CHI Tachinomi (屯門市廣場) (Closed)

有時夜晚唔想食得咁飽 而居酒屋就係一個好選擇 唔單止可以嗌多幾樣想食嘅串燒 更加可以同frd吹水飲野 呢間屯門嘅居酒屋入店之後仲要落樓梯 好似入緊地下室咁！雖然地方細細 但係坐落氛圍都算幾好 而且呢度嘅野食全部都好大份 配上價錢真係性價比超高！🍲土手燒💰38土手燒係大阪牛根煮 其實就係味增牛筋 牛筋連住軟嫩嘅牛肉特別鬆軟 入口即融！味增味好突出 整體會係甜甜地的！雖然佢碗細細但係份量超多！每一舊都好大塊而且塊塊都可以直接食 超級推薦！🐟燒鯖魚💰48原本以為燒鯖魚會係同出面一樣咁一整塊乾身 淨係得鹽味 但係原來呢度嘅鯖魚已經幫我地切開曬 又攞味增醃過 所以會係甜甜地嘅醬油味！整體鯖魚唔會乾 所以食落口感都keep住嫩嫩的～🍳玉子燒💰28呢度嘅玉子燒我真係超級推薦！表面燒得焦黑 味道有D似焦糖布甸嘅焦糖化效果😍而且層次分明 唔會過分甜膩 反而有雞蛋原始嘅清香 啱啱燒出來所以食落都係好熱 完全唔會覺得係被糖浸過嘅感覺！似蛋糕！🥩鹽燒牛舌💰48牛舌都好大舊 每塊調味都剛好 而且韌勁十足 果然牛舌係最唔會出錯嘅串燒單品！🍗燒雞腎💰38雞腎係嗰日嘅特別推介 係店員講我地先知 menu冇㗎！而雞腎咬

想食牛肉飯之選～之前呢到無set令我番食意欲不大，岩岩行過見到，即刻試試！大阪牛肉飯set（68$）佢呢到既牛肉比吉xx既高汁好多，牛肉份量更加逼爆成個碗面！雖然細碗d，但佢包埋一款串燒同一杯野飲，串燒揀左玉子燒，兩大舊玉子燒，甜甜地，十分開胃。

約咗好耐終於約到幾位同事一齊食晚飯因為多同事住屯門，好日唔去一次嘅我終於踏足屯門食好西其中一個同事係呢間餐廳嘅常客，佢話呢度嘅食物十分有水準，見佢咁推薦我地就嚟試吓太耐冇嚟屯門，認真唔識路，好彩有同事帶路喺屯門市中心搵到百老匯，向衞訊方向一直行，出咗商場之後就見到佢喇！餐廳環境都幾舒服，除咗會播日文歌，呢度嘅燈光真係太適合講心事/公事(是非)喇，都幾有日本居酒屋嘅感覺8點開始就多人喇，好彩我地7點幾到～因為呢餐飯約咗好耐所以我哋都留咗肚嚟呢度大食特食，我哋決定嗌3個套餐，再加點串燒作為開胃小菜，胡麻蕃茄真係冇得輸。一碟有5-6件，涼涼地都幾fresh吓秋葵同香菇燒得啱啱好唔會過熟，好juicy! 秋葵就清啲，菇就比較濃味同食到燒烤香味。前面嗰一碟係燒鱈魚干，係我哋貪得意點嚟試吓嘅，又幾好食喎食落脆脆地好似餅乾，有少少魚味，重點係$28咁大碟真係好抵食！我地分別叫咗牛肉飯同鰻魚飯。牛肉同吉X家嗰啲廉價肥牛唔同，係用燒肉汁，肉都食得出係靚野，唔係得脂肪嘅肉。平時因為我要管理體重所以比較少食澱粉質，我忍唔住食晒成碗飯 同事都話鰻魚飯好高質，鰻魚肥而不膩，又唔會過鹹呢個係我哋加點嘅鮑魚，調味我

