牛極 (雅怡居)

Open Now

Now Closed

在日本流行的熱石煎牛扒最近在香港也可以吃到了。牛極餐廳充滿日式裝潢，入門口有一部自助下單機，客人可以先買票，後入座，費用已包括任食沙律、白飯及餐湯。主菜牛扒可以選擇不同份量，師傅會將牛燒至一成熟，再放在攝氏300度的火山石上，想吃幾熟，完全自己話事！牛肩肉眼180g - $80這個價錢實在太驚喜，牛肉質軟腍及牛味重，幾乎沒筋，性價比超高！牛枊200g - $120非常厚身，食落啖啖肉，跟扒上的炸蒜一起吃， 更加惹味！

石燒牛排係呢一兩年越開越多，一般比人既感覺都幾貴，但今日竟然俾我發現係深水埗都開左一間，而且價錢唔貴，最平$80有交易，一於擔當試伏器試下有無伏先。一入門口右手邊就會見到有部係日本常見既自助點餐售券機，點選自己喜愛既牛排之後就入錢，最後將單據交俾店員就入座慢慢等食。餐廳走日本風格，門口有大大個紅色燈籠，用餐部分就以紅色為主調，牆身掛有好多日本風既旗幟，播著日本流行音樂，彷彿置身於日本。餐廳採用半自助形式服務，設有自助區供應沙津、白飯、牛肉湯、醬料，檸檬水。餐具亦都擺放左係呢一區，記得食之前係呢度拎定啦。好快食物就送到檯上，滋滋聲既牛排上有一塊用竹籤串起既廚房紙巾防止D油彈落身上。今次我叫左「牛肩肉眼180g」。牛肉上檯時已經燒左一成熟，裡面仍然係生的，客人要自己用石板上既熱力將肉燒到自己喜愛既生熟程度。呢塊牛肩肉眼帶少少脂肪，咬落好嫩同juicy，肉味好濃，以呢個價錢黎講絕對係有驚喜。切成小塊後好快已經熟左，但係牛肉依然好嫩口，一D都唔鞋。自助區供應三款醬料: 自家製燒汁、黃芥末、辛味燒汁。另外每張檯上面都有黑胡椒同岩鹽供應，但係個人覺得唔洗點任何醬都已經好好味。180g對女仔黎講已經

新開日式燒肉店，雖然地址係深水埗，但比較近長沙灣，西九對面間燒牛店，有對手了。門面裝修得好似日式燒肉店，很像古時果間港人愛吃的五十嵐日本餐廳，一入內竟然有種港式茶餐廳嘅感覺！枱枱凳凳都放得好密密麻麻，雖然店內有卡位，但看來都唔太舒適。自助式點餐，需自行到門口右邊的「Vending Machine」購票，揀選燒牛定食和飲品。職員會帶位進座。另外，所有餐具，防彈油圍裙都要自取，還有湯及沙津自助任食。「牛肩肉眼180g $80」上菜時已經有3成熟，自己再根據喜好續燒，而因為石板唔會一直狂燒，有冷卻無火的時候，所以要快手切開厚厚的牛肉，立刻讓肉放在石上燒熟，中。我是相機食先的朋友，就邊切邊燒邊影相啦。牛肩肉眼超厚實，好有視覺上的感受，牛味唔算重，不過就好肉感，肉量比較多，適合食量大的朋友仔。而湯，就是青紅蘿蔔牛肉粒湯，好有鮮味，在白飯灑上紫菜粉，令白米飯更有風味，但欠咸味，純紫菜味。

我和男友也超愛吃牛！聽講深水埗開了這間專吃牛的，當然要過黎試下🤤依間餐廳係長沙灣站出口近d，行2,3分鐘就到。進到餐廳後，裝飾偏向和風。餐廳裹充滿了牛的香味！🤪他是採取自助形式，坐下後自行出去點餐，有不同部位的牛，也可以選擇幾重，幾大件，更可以選和牛！！醬料，飯，湯，沙律也是自助形式，我喜歡食佢ge沙律，配上芝麻醬🤗餐廳很細心，有圍裙提供，就算放工著裇衫黎食都唔怕啦😝主菜黎啦！依塊係牛肩肉眼180g 只需要$80，價錢真係便宜！石板非常之熱❗️大家可以自行燒到想要的程度👏牛柳肉比牛肩肉厚身。切開後裏面仍是紅色，不會太肉，再2邊煎一下便可以食😻切晒一粒粒吃，超香👍石版仍然非常之熱，仍然在出煙😁如果大家覺得調味不足，可以落一些鹽和黑椒， 但個人認為不落才可以吃到牛的原味！🥳因為飯可以任添！所以大家不用怕吃不飽，瘦身的女士也可以吃多一點椰菜沙律😋

朋友推介我去今期嘅潮食熱石牛，佢有兩間分店，今日就去左近深水埗同長沙灣個間，地鐵站a 出口一出行兩分鐘就到，非常方便。一入門就有部自助點餐機，可以按自己要求選擇KG 同部位。入到餐廳環境好有日本東京感覺，座位闊落仲有放手袋籃，服務體貼。我地選擇了牛肩肉眼和牛肋骨排，之後就去了自助吧，拎沙律，麵豉湯和飯。沙律菜很新鮮，配搭柚子汁，十分清新開胃。麵豉湯有昆布豆腐，味道剛剛好，不會太鹹。飯就係日本飯，粒粒分明，質感軟熟，配埋紫菜粉一流，感覺好像到了東京一樣。好啦重點到啦，就係期待已久嘅熱石牛！兩款牛肉都係以超高溫既熱石上枱，熱石上會放上一成熟嘅牛排，大家可以將牛肉切成小塊，按個人喜好加熱。牛肋骨排200g $100骨排夠大份，肉嘅比例都佔得多。非常多肉汁，喺熱石上彈得好勁，肉味十分濃厚，肉質幼嫩。牛肩肉眼180g $80肉扒上有啲乾蒜片作點綴，切開肉扒，裏邊仲係半熟狀況，個人認為可以將肉切小塊後，左右兩邊都加熱一下。牛肩肉眼肉質較牛肋骨嫩口，一樣都係咁juicy，咬落去啲油脂十分香！兩者配合醬汁味道更特出，送飯食一流。餐廳都好細心咁樣喺熱石上鋪上紙巾，以防彈到客人。不過提提大家要著好餐廳提供