富士山55 (拉麵沾麵專門店) (Closed)

間舖頭雖然離地鐵站有一段距離，但係都唔太難搵。之前試過佢哋尖沙咀嘅分店，今次咁啱喺銅鑼灣附近，試一試呢一間嘅水準係咪一樣咁高啦。店舖面積唔大，不過都幾企理。拉麵可以揀走蔥、走芽菜、走椰菜、走蒜頭，麵嘅硬度有硬、中、軟三種。間舖好貼心咁，有poster教大家正宗嘅沾麵食法。特濃豚骨沾麵，湯同埋麵分開上，麵條夠曬彈牙，掛湯能力不俗，叉燒食落口亦唔覺太肥，半熟蛋做到流心嘅效果，只係味道唔夠濃，不過啲筍就唔太爽脆，整體而言，喺香港嚟講水準係唔錯。

好耐無去富士55食沾麵，因為宜家沾麵有太多選擇，除非令我念念不忘，否則，都想試多啲唔同嘅沾麵。今日下午經過銅鑼灣，好肚餓，想起富士55嘅沾麵，好，就重温一下，睇下水準仲喺咪度。平日嘅五點幾，店內空無一人。記得好耐之前係用鐵兜仔上沾麵汁，湯汁一凍就可以用枱面上嘅IH電磁爐加熱啲湯，當時呢個翻熱嘅舉動，係好創新好有特色的噱頭。而今日，轉左用石鍋！我唔知我無加芝士雜坎關唔關事🧐，不過，用石鍋確實更能保持湯汁嘅熱度！湯汁喺燒滾左嘅石鍋內，滾熱到起泡！超正！富士果然依舊無令我失望！沾麵汁好濃，麵條揀了軟麵，而真係做得到”軟”麵。合我心意！叉燒可以燒得多一啲溏心蛋都ok雞軟骨棒都好好味！要試可惜無影close up相😛一個人的超豐富下午茶+early dinner，好滿足！服務方面，唔知係咪因為未到晚市又無乜客，服務員喺度用電話，傾計，都唔太attentive，無乜理客人。所以，3分。

突然想食沾麵...腦海中只諗起香港邊幾間沾麵好食，呢間絕對係其中之一間！每次食都要加麵底200g粗拉麵好好食湯頭真係無得輸，唔會好似漿糊咁結同埋呢到最好既就係每個位都有一個迷你電磁爐俾你加熱番個湯，唔會因爲d麵係凍，而影響到個湯越食越凍

^以拉麵店來說可選擇的種類算不少。^日本啤酒原來是Sapporo 。^湯裏有非常多的櫻花蝦，喝起來卻無鮮味。放大量櫻花蝦不等於「足料」、湯有蝦味。如湯底熬得好，不需要放這麼多蝦在表面也會有鮮味，湯頭一般之餘，令口感變差好像嚼沙。^湯一開始已經是暖而不是熱的，吃幾口湯就變冷。^特濃湯底較濃稠，沒有太多豬骨味，特別的咸。^兩款麵配料一樣有兩塊叉燒、半熟蛋、荀和蔥。櫻花蝦沾麵會多附一小塊青檸。麵的份量比其他沾麵店少很多，完全不夠吃！建議普通男士食量也需要另加100g麵底。^麵的掛湯能力普通，叉燒質素一般，質感很老。不過富士山55的好處是能讓客人翻熱沾麵的湯（右上角可看到黑色的爐），對沾麵湯底容易變冷這一缺點發揮了很大作用。^如吃光沾麵後還有湯剩，可以加20元加芝士飯，即是用我們自己的湯底加飯去煮。最後灑上芝士粉，有點像燉飯risotto 。^不知道是不是櫻花蝦湯底顏色偏粉，做成芝士飯後有點像嘔吐物，外表不太吸引，而且芝士略嫌有點多餘，可有可無，和湯底味道本身也不太夾。要不是沒有加麵底還有點餓，不推薦加點芝士雜坎。總共224元，同樣價錢絕對有更好的選擇。