難得今日平日放假 而且中意食好西既我 緊係要去試下隱世美食啦😋😋😋😋哩間串燒店真係好隱世 首先係大西北 屯門😂而且仲要係商場既出面地鋪😶一唔留神就會錯過架啦💁🏻‍♂️由於我愛食串燒，所以一坐低就點左幾款美味串燒喇😋第一款 鹽燒牛舌（$48/份，跟午餐可加$22）就咁睇個賣相已經好吸引，燒到金黃色既外皮 少少燶邊🤩一咬落口 鹽既咸味加上牛既肉汁令成個味道更突出😻😻😻第二碟叫左 玉子燒（$28/份）表面既燒燶就好似焦糖布甸咁靚👍🏻👍🏻👍🏻濃濃既蛋味，玉子愛好者必食推介😍😍😍蜜糖西班牙午餐肉（$38/份）哩個午餐肉真係不得了，睇落同普通午餐肉冇乜分別，但一咬落口即刻嘩一聲！原來午餐肉加蜜糖可以咁好味，仲要係超級厚切😂特盛鰻魚飯加芝士 （$138+$15）鰻魚份量十足，配埋醬汁令成個飯升左個等級🥰香菇（$28/份）

大商場有良心靚裝日本店係屯門人嘅幸福啊！（非屯牛唔好在Aeon 落電梯啊，好似行唔到去）今次兩人食晚餐，入到去就聞到串燒香氣，令人真係更加有食慾。我地嗌左一個dinner set, 有前菜揀咗磯煮飽魚、串燒香菇同埋玉子燒、午餐肉燒、仲有大阪牛肉飯、同埋飲品（揀乂咗玄米茶，期間吹左好多水，店員都好樂意同快手幫我地加水加茶。另外我地亦散點咗芝士年糕燒、鱈魚燒、燒牛舌、手羽燒、燒生蠔❤️、梅酒。埋單$550，雖然上菜極快，但大部份菜式都細心燒烤、調味，其實真係超好食。可惜係牛舌好香，但好韌，幾乎咬唔開啊🥺。我地都勁鍾意磯煮飽魚（大推！！）、午餐肉燒（勁厚、juicy、賣相超吸引，點解會燒得咁好味！）、鱈魚燒（好鬆化，食到停唔到口嘅魚咸香）、燒生蠔（creamy!)、芝士年糕燒（超正！！！）、大阪牛肉飯好大碗，牛肉勁多，炆/煮得入味同好淋。好值得再黎支持下呀！咁方便，坐得舒服，唔好錯過。真心。

中環有分店既日式居酒屋，開到黎屯門啦！決定要去試一試🤪平日午市暫時唔多人，唔洗等位，用手機掃QR code落單，好方便👏🏻午市定食🍱每款定食都會包一個主食+小食+飲品都幾多選擇，小食簡玉子燒同雞肉丸唔洗加錢😎《大阪牛肉飯》$68 另加一今次試左牛肉飯，配玉子燒，再飲杯凍麥茶牛肉飯係有牛肉帶牛筋，夠淋幾好食，加埋汁，送飯一流呀😋玉子燒黎到熱辣辣，外脆內軟！環境舒服，店員服務唔錯 加分👍🏻下次有機會可以試埋鰻魚飯😆

屯門終於有間好食嘅串燒店，老老實實食勻屯門嘅串燒店，佢最好食，價錢又ok, 最鐘意佢個厚切蜜糖午餐肉，其實餐牌上的串燒也比我全部叫了，其實佢選擇唔多，而款款都係$25-$39左右，所以我每樣都叫來試，結論；呢間超鐘意👍🏼。蜜糖燒午餐肉；厚切午餐肉加蜜糖原來可以咁好味😋P.S. 呢間另一店在中環碼頭，牛肉飯出名。之前都好想去，但一直冇去，而家居然開入屯門，真方便我，今次冇試牛肉飯，下次再去試吓先。 呢個餐牌，已經是佢所有嘅串燒總類：