牛石料理 (Closed)

海膽玉子 ($98)兩樣最愛一齊食！有層層疊效果又有蛋香，海膽份量都慷慨牛石二人和牛會席 ($818兩位)蟹籽沙律有青瓜絲、蟹柳絲、蟹籽等，有粒粒又有絲絲口感，而且非常開胃刺身三款鯖魚上有薑蓉及蔥花，食落冇嗰種獨特魚腥味血鯛油分唔算多，有咬口感三文魚腩脂肪極多，一咬啲魚油必晒出嚟日式炒野菜炒椰菜、紅黃綠椒、洋蔥及木魚花，色彩繽紛牛石燒肉盛合店員先為爐預熱15分鐘，等了又等終於燒得！店員仲俾咗三款醬汁我哋，有Wasabi、黑胡椒汁及燒汁牛舌：厚切，多汁爽口伊藤和牛A4肉眼背峰：脂肪超級多但分佈平均，有雪花效果，但食落一啲都唔膩，肉味超濃伊藤和牛A4西冷：脂肪較纖細，口感柔軟牛小排：脂肪都多，不過冇肉眼背峰咁勁，有咬口感但軟腍鹽燒黑豚腩肥瘦適中，瘦肉及肥肉一層一層咁間開，睇落好肥，但竟然入口一啲都唔覺得膩，非常神奇燒帆立貝 (原價$62)今日餐廳做緊優惠，為每位客人送上一隻燒帆立貝。雖然係送嘅但一啲都唔失禮，肉厚而且新鮮最後每人一粒朱古力糯米糍做甜品，食到飽晒，細細粒啱啱好！

朋友幫忙淘了個體脂磅，去佢屋企拎，順便去食晚飯，佢帶咗我去佢屋企附近食日本嘢，佢話呢間嘅海膽同BBQ比較出名，所以除咗叫了一個牛石二人和牛會席之外，仲叫了一個海膽玉子海膽玉子 $98好喜歡食海膽同玉子燒，兩種加埋一齊都係第一次，一碟有六件，中間有海膽，用紫菜包著，最外面就係玉子，好軟口，先食到玉子嘅鮮甜，之後就有海膽味慢慢地滲出來，估唔到呢兩種食材咁夾牛石二人和牛會席 $818 二位蟹籽沙律有青瓜絲、蟹柳絲、 蟹籽，好青甜，好開胃，不過我就覺得醬汁比較多，如果可以減少又或者分開上也好刺身三款今晚嘅刺身係鯖魚、三文魚腩同血鯛鯖魚上面放有薑茸同蔥花，魚肉實淨又鮮味，入口後魚油香氣瞬間充斥口腔三文魚腩，油脂分部較多，肉質純淨嫩滑，魚油香味濃郁血鯛係春夏季的白身魚，油分唔多，肉質韌度較高，在咀內咬多幾口，更覺鮮甜，咬了一口後，我試了加上海鹽，更好吃，更鮮甜日式炒野菜唔係一般嘅炒蔬菜，除咗椰花、紅椒、黃椒、綠椒，洋蔥之外，仲有好多木魚花响上碟嘅同時，店員亦為接著嘅燒烤作準備，在燒上放上麥飯石先行預熱，仲放上計時器，話要預熱15分鐘牛石燒肉盛合呢個盛合一共有4款，分別有牛舌、日本伊藤和牛A4肉眼背

雖然話就話九龍城最出名既係泰國菜, 但其實唔食泰國菜都仲有好多其他既選擇, 呢間牛石料理就食日式燒肉料理既生勾勾既時令海鮮, 即叫即做刺身, 保證新鮮👍2個人黎食, 揀黎揀去都係想食燒肉多d, 咁啱佢有個牛石二人和牛會席既餐仲有呢個海膽迷必點既海膽系列, 7月至8月先有呢個優惠咋海膽壽司 $38 海膽蒸蛋 $38睇下海膽d 色水幾靚, 冇瘀黑色, 食落鮮甜美味, 海水味不會太重, 而且完全冇腥味架蟹籽沙律用左青瓜絲, 蟹柳絲, 蟹籽撈埋開胃沙律醬, 作為頭盤一流, 食落凍凍地喺夏天可以極速降溫😂而且酸酸甜甜爽脆感覺更加開胃👍刺身3款2切當日時令刺身魚, 師傅揀比你架, 因為佢先知當日邊款係最新鮮最啱食, wasabi 都係自己磨的, 特別清新刺激味蕾😝牛石燒肉盛合(5款各4件)每款牛上面都有塊牌仔寫番自己個名, 等你慢慢感受下唔同級數既和牛係有d 咩分別🤤脂肪分佈平均, 燒起上黎鎖實肉汁, 食落牛香萬分😍Orion 生啤 $32食燒肉咁開心點少得歎番杯日本orion 生啤, 真正透心涼👍鹽燒黑豚腩喺等緊燒d 牛肉既時候, 有一碟黑豚腩係熟食黎, 可以就咁食架😂黑豚腩肉爽滑, 帶點黑椒已