水記

Open Now

Now Closed

食過好多牛腩名店 呢間著名的牛雜當然都要試下 第一次16點幾來全部都賣晒😅第二次14:40來都係賣晒 所以要等到15:15再煮返一煲 好彩冇跑空😌出品真係OK 湯底係可以飲嘅 呢個就已經好難得 牛雜係軟爛嘅 唔腥 腸之類的都係乾淨冇異味 食的出係新鮮貨 價錢在名店之中算好便嘅啦 如果順路真係一定回頭👍🏻

很快眨眼間，幾個月冇去過中環水記了，趁著天氣還未很熱。今日下午三點幾便去到水記，這時已差不多賣晒嘢，原本想叫一個炸雲吞，可惜已賣晒了。唯有只叫了一碗牛雜麵，只需五分鐘便到了枱面。牛雜仍然很新鮮，但今次只了牛膀，而改用了兩片牛沙瓜取替。湯底仍然有芽菜伴著，十分清甜，麵底本身不太焾，分量不會很少。牛雜很夠焾，味道保持到水準今次食完後，相信要過了夏天才會再來啦！整體來說，十分滿足這的味道，唯獨欠缺一嚐這裡的炸雲吞。

上午去到中環，專程去到吉士笠街嘅"水記"。上午時候不會太繁忙，今次想食脆骨和爽腩，可惜脆骨又賣晒了。唯一選擇只有爽腩麵啦！這是第一次才可食到的爽腩麵。"水記"的調味料是只得兩種，一係豉油，另一種係辣椒油。講番起爽腩麵的爽腩，的確很爽，怪不得次次食唔到。麵質依然係爽口彈牙，湯底很甜。跟著再點多一款例牌實叫的牛雜麵。牛雜仍然保持一定的水準，牛大腸及小腸肥膏不會太多，而且干淨和很焾。牛肚是草肚很入味。最喜歡食就係牛肺和牛膀，一碗內各只得一片，口感並不是一般的雪藏的口味，質感很軟滑。配合店裏的辣椒油，美味無窮。今次食完，相信要明年2021再去了。

中環水記在澳洲開到成行成市的越南牛河Pho是越南美食其中一個不可少的美食環節，同等份量的香港代表，我覺得是牛腩河及牛雜河啦。新鮮牛雜河買少見少，全港得十多間，中上環除了水記，還有九記。想起九記，就想起那門口長長的人龍。而水記，正正是滿足了我的想像中對中環綠色排檔的想像，好像地頭蟲先知道的、已歷經幾代人的傳承的撚手美食。中環排檔仍大有人在，但食物質素來說的確有些有形無實。我比較孤陋寡聞，一直都是去到邊食到邊，很少問Google 大神那裡有美食。這一次到水記，是朋友帶我來的，水記也是她回港必吃的新鮮牛雜。或許必吃是一個過度誇張的形容，但她上年及今年回港，也踏足水記，嘗嘗英國少有的潮洲牛雜，大概總有點什麼讓她覺得牛雜代表香港的。縱然她上年來過，但水記夾了在窄窄的卑利士街中，對我這種不懂有效利用google map的人來說，即使地圖在手也未必即時找到。來到這個一眼望完的架步，依稀三四張桌子貼近排檔。不同一般牛雜店的入門口注定難以不向那玻璃窗內的牛雜檔行注目禮，這裡是沒有前門及後門，如果你好奇心不大，坐下落單到吃飽捧肚離開，你都未必見到那牛雜檔的真身。與我最多接觸的就是那年輕的落單哥哥，送上來的

