Video
Read full review
2016-04-23
1732 views
睇飲食男女話市面上好多餐廳食肆所用嘅牛雜都係冰鮮牛雜，成本比較平，但係哩間就反而就堅持繼續用成本比較高嘅新鮮牛雜，話要保留味道。睇完之後，令我有個衝動想過尼試下，終於搵到一日係放假唔駛翻學嘅日子過尼食。落車行到過尼已經睇到有位唔駛等，隨即已經有伙記介紹靚位，一坐低就嗌左碗牛沙瓜河同炸雲吞。第一次食牛沙瓜，牛沙瓜即係牛嘅其中一個胃，由於出產量唔多，所以每日只係能夠限量出售幾碗，咁都俾我嗌到算係好彩。望落個樣有啲似豬肚，食落口感好滑，飲落湯底幾清，據說係用左好多牛骨去煲嘅，結果我將成碗湯飲哂，可惜個河粉方面就差左啲，口感好林，感覺上好似煮耐左。炸雲吞，喺麵店尼講比較少見，佢地啲炸雲吞應該唔係用雲吞麵嗰隻雲吞尼炸，皮大塊餡料薄，有少少似酒樓食錦滷雲吞嗰種，只係差左個醬咁話，但整體幾好食。食完個沙瓜河之後，話哂係因新鮮牛雜而出名，所以點都要試下佢地嘅牛雜，即管嗌多碗牛雜麵試試，同時嗌左罐可樂尼沖沖頭先碗沙瓜河嘅味。雜麵送到，首先試試佢個湯味，哩碗個湯味比較濃同油膩，仲有啲黏口，食麵嗰陣直情要食幾啖就飲啖可樂沖淡油膩感。牛雜就非常之滑同爽口，同出面啲牛雜根本冇得比，牛膀咬落有個連繫感而唔係一咬落
睇完之後，令我有個衝動想過尼試下，終於搵到一日係放假唔駛翻學嘅日子過尼食。
落車行到過尼已經睇到有位唔駛等，隨即已經有伙記介紹靚位，一坐低就嗌左碗牛沙瓜河同炸雲吞。
第一次食牛沙瓜，牛沙瓜即係牛嘅其中一個胃，由於出產量唔多，所以每日只係能夠限量出售幾碗，咁都俾我嗌到算係好彩。望落個樣有啲似豬肚，食落口感好滑，飲落湯底幾清，據說係用左好多牛骨去煲嘅，結果我將成碗湯飲哂，可惜個河粉方面就差左啲，口感好林，感覺上好似煮耐左。
炸雲吞，喺麵店尼講比較少見，佢地啲炸雲吞應該唔係用雲吞麵嗰隻雲吞尼炸，皮大塊餡料薄，有少少似酒樓食錦滷雲吞嗰種，只係差左個醬咁話，但整體幾好食。
食完個沙瓜河之後，話哂係因新鮮牛雜而出名，所以點都要試下佢地嘅牛雜，即管嗌多碗牛雜麵試試，同時嗌左罐可樂尼沖沖頭先碗沙瓜河嘅味。
雜麵送到，首先試試佢個湯味，哩碗個湯味比較濃同油膩，仲有啲黏口，食麵嗰陣直情要食幾啖就飲啖可樂沖淡油膩感。牛雜就非常之滑同爽口，同出面啲牛雜根本冇得比，牛膀咬落有個連繫感而唔係一咬落去就變粉，牛肺好爽口彈牙最緊要係唔硬，牛肚同腸就好林易入口，牛腸嘅脂肪亦唔多。麵嘅感覺就同頭先碗河粉差唔多，都係林左少少，同埋鹼水味較為重。
食緊嗰陣聽到老闆同個客講伍地唔賣林嘅牛腩，話明係爽腩就一定係爽嘅，只可以揀啲冇咁爽嘅俾佢。食完雜麵之後本身心郁郁想試埋牛腩，可惜腸胃空間有限，唯有留翻下次再尼試。
總結尼講哩間平民老字號，係值得推介嘅，而尼得嘅人要有個心理準備係要沿住斜坡坐尼食嘅，同埋身邊會有好多人走過。
牛沙瓜河 & 炸雲吞
$54
158 views
0 likes
0 comments
牛雜麵
$32
116 views
0 likes
0 comments
Post