懷念日本的沾麵，所以和朋友在下班後趕到銅鑼灣的沾麵專門店Fujiyama55，希望可以在忙碌的星期一輕鬆一下～餐牌上有多款小食、拉麵及沾麵等，我們就當然選了兩款沾麵：櫻蝦沾麵、特濃豚骨沾麵及煎餃子，還有店內推介的鮮帶子黑松露蟹籽拌麵。櫻蝦沾麵：本來以為櫻花蝦的分量不會太多，但一上菜朋友看到滿滿的櫻花蝦都說了句：「估唔到真係咁多 」。當然賣相好，味道都很重要～麵條可以選硬、中等及軟身，我們選了中等，麵條十分彈牙。湯不太油，有極濃的蝦味，一點也未有偷工減料 。餃子外皮香口，不會太焦～特濃豚骨沾麵：湯比一般店家的濃，同樣亦不太油，配上麵條挺清爽。麵條上的叉燒不厚，但肥瘦適中，多吃幾塊也不覺膩。溏心蛋入味，令整道沾麵生色不少～沾麵的湯汁易冷，大家可以放在枱中的電磁爐加熱1分鐘。吃完沾麵，店家提議可以用湯汁加上芝士飯造成芝士雜坎，我們便選了蝦湯底～圖片可見，這碗芝士飯太引人犯罪了～ 香口的蝦湯加上mozzarella cheese、車打芝士和白飯，拉出完美的芝士拉絲，簡直是色香味俱全～終於到了店家推薦的鮮帶子黑松露蟹籽拌麵啦～每一口的拉麵都沾到黑松露醬，店家一點都不吝嗇。配上溏心蛋、帶子及蟹

經常食日本野既我已經有好一段時間無食過沾麵，實在忍唔住，要食一次，於是就嚟左呢度。知道呢間餐廳尖沙咀都有分店，不過今日銅鑼灣食比較就腳。餐廳唔算好大，同好多拉麵餐廳一樣，都係主打拉麵。不過對於拉麵，自己特別鐘意食沾麵，鐘意將麵放到湯食既感覺。特濃豚骨沾麵上枱既時候有一個金屬碗載住特濃豚骨湯，另一個碗載有拉麵，日式叉燒同埋半熟蛋。將麵和其他材料放到特濃豚骨湯中撈勻，我覺得咁樣既食法更能夠完全品嚐到湯真正既味道，最原汁原味。雖然選左特濃豚骨湯，但就覺得呢個濃道幾岩自己。食完沾麵之後我再加一個日式芝士雜坎。每張枱上面都會有一個電磁爐，將載有特濃豚骨湯既金屬碗放到電磁爐加熱，然後再將飯同芝士放入去一齊煮。看似好簡單既步驟，原來都需要技術，因為飯同湯既份量要控得好好，湯太多飯太少會變得無味，湯太少飯太多就會煮燶。所以呢個過程店員都會好貼心幫客人處理。煮出嚟既飯黏黏地，拿起會見到拉絲。因為飯吸收左湯既精華，所以飯都變得深色，入口味道香濃同埋都幾漏，細細個飯已經好飽。呢個一麵兩食都幾特別，而且一般餐廳都唔會係枱度準備電磁爐去將湯加熱，所以嚟到呢度真係值得試下。

一直都很想試試沾麵，但朋友一直未有時間陪同這天終於找到時間來一試這款特式的日本料理店舖位置中央圖書館附近，不太難找但離地鐵站有點距離店舖內籠很細，大約只能容納20人左右十足日本的小型居酒屋很有日式風味本來很想一試濃郁豬骨味的沾麵但一見到可以自選辣度的辛辣沾麵忍不住還是點了最愛的激辛除了辣度，就連麵的硬度以至各式配料也可以任意添減可以配搭出適合自己的口味牆上貼張了海報教授沾麵的正確食法本來跟朋友想食完沾麵後再加上芝士飯但想不到各自食完一碗沾麵加一碟小食後已極度飽肚只好留待下次再試了沾麵分為兩碗一碗是麵條加糖心蛋及日式叉燒另一碗是濃湯橙紅色那碗便是我的激辛濃湯看到已食指大動按照海報的方法把麵條放進濃湯，沾滿濃湯後食用一吃進口感覺有少少辣，又甜甜地味道濃郁惹味但持續進食，辣味便不斷湧出甜甜辣辣的滋味令人欲罷不能食完後嘴唇有少些麻痺感但又食嚐到沾麵的滋味而不會全被辣味覆蓋好辣者絕對會一試愛上這款小食實在超級低食$28有2枝雞軟骨棒雞軟骨棒的份量超大而且也可以自選口味和朋友都是芝士控當然要選燒芝士味雞軟骨燒得軟腍散發濃郁芝士香絕對是激超值之選

