A.T.A.S

Open Now

Now Closed

✧ 鹹蛋骨（$128）一擺上枱已經聞到好香濃既咸蛋黃味賣相好靚 每一件排骨都掛上好多蛋黃排骨好多肉汁調味適中而炸漿薄而脆配上咸香既蛋黃岩岩好超鐘意鹹蛋黃嗰種沙感呢碟估計起碼5隻鹹蛋黃！✧ 大蝦叻沙（$138）大大碗而且好足料湯底有好香既椰汁同參巴醬既味道味道偏辣勁惹味👌🏻🔥配菜有兩隻大蝦、青口、魚蛋、魚片同豆卜海鮮好新鮮肉質爽彈鮮甜麵底係摻摻兩款麵mix埋油麵好彈牙、米粉吸晒d湯汁好入味✧ 咖椰爆醬（$68）極邪惡😈kaya overloadddddd！一份有三塊麵包好足料🍞兩層分別夾住鮮牛油、咖咉同朱古力醬而啲嘢醬好特別係有香橙味麵包烘得好脆 配上軟滑既牛油同濃濃嘅美祿粉入口滿足感爆棚！✧ 美祿爆炸（$58）知唔知點解叫爆炸😂睇到片尾有彩蛋係升級版嘅美祿恐龍，有好多美祿粉之外，仲有埋夾心餅同埋波波✧ 玫瑰露恐龍（$48）好濃郁嘅玫瑰香味Topping有好多美祿粉底就有啲花奶第一次飲到呢個combination 幾有創意

今日約左朋友出銅鑼灣，揀左le間主打新加坡菜既人氣餐廳。餐廳位置方便🚉份量十足，大推！🌟 #奶油麥片老虎蝦朋友每次食新加坡菜都必叫既麥片老虎蝦🦐，炸得十分酥脆而且好大隻，脆到可以連殼一齊食哂，仲超有心機咁剪唒蝦頭内臟，加分！🌟 #咖啡骨☕️金沙骨肥瘦均勻，帶焦香甘甜既醬汁，充滿濃郁咖啡香氣，意外地同金沙骨既油香配搭，咖啡控一定要試下！🌟 #月亮河粉🌕河粉醬汁帶微甜而且好香，配料非常豐富，除咗有各樣嘅海鮮外仲有臘腸同魚蛋，加埋蛋黃每一啖河粉都好入味滑溜，大滿足🤤🌟 #美祿爆炸見到真身就明點解要叫爆炸，因為真係好足料🧋滿到瀉既美祿粉同波波，超邪惡😈🌟 #玫瑰露恐龍帶玫瑰香氣既美碌，濃厚得黎帶點點清新🌹

A.T.A.S (銅鑼灣)📍銅鑼灣邊寧頓街9-11號登龍閣地下C2號舖呢間星加坡過江龍食過好幾次，但次次都冇乜影相所以今次先第一次post😛 🤍ATAS 意思係 “ A Taste Above Shiok”, 即係好「爽」 嘅意思，佢哋係主打娘惹地道菜式，有好幾款好大機會出邊都可能未必有得食！我哋揀咗兩碗麵，兩杯飲品同埋一個小食 😇👩‍🍳 辣椒板麵 $88板麵質地同刀削麵幾相似，比較厚身同煙韌！主要調味係由香菇魚仔黑醬油配溫泉蛋嘅乾撈麵。香菇味比較濃，黑醬油亦都幾惹味！麵嘅份量比較多，如果想叫埋小食嘅話，就要預返個肚啦😛👩‍🍳 炸魚片米粉 $98奶白色嘅魚湯帶有微微薑味，清清地我都飲咗好多😜 炸魚片唔係一般傳統港式魚片，而係炸魚柳！另外有白菜伴碟，分量充足！湯底係粉麵嘅靈魂，湯底好成碗麵都好👍🏻👍🏻👩‍🍳 囉喏 $58Rojak 當地意思係「大雜燴」，由多種蔬果、炸物、同埋醬料混合而成嘅一種沙律！配料包括有蘋果、菠蘿、青瓜、沙葛、油炸鬼同埋炸豆卜，淋上酸甜微辣嘅醬汁，成個組合充滿着清新香脆口感，口味偏甜，味道好獨特！🥤美祿爆炸 $58必叫飲品之一！creamy 濃郁嘅美祿上有cerea

✨銅鑼灣食新加坡菜✨.最近晚上去到一間專食星馬湯麵嘅餐廳食晚餐🥣餐廳裝修簡約，有兩張半圓梳化位以俾我地打卡，幾有cafe feel(✿´༥`✿).▫️炸魚片米粉 $98湯底幾有鮮味，飲落幾濃郁，炸魚片幾香脆，份量都算多💕另外仲有蕃茄、紫菜做配菜.▫️Not nor mee $108一個好有特色嘅滷麵，麵好掛汁，餸亦好豐富，有腩肉，劣魚，蛋同兩件炸魚肉🐟不過可能我口味都比較清淡，呢碗麵嘅汁亦勁多，雖然啲汁係香但略嫌鹹咗少少🙈.▫️咖椰爆漿 $68多士表面有大量可可粉，中間夾雜住厚牛油，花生醬同咖央醬，仲有我最愛嘅nutella😻🤎男朋友覺得膩，但我就好鍾意，一口氣食咗4粒(◍˃̶ᗜ˂̶◍)btw個多士脆身少少會再正啲.▫️薑汁奶茶 $28好濃薑味嘅熱奶茶！.▫️玫瑰露恐龍 $48桃紅色嘅飲品好少見～玫瑰味 + 外表引起咗我好奇心🌹飲落又真係有玫瑰味 .如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b

