚切多啲🥺✨燒年糕 💰26💫評分: 8/10📝正常發揮😌✨露筍豬肉卷

聽過肥後屋名字已經一段時間，特別聞說佢做午餐飯盒時候有一款叫做墮落名物午餐肉牛油蔥飯，喜好午餐肉的我今日難得過大坑，做完嘢之後，打算一個人簡簡單單去食一餐。心諗呢度咁吊腳唔方多人啦。入到德信街，我搵咗一段時間先至搵到，餐廳入口響一座非常唔起眼嘅商廈嘅入邊，關門之後亦都見唔到任何招牌。心諗咁都做得住，一定係好嘢。入去之後發現竟然full House ！咁我唯有買外賣啦。乜都唔理叫一個牛油蔥飯先，店員建議我配上一個墮落名物午餐肉，我另外都再叫咗金菇牛肉卷同酸薑豬肉卷。等待時間比較長，要30分鐘，所以我都先出去行一陣街再返嚟攞嘢返屋企食。店員都好貼心咁差唔多到30分鐘就打俾我提我返去攞嘢食。個午餐肉真係好林好鬆軟，金菇牛肉卷好靚但相對比較普通。我就份外欣賞酸薑豬肉卷，酸酸甜甜夾埋豬肉同黑椒，口感層次好豐富。講返個牛油蔥飯真係邪惡無比，好彩今晚冇約會，如果唔係實在不能進行法式濕吻。

經常覺得肥後屋好有《深夜食堂》感覺（首主題曲立即在腦海盤旋，加上小田切讓的帥臉🤤）寧靜的街頭，瑟縮於不知是商廈還是住宅之中，打開日式趟門，小小的居酒屋，充滿溫馨的感覺。一邊幻想マスター於灶頭大顯身手，一邊品嘗一道道只屬於居酒屋的下酒菜色，與知己小酌一杯，真是個愉快的晚上。如果可以營業至夜深，更適合我這種夜鬼🏮圖1/胡麻波菜卷圖2/燒棉花糖圖3/需要提早預計的海鮮類圖4/牛油蔥飯及沒有拍照的清酒煮蜆（需預訂）、encore了的燒五花腩、燒飯團等等，推介菜實在太多，而且超難訂枱。。。（開始後悔開啟這帳號😂)

男朋友鄰近聖誕節生日，想食好d但係果段時間又會驚好貴最後就揀左食居酒屋而唔係西餐，因為一黎氣氛好，二黎價錢唔會好似西餐咁海鮮價。機緣巧合下，搵到呢間隱世小店，仲要見到食評一面地讚好(甚至欣宜都試過包場食生日飯)點知食完真係覺得超好食，一定會再去由於男朋友鍾意食海鮮，所以我向店員事先預訂左牛油燒扇貝、同埋清酒煮蜆同埋柚子汁燒象拔蚌全部海鮮都好好食，超鮮甜個牛油燒扇貝我冇影到相，因為一上菜就太心急要食佢一黎到係勁香牛油味，仲要望落好有光澤，忍唔住一啖食左先！至於個柚子汁燒象拔蚌本身都好鮮甜，再配搭埋個柚子汁去燒，令到個象拔蚌更清新。而且食得出象拔蚌好新鮮，因為真係好爽口，燒得岩岩好！清新爽口柚子汁燒象拔蚌個清酒煮蜆都冇得輸！酒味唔濃，聞落係有淡淡嘅清酒味，飲落係完全帶出左蜆嘅鮮甜本時出去食呢味菜我地係唔會飲d湯，因為感覺只係水加d味增咁。但呢度個清酒煮蜆嘅湯真係太好飲，兩個人係爭住要飲清香撲鼻清酒煮蜆串燒方面其實我地叫左十串左右，但係淨係勁驚喜果d先有影相。我用自己名聲擔保，呢度個燒安格斯牛柳粒同燒白鱔都係必叫個安格斯牛柳粒真係前所未有咁好食，外表冇乜特別，但係一食落去係好似瀨尿牛丸咁爆晒

其實未知佢黃之前已經好想食呢間小店 但未有機會試 見到佢黃我就更加要幫襯下啦👅真係好隱世個門口係唔太起眼 但係入到去已經成幅牆都係文宣 仲有貼左啲手足抗爭既靚相做一個微型展覽👏🏿間小店位置唔係勁方便 入面唔大 但坐得都好舒服🛋-我同朋友嗌左好多唔同野食 但真係講唔哂唯有精選啲黎講啦 玉子好好食 佢既汁配合得好好 而且燒到軟硬適中影相都勁igable🍳安格斯肉眼夠juicy 而且唔算好細串 仲要入面係半生熟粉粉地色正中我下懷🥩五花腩同大蔥豬肉卷更加係冇得頂我最鍾意個五花腩 咬啖肉擺埋啖飯落口係完美🍖汁燒雞肉都好食但冇咩驚喜雞翼又係好鬼正 皮燒得勁脆同香口 啲肉就好滑🐥羊架燒得啱啱好 雖然有少少細舊不過都好好食🐑-至於海鮮方面 因為間鋪係即日買新鮮海鮮 所以要預早預訂左先 個牛油扇貝真係好正 上菜個陣見到咁大隻都嘩左聲 而且好鮮味 同牛油配合得天衣無縫 但個清酒煮蜆冇咩特別 酒味唔重蜆又細細隻咁👐🏻-最後講埋牛油蔥飯 肥仔飯但好好食呀媽咪牛油撈左落啲飯到好香口 加埋串燒食係勁夾勁好食不過真係好肥好有罪惡感🙎🏻‍♂燒棉花糖就大大粒 影下相就得既但食落好bbq個啲一樣🍡-講真價錢真係唔平 但啲