相信一生人總會經歷幾次中伏，比如朋友介紹心水餐廳，等左成個鐘，食完之後至知中伏，呢種灰到震的感覺相信好多人都体驗過。我個人不太好食沾麵，由於曾幾何時朋友介紹一間沾麵店，點知食過後，結果晚上喝了一大支水。但店內的食客唔多又擔心唔好食=.=|||。今次朋友極力介紹這間拉麵店給我，我相信這位朋友的口味，他無論食野同食女都係要求極高，當然，其中經歷灰到爆同挫敗的感覺也比其他人多同深。不過朋友强力推薦，總要試試把。富士山55位置不算位於大街，但門口至少有7對情侶正在等食。就知道這間餐廳一定好出名。但等45分鐘就真是見仁見智，其間有個面掛笑容的老伯出來安排食客入坐。入座後老伯伯幫忙把我背包厚外套掛在牆上。點了特級豚骨沾麵，餃子，同辛辣味的豚骨沾麵，沾麵到桌後，先喝一口湯，湯的鹹味恰到好處，至少沒有添加太多增味精，口中豚骨味幾重。我點了粗麵，因為粗麵瑞上枱時是冷的和無味。故此要花點時間把麵泡暖和「吸湯」，同時，沾麵湯底較易冷下來。所以食到一半要麻煩待應幫忙翻熱一下。朋友點了一個辛辣豚骨湯底，其實蠻辣，最後，朋友還點了一個日式芝士雜炊。食後真心覺得把飯配芝士再加湯底才是這晚的主菜。這一間的沾麵店在我心

午飯時間約了在銅鑼灣工作的好友午膳，試了一間日式沾麵店「富士山55」。小小的店子，內裏約有二十多個座位，十來個是四人餐枱，另有約十個向牆的高枱位。店內裝潢清簡，灰色水泥牆襯上木地板，最搶眼的裝飾應是天花一個個橙色大燈籠。作為一間沾麵店，美食當然以沾麵為主，但為了增加食客的選擇，亦有拉麵撈麵等供應。一如其他拉麵小店，食客需直接用點餐紙點餐，各式不同的選項如麵質軟硬度、加餸走青、加麵等等皆可自由選擇。相比傳統拉麵湯麵，沾麵的優勝之處在於湯與麵分開送上，吃時才把麵條沾湯，以確保麵質由始至終皆保持相同軟硬度，不受湯浸影響。但同一時間，湯頭經過來來回回的沾點動作，熱力容易散失，有見及此，餐廳特意於每枱安裝了一個電磁爐，可供食客於有需要時自行加熱湯底，以保食味質素，安排細心。 是日點了一客特濃豚骨沾麵，另追加多兩片叉燒及紫菜。好友則要了櫻蝦沾麵，同樣加了兩片叉燒、紫菜及黑木耳。特濃豚骨沾麵是名古屋口味，輕唊一口湯頭，食味確是十分濃郁，加上其厚稠的質感，單純品嚐湯品實在有點鹹及過濃。不過，用上沾麵蘸點吃，味道則平和了很多。沾麵要了標準硬度，成品口感仍見煙韌，合適個人口味。餸料方面，叉燒賣相雖比較肥身

本來沾麵唔係我杯茶，不過一直話想試下，就約一齊去叫咗招牌嘅「特濃豚骨沾麵」，雖然叫特濃～不過湯底冇想像中咁重味～有少少失望麵味道不錯，可以自選粗幼軟硬，滿個性化，雖然份量相當少總結嚟講～尚算合格，價錢唔貴都係吸引之處