約左朋友係銅鑼灣食新加坡菜，嚟到門口，有條白色既樓梯上一層，餐廳幾有空間感，座位亦坐得好舒服。係收銀處落單買完野食後，再等叫號出去攞食物。板麵湯分別有板麵、豬肉丸、炸江魚仔、滷冬菇、蛋、菜心、炸蒜等，係新加坡同馬來西亞常見既麵食。板麵麵條闊身煙韌；滷冬菇切成薄薄一片，滷得十分入味。喇沙釀豆腐(摻摻)碗麵望落鮮紅色，看似會辣到噴火，其實係好易入口既小辣。湯底質地偏濃稠，有淡淡既椰奶香味。上面分別有紅椒同茄子，炸豆卜入面放滿豬肉，食落幾有驚喜。麵底則係摻摻，即米粉加油麵。好索湯既關係，影完張相都係盡快食左佢。咖椰多⼠本身好鐘意食，多士香脆鬆化，牛油味偏重，幾好食。熱美祿冬天凍凍地既時候飲番杯，成個人即刻暖番哂。玫瑰露恐龍好靚既粉紅色同埋好香濃既玫瑰味，上面仲曬滿美祿粉，味道唔錯。

聽朋友說銅鑼灣近利園二期新開了一間新加坡餐廳，味道正宗，因此一直都想試試，最後便和太太抽空前往位置（8/10）：雖說設於較靜的街道，但由港鐵銅鑼灣F1出口步行前往3分鐘，走路2分鐘就可到軒尼詩道，交通算是便利環境（8/10）：餐廳設於餐廳1樓，需要走樓梯前往，座位分別有吧枱位、二人枱及梳位圓枱，燈光明亮，地方闊落，環境舒適服務（8/10）：下單可以在自助販賣機，亦可以到收銀櫃台，店員可說最少三語，見我們不知選什麼也會主動作出推介，非常友善。另外，餐廳設餐具及醬料自取區，基本是應有盡有食物（8/10）：本人對新加坡菜認識不多，看到餐牌時卻有點失望，本來期望有肉骨茶但卻沒有，選擇亦較少，幸好粿粉及釀豆腐等味道不錯麵粉粿乾 ～ $78新加坡菜必點之一，這裡用上麵粉粿、豬肉、炸江魚仔、滷冬菇、菜心、炸蒜及香蔥，我們點了乾炒，味道相當香而且不會太鹹，麵粉粿香滑惹味，炸魚仔及碎肉味道很出，豐富了味感，加上冬菇及切粒菜心，口感亦不錯客家釀豆腐（湯）～ $88經店員推薦點了客家釀豆腐，本以為是一碟菜，原來卻是配自選麵條，可乾炒或配湯。因為覺得釀豆腐應該偏油，便選了米粉沒想到上枱時原來不止釀豆腐，同時有

單憑個名A.T.A.S真係唔會估到係食星加坡菜。今晚收工就黎左一試。入口係地下，要行樓梯上一樓。入面裝修非常光猛，以綠色同白色為主，好新淨簡潔，感覺舒服。餐廳明顯主打釀豆腐菜式同麵粉粿。餐牌有招牌菜式，小食，麵條，飲品，都頗簡單。第一次黎，梗要叫啲招牌菜黎試吓。招牌釀豆腐拼盤 $128招牌釀豆腐拼盤有釀茄子，釀豆腐，釀苦瓜，同釀冬菇各2件，仲有釀紅辣椒同釀綠辣椒各1件，另外仲有2粒大肉丸。釀茄子好大件，吸左油，味道好好，上面塊釀肉比較實而有少少脆皮。釀豆腐大大件，稔滑豆腐配脆實釀肉好夾。釀紅辣椒帶少少甜，好味。釀綠辣椒就少少辣。釀苦瓜的確有少少苦，入面舊肉好大舊。釀冬菇既冬菇味香濃。大肉丸外脆內實而酸味重，必須點醬食。醬料自助，醬料有酸辣醬，甜醬，豉油同青辣椒。麵粉粿(湯) $78我第一次食麵粉粿。麵粉粿係用麵粉造嘅粿仔，食落有啲似意大利雲吞，其他配料有細細舊豬肉丸，鹹香炸江魚仔，好入味嘅滷冬菇片，温泉蛋一隻，嫩綠菜心，炸蒜同蔥。湯底似魚湯，唔太油，都唔重口味。辣椒螃蟹醬配炸饅頭 $98炸饅頭一客4件，炸得外皮金黃，而入面仲係白雪雪。個醬少少辣，咖哩味濃，蟹肉粒好多，送饅頭食哂都仲淨返