行過見到冇得淨叫炸魚皮咁牙擦， 坐低諗住叫番碗牛雜麵加碟炸魚皮試下咩料先， 點知阿姐話炸魚皮沽清， 心諗有冇咁早賣哂呀， 不過坐低左就照食啦， 師傅兩分鐘攪掂， 快到呢， 趕時間一流。先講牛雜， 牛粉腸good喎， 仲有一件牛沙瓜添， 有驚喜， 牛膀都juicy好味， 牛肺ok, 牛肚霖左少少，冇金錢肚有D失望， 牛大腸都可以， 軟硬適中， 總括黎講牛雜都好滿意， 再講個汁❨湯❩就真係冇得輸， 自己覺得真係好好味， 底麵個人唔太鐘意，食慣爽麵覺得呢度個麵底太霖， 環境冇乜好講， 都係街邊大排檔摺枱摺櫈提提大家， 呢度係冇撈麵食架~

這一日是母校中學的九十週年校慶，畢業接近三十年，對上一次回母校已是十多年前了，所以特地約了幾個老同學回去參觀一下。回去母校之前，當然先要醫一醫肚皮、祭一祭五臟廟。在老同學的指引下，來到了這一檔全港瀕臨絕跡的二十多個鐵皮大牌檔之一的【水記牛雜】。一直以來，只知道附近的士丹利街有【陳泗記】及【盛記】，但完全不知道【水記】；而且，原來【水記】名氣相當大；身為 openrice 的資深會員，實在有點慚愧。位處吉士笠街，嚴格來說，只是威靈頓街及士丹利街盡頭之間的一條小横巷，實在是並不容易發現【水記】的存在。根據朋友介紹，【水記】已有幾十年歷史，一直都是以新鮮牛雜馳名；但所有香港人都知道，由於大陸活牛越來越貴，加上越來越多美國、澳洲、日本，甚至亞根廷等等國家的急凍及冰鮮牛肉進口香港，香港屠房每天屠宰大陸活牛的數目已經越來越少，由1980年代每日屠宰接近600頭，逐年下跌至現時每日只屠宰50、60頭。所以，究竟還有多少新鮮牛雜供應，真是一個大疑問？非常傳統的鐵皮大排檔，連一個正式餐牌都沒有，即使是現今的雲吞粥麵檔最普遍採用的過膠紙餐牌都沒有。所有的食品種類及價錢，就隨意寫在一張大紙上面，並貼在大排檔

睇飲食男女話市面上好多餐廳食肆所用嘅牛雜都係冰鮮牛雜，成本比較平，但係哩間就反而就堅持繼續用成本比較高嘅新鮮牛雜，話要保留味道。睇完之後，令我有個衝動想過尼試下，終於搵到一日係放假唔駛翻學嘅日子過尼食。落車行到過尼已經睇到有位唔駛等，隨即已經有伙記介紹靚位，一坐低就嗌左碗牛沙瓜河同炸雲吞。第一次食牛沙瓜，牛沙瓜即係牛嘅其中一個胃，由於出產量唔多，所以每日只係能夠限量出售幾碗，咁都俾我嗌到算係好彩。望落個樣有啲似豬肚，食落口感好滑，飲落湯底幾清，據說係用左好多牛骨去煲嘅，結果我將成碗湯飲哂，可惜個河粉方面就差左啲，口感好林，感覺上好似煮耐左。炸雲吞，喺麵店尼講比較少見，佢地啲炸雲吞應該唔係用雲吞麵嗰隻雲吞尼炸，皮大塊餡料薄，有少少似酒樓食錦滷雲吞嗰種，只係差左個醬咁話，但整體幾好食。食完個沙瓜河之後，話哂係因新鮮牛雜而出名，所以點都要試下佢地嘅牛雜，即管嗌多碗牛雜麵試試，同時嗌左罐可樂尼沖沖頭先碗沙瓜河嘅味。雜麵送到，首先試試佢個湯味，哩碗個湯味比較濃同油膩，仲有啲黏口，食麵嗰陣直情要食幾啖就飲啖可樂沖淡油膩感。牛雜就非常之滑同爽口，同出面啲牛雜根本冇得比，牛膀咬落有個連繫感而唔係一咬落