Video
Read full review
2023-02-10
1252 views
因為銅鑼灣時代廣埸做緊優惠券，每消費滿$200即可用一張$100美食優惠券(加一服務費不計算在內)，變相係半價咁制，超級抵食！而且午市仲有套餐，仲加抵食，但未開門就好多人排隊，要食趁早去。六日晚飯去都幾多人食，等左15分鐘左右先入得，食物種類好多，有剌身、壽司、串燒、鍋物、飯麵類，即使同行有人唔食生冷野都總會揀到野食。~~~~~~~~~~~~~~晚市~~~~~~~~~~~~~~~特上刺身拼盤 $588★★★★☆九款刺身有三文魚、拖羅、油甘魚、帶子、甜蝦、魚子同埋三款魚刺身，最有驚喜係三款魚刺身，本身我唔太食其他魚刺身嘅係香港，因為好多時都會中伏好腥，但三款一啲都唔腥，仲要幾鮮甜，刺身盤附帶一個柚子醬汁，食落帶少少酸幾清新；帶子都大粒同埋清甜；油甘魚食落都幾肥美，食得出個甘香味；三文魚都唔錯幾肥美；甜蝦算鮮甜同埋大隻，蝦頭有膏，個肉質帶小小爽同腍口；拖羅反而一般啦，唔算太有味，唔太肥美；魚子有小小腥一般般。成個刺身拼盤整體黎講都幾唔錯，重點係夠新鮮，每一件刺身都唔會話好細件或者薄切。蔥吞食魚腩米紙卷 $128 ★★★★☆一碟有成十小件，呢個食落都幾特別，滿滿吞食魚腩加左蔥同埋帶少少辣嘅蒜
因為銅鑼灣時代廣埸做緊優惠券，每消費滿$200即可用一張$100美食優惠券(加一服務費不計算在內)，變相係半價咁制，超級抵食！而且午市仲有套餐，仲加抵食，但未開門就好多人排隊，要食趁早去。六日晚飯去都幾多人食，等左15分鐘左右先入得，食物種類好多，有剌身、壽司、串燒、鍋物、飯麵類，即使同行有人唔食生冷野都總會揀到野食。~~~~~~~~~~~~~~晚市~~~~~~~~~~~~~~~
特上刺身拼盤
$588
28 views
1 likes
0 comments
★★★★☆
九款刺身有三文魚、拖羅、油甘魚、帶子、甜蝦、魚子同埋三款魚刺身，最有驚喜係三款魚刺身，本身我唔太食其他魚刺身嘅係香港，因為好多時都會中伏好腥，但三款一啲都唔腥，仲要幾鮮甜，刺身盤附帶一個柚子醬汁，食落帶少少酸幾清新；帶子都大粒同埋清甜；油甘魚食落都幾肥美，食得出個甘香味；三文魚都唔錯幾肥美；甜蝦算鮮甜同埋大隻，蝦頭有膏，個肉質帶小小爽同腍口；拖羅反而一般啦，唔算太有味，唔太肥美；魚子有小小腥一般般。成個刺身拼盤整體黎講都幾唔錯，重點係夠新鮮，每一件刺身都唔會話好細件或者薄切。
蔥吞拿魚腩米紙卷
$128
28 views
0 likes
0 comments
★★★★☆
一碟有成十小件，呢個食落都幾特別，滿滿吞食魚腩加左蔥同埋帶少少辣嘅蒜汁，好豐富，佢較特別係用左米紙卷包裹住，咬落口有小小煙韌口感，有驚喜。即使唔加鼓油都夠味道。
牛脷鹽燒
$68
21 views
0 likes
0 comments
★★★☆☆
呢2串串燒反而麻麻，性價比較低，唔係難食但係未去到俾呢個價錢食。雞皮脆口香口唔會話好乾身；鹽燒牛脷個味道夠，但係偏燒得老左，幾韌口下，都需要咬耐下先得。呢個價錢不如直接去日式居酒屋會更加有風味同抵。
鰻魚蒲燒石窩飯
$178
31 views
0 likes
0 comments
鰻魚蒲燒石窩飯
$178
22 views
1 likes
0 comments
★★★★☆
鰻魚切開兩大舊，又長之餘仲要夠哂厚肉，醬汁又夠味，冇骨。但如果可以再多啲鰻魚汁會更好，因為唔太夠撈個飯。用左石頭窩黎整個鍋飯，中後段會有飯焦，食落更加香口惹味！個鰻魚份量食到成個飯食完都足夠，算係抵食，食落係啖啖肉！
~~~~~~~~~~~~~~午市~~~~~~~~~~~~~~~
特上刺身御膳
$368
18 views
0 likes
0 comments
★★★★☆
午市套餐包左沙律、前菜、甜品，額外仲有唔同小菜、飯等跟埋。呢個有齊味噌湯、海鮮茶碗蒸、漬物、飯，另外可以叫佢地白飯轉做壽司飯，跟刺身食就唔會咁怪。呢個個份量會比起晚市食嘅少D，晚市刺身每款都會有兩塊，呢個某啲例如牡丹蝦、帶子就會得一件，但價錢上都好明顯平左一折。魚嘅刺身都幾新鮮，係三文魚同吞拿魚唔夠肥美，冇咩魚味，另外一點，今次食啲刺身太凍，唔知關唔關岩岩開店事。
壽司天婦羅麵
$268
38 views
0 likes
0 comments
壽司天婦羅麵
$268
39 views
0 likes
0 comments
★★★★☆
呢個都係午市套餐，一個套餐有齊壽司、湯麵(可選烏冬或蕎麥麵)，仲有天婦羅，好豐盛，啱哂想食壽司但又想食小小熱野黎暖胃嘅人！佢另外仲有一款係刺身黎取代壽司。先講壽司，中規中矩，但欣賞佢個壽司飯夠細同握得實，食落有壽司飯但更多係上面個塊主角。甜蝦同埋魷魚夠爽口，其他普通冇咩太大記憶點。天婦羅即整夠熱又脆口，但個炸漿唔會太厚，2件蝦係熟蝦，都唔錯，其餘都係蔬果類，例如芋頭、粟米芯、茄子、南瓜。最一般係個烏冬，用左麵豉湯底但有啲過咸，個烏冬係一般最普通嘅烏冬，唔係真打或者冷藏個啲，口感、質感都會爭啲。但整體都好抵食咁多款野，仲要有埋前菜、沙律。
🌟總括：剌身同壽司都幾唔錯，夠哂新鮮，擺盤亦放得好靚，值得叫。石窩飯就中上表現啦，但串燒唔太建議叫，唔算特別出色但價錢偏貴。而家用埋現金券等於半價，呢個質素超級抵食兼超值，順帶一提，商場現金券每次只可以用5張！中午食就會好抵，但晚市就會再多啲選擇。
Post
