大山日本料理

Open Now

Now Closed

今日同朋友出旺角玩，行到兆萬肚餓，上左黎呢間食（係兆萬對面搭lift上2層），到去坐喺卡位望住出邊繁忙街道非常舒適，叫左個豐富的dinner😆😆現燒火炙薄燒A5和牛壽司 $78🐂🍣🤤：A5和牛真的不要太好食🙈🙈，佢燒到有d位微焦香，佢唔加上大量醬汁都已經極品😍 A5肉質十分嫩軟，入口即化。剛上桌時和牛仲散發著誘人的油花香。入口肉質的鮮嫩和舌尖上融化的感覺簡直是絕妙的享受😍😍 佢仲要好大塊肉，分左好幾次食d肉，可以單獨品嚐😋 然後再搭配上壽司飯、配料同醬汁，味道更加豐富，強推！！！💪🏻💪🏻💪🏻角切魚生飯 $78🐟🍚😍：魚肉新鮮，刺身種類都唔少，有三文魚、劍魚、吞拿魚、八爪魚、希靈魚… 三文魚同劍魚油脂同肉質都幾好，味道齒間留香😆 希靈魚的味道都好似比出面的更為濃一d。飯粒軟糯不易散，醋味合度火炙黑豚肉拉麵 $78🐷🍜😆2塊大大塊幾厚的黑豚叉燒，油脂分配比例好好，肉質口感唔係個d煮到干／老的咁，但同時味道好足👍🏻 湯底正正常常，但個🥚同拉麵都好高質👍🏻 蛋好入味，裡面熟度剛剛好，拉麵彈口唔會焾同時本身有d拉麵本身的味👍🏻牛肉壽喜鍋 $58🐂🫕👍🏻：我好鍾意食壽喜燒，呢間價值合理😆 性價比都

西洋菜南街2W，撳2樓就到，好方便嘅位置。呢度空間好寬敞，環境舒服，服務都好周到。啱哂一班朋友嚟度舒舒服服食飯。⭐️ 牛肉壽喜鍋 $58 壽喜鍋嘅配料真係唔少，有牛肉、豆腐、金菇同埋日本旺菜😗😗。牛肉份量四、五片，再加上壽喜燒醬汁同雞蛋，暖暖地食唔錯🍲🍲。⭐️ 鐵板牛油帶子 $78 呢款帶子真係好大隻，有五大粒🍤！帶子新鮮又有厚度。用牛油同醬汁煎煮，煎得香香嘅，味道好美味😆😆，值得一試。⭐️ 鹽燒厚切牛舌串 (1串) $38 牛舌肉濃郁又爽口滑嫩🥩。配上鹽同黑椒更加突出牛舌嘅鮮味😚😚。⭐️ 免治雞肉棒串 (1串) 日本岩手直送 $38 雞肉棒嘅口感好滑嫩🍢，入口嘅雞肉味道濃郁，有嚼勁。外層微微焦香脆，再配上甜醬油同生雞蛋，口感更加豐富🤠🤠。⭐️ 醬油七味燒左口魚邊壽司 $18 稍微火炙過嘅口魚邊，肥美嘅口感，有甜甜嘅魚油滲出，入口即溶🤓🤓。如果魚邊可以厚身少少，口感會更加豐富，更有嚼勁🙆‍♀️🙆‍♀️。⭐️ 火炙吞拿魚壽司 $16 吞拿魚質量好好🍣，咬落去有口感，鮮味十足，入口有甘味，真係好讚🤩🤩。🍄 總括嚟講食物都好唔錯，仲有每日優惠，好抵食😝😝。如果想搵間居酒屋，同朋友悠閒地食小菜，飲杯嘢，傾下計

餐廳嘅地理位置非常方便，喺正兆萬中心嘅對面，所以間唔中同朋友行街行都肚餓都會嚟食下日本嘢😋😋。而且呢間嘅性價比都幾高，服務都唔錯！一共嗌咗四樣嘢食，食到好飽好飽，買單都只係大約$300🍱三文魚海膽飯 三文魚同海膽食落都非常新鮮和鮮甜，海膽都完全冇腥味！最驚喜嘅係飯底，用嘅應該係日本珍珠米，飯粒非常之飽滿，有口感。雖然成碗飯烹調方法好簡單，但係因為食材新鮮，所以好好味😙😙🐟鰻魚卷 鰻魚卷上面嘅鰻魚肉調味啱啱好，切得比較薄身，醬汁上面嘅芝麻咬落非常香口。鰻魚卷入面有蟹柳、玉子同青瓜，幾者口感味道幾合襯，口感豐富😌🥗黑松露三文魚沙律 三文魚沙律可能就食得多，但係黑松露同三文魚嘅配搭就比較少見啦。黑松露醬緊緊包裹著三文魚刺身粒，黑松露香濃嘅氣味同三文魚鮮甜嘅味道意外地和諧，係幾唔錯嘅創意料理。🍲牛肉壽喜鍋 牛肉鍋嘅份量好大，肉嘅份量都好充足。湯底飲落雖然味道偏淡，但係都算鮮甜。牛肉建議食咗先，因為係熱湯入面浸內阻會變得韌。鍋入面仲有一隻生雞蛋，可以同牛肉一齊食，增加風味！如果隻蛋可以分開上就更好啦🙋🏻‍♀️🙋🏻‍♀️餐廳因為喺2樓所以環境清幽，而且卡位有布簾遮住，私隱度高，適合同朋友聚會👯‍♀️

