粉制良品

Open Now

Now Closed

想試筲箕河粉好耐好耐，但店舖位置同屋企/公司都相距甚遠，所以一直未有機會試尋晚上完堂終於有機會落深水埗買份河粉做宵夜了～～！嗌咗牛腩筲箕河粉同碗仔翅，碗仔翅唔只足料，仲出奇地大碗！！滿滿的火鴨絲、冬菇片同木耳絲，質地偏杰身，食到底都唔會有越來越稀嘅感覺～一碗碗仔翅已經夠填飽細食嘅我😆😆😆 抵呀！牛腩筲箕河上鋪滿爽脆嘅醃菜 配以相對油膩嘅牛筋腩 口感非常好👍👍見到原來都有牛筋表示喜出望外，牛腩份量都唔少（起碼6件），軟硬程度適中，性價比很高～另上的湯汁係河粉嘅精髓，倒入湯汁後河粉沾滿湯汁，滑口得嚟又入味，食到停唔到口！總結：筲箕河粉極之值得Encore! 下次要試試手撕雞河粉～

難得到深水埗當然要把握機會一試區內特色美食，經過「粉制良品」相信不少人都與我一樣，正是被門外的河粉機動模型吸引。小店原來是全港首間即點即蒸手工筲箕河粉店，將陳年梯田糙米石磨成米漿，再用筲箕即蒸即切製成河粉。餐牌以筲箕河粉或撈麵為主，配料包括手撕雞、麻辣豬肚、滷肉等，除了可以雙拼或甚至三拼之外更可再加配青瓜絲、生菜、芫茜、辣菜脯等其他配菜。大腸筲箕河粉 ($34)大腸滷得軟彈入味並不帶絲毫腥羶，另加芫茜($3)、辣菜脯($5)及滷水蛋($8)，寬身河粉掛汁一流，質感爽滑煙韌並富米香。牛腩筲箕河粉 ($36)牛腩蘿蔔($5)清甜無渣與牛腩向來是天作之合，牛筋軟腍但牛腩較瘦，另加辣菜脯($5)更加惹味。