秋田鐵板燒刺身專門店

Open Now

Now Closed

今晚慶祝周年紀念，老公悉心揀左呢間鐵板燒餐廳，食完所有菜式後師傅會用炒飯為你做出喜歡既卡通人物圖案，然後寫底祝福字句，店員仲會幫你拍照，然後將相片打印出黎，作為紀念。食完仲有禮物拎走，真係開心。秋田二人前套餐季節沙律沙律有沙律菜、水晶海草、蓮芋等等，配以柚子醋，酸酸甜甜，好開胃。然後仲有餐前小食，就係煎到香脆既雞泡魚乾。魚籽鵝肝蒸蛋蒸蛋放係蛋嗀入面，造型十分可愛，蒸蛋非常嫩滑，裡面加入鵝肝，上面放有魚籽，非常惹味。鮮活龍蝦半隻龍蝦肉質非常爽口彈牙，味道鮮甜，醬汁係用蝦頭嘅膏煮成，味道超濃郁。而剩返既蝦頭都唔會浪廢，拎去煮清湯。原隻鮮活南非鮑魚南非鮑魚味道比澳洲鮑魚香濃，口感爽脆，彈牙，再配以忌廉昆布醬，食落口感幼滑，更能帶出鮑既鮮味。香煎頂級鵝肝鵝肝煎到外脆內軟，師傳配以黑醋醬可以減少油膩感，食多幾件都冇問題。鹿兒島霜降和牛薄燒卷牛肉油脂分佈均勻，肉質軟熟，肉汁豐富，入口即溶，牛肉味香濃，薄燒裡面加入蒜片和蔥花，味道層次分明。龍蝦清湯湯底用剛才剩返既龍蝦頭熬煮而成，用一個紙袋裝住黎煮，好特別，清湯特別清澈，鮮甜。秋田炒飯炒飯香口，配料有煙肉、蔥、櫻花蝦、蛋。炒野菜甜品甜品係豆沙燒餅拼雪

每年一度寶貝嘅生日佢嘅不二之選就係秋田。。。因為生日撞正考試所以今次預早慶祝，寶貝勁期待呀食飯bk咗6點，又落大雨，加上仲有疫情，所以餐廳呢個時間只有我兩。。。睇完餐牌好快就落單，因為每次都係嗰個餐終於明白唔同師父真係會有唔同味道，因為客人唔多，所以一個鍾左右已經完成咗呢一餐！食物味道比之前無咁好味之外，連賣點砌公仔都咁失望。。。所以今次嘅生日飯寶貝真係失望架!

由於正值考試時間，唯有後補寶貝嘅生日，壽星女一早已經講要去秋田食鐵板！無計啦！生日話事，佢仲話帶埋阿公婆一齊嘆。。。本新我係bk諾士佛台嗰間，打去Booking同 confirm時都無問，到嘅時候我先見到大厦已被業主收返，要去返天文台圍嗰間，真係有少少嬲！點解openrice無update資訊之餘，餐廳又唔提醒客人呢？不過算啦！寶貝生日咁開心，費事為小事掃興！睇完餐牌，我地㨂咗個四人牛餐，由於套餐隻蟹只係2.5KG，而當日嘅蟹係3.5KG,所以我地要補回差價一千左右，無所謂啦！最緊要開心。。由於生日，餐廳會