今日同媽咪去逛街，留意到呢間日料店就上去吃午餐。大山日本料理真係一間寶藏又超好吃的日料店，位置就在旺角西洋菜南街2W-2X號2樓。入來服務員姐姐態度好好，而且店裡面的裝修充滿日式風情，我們隔離的墻掛咗一墻的鯉魚旗🎏，好適合和同學過來吃飯之後順便影幾張靚照片。揀咗牛肉壽喜鍋、黑松露三文魚沙律、黑松露薯條、香草燒雞翼、同鰻魚炒飯。兩個人吃到勁飽。我最鐘意就係牛肉壽喜鍋，裡面的粉色嘚肥牛真係好好味，我媽咪都好鐘意吃。而且呢個牛肉壽喜鍋好抵吃，是個套餐，又湯又飯有甜品。坐斜對面的叔叔都係點呢個套餐，推薦大家試下、不要走寶！仲點佐鰻魚炒飯。鰻魚炒飯真是越吃越好吃，裡面的飯粒粒分明，醬香味十足。最後還吃咗脆脆的黑松露薯條同香香的香草燒雞翼，以及開胃的三文魚沙拉，非常滿足！

今日同friend試左呢間日式和風餐廳，抵食得離都幾高質牛肉壽喜鍋呢款牛肉壽喜鍋份量勁多，無麵底所以應該有大約7成都係牛上枱時係半熟狀態，自己中意食幾熟就煮幾耐～每片牛脂肪比例都岩岩好，其他配料都豐富有蛋、金菇、豆腐、菜etc鐵板牛油帶子呢個價錢有5粒大帶子真係好似人地啲鐵板牛咁啲汁仲係滋滋聲，煎到表面有金黃色，口感軟熟，而且牛油勁入味天婦羅烏冬天婦羅拉麵轉左烏冬，天婦羅同樣係炸到金黃色好脆口，都多種類有2隻蝦、茄子、南瓜同菇，而烏冬就係手打質地唔係食落粉個隻，仲有隻流心蛋😋和風炸雞呢間餐廳啲野食份量都偏多，估計呢碟有6-7大大舊嘅炸雞，食得出係即叫即炸，雞食落唔會話好厚粉，好似落左啲自家製嘅汁，同沙律醬夾埋鹹鹹甜甜咁好惹味

【日式打卡居酒屋🇯🇵】呢間日本餐廳有好多類似既日式野食：各款刺身、壽喜鍋、饅魚飯、串燒、海鮮丼、沙津、deep fried小食，勝左款式多，味道又ok______________________________【環境篇👇👇👇】- 環境唔錯wo，全店吊著一排排燈籠，同貼滿舊式清酒海報- 仲有4人卡位，私隱度更高，落地玻璃對住西洋菜南街______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作我地一行6人，叫左超多野食，試左12款野食，最後人均都係$228咋😆鍋類total叫左3款🇯🇵牛肉壽喜鍋$58👍🇯🇵豚肉泡菜鍋$58👍 (唔辣食得辣既人都受到，仲有金菇娃娃菜小唐菜)🇯🇵野菜鍋$58三款裡面，味道<牛>最好甜甜地，<豬>泡菜味唔夠出但勝左多菜，<野菜>就清湯好似性價比低d但健康啦😝🇯🇵刺身拼盤(松)👍- 佢有3個

餐廳環境光亮，裝潢帶日本風格，座位舒服。餐牌有多款類型既食物可以揀，仲有日本酒添。晚市7點半，已經滿場，好旺。叫左三色魚生飯($88)，鐵板牛油帶子($78)，牛肉壽喜鍋($58)，蒲燒鰻魚串($38)，香草燒雞翼($28)，蟹肉忌廉薯餅($38)，日本梅酒($32)。魚生飯上面既刺身光鮮，厚切後口感豐富。其中三文魚鮮甜，加少少豉油可以提味。仲有厚甜蛋點綴。估唔到d帶子超大粒飽滿，足足有5大粒。牛油味濃郁，帶子鮮甜juicy。仲伴有菇菌，吸哂牛油味。熱辣辣好抵食。壽喜鍋好岩冬天食，牛肉半生熟上枱，熱鍋煮熟牛肉，仲有隻生蛋，令牛肉肉質滑嫩。牛肉量多，大量蔬菜吸左湯底，甜又惹味。鰻魚串蒲燒後燒汁濃烈，魚肉嫩，冇骨，鰻魚皮帶少少焦脆，唔錯。雞翼一串有3隻，骨肉易分開，肉汁鎖住係肉入面，食個陣有陣陣香草味。薯餅有驚喜，忌廉混入薯蓉，好creamy，有蟹鉗拎手，方便食。梅酒冰凍，入口梅子味濃郁，後勁少少酒精味，清爽。整體，食物有質素，而且份量足，上菜速度亦快。入座後，有熱茶提供，用QR code落單，方便快捷。侍應服務有禮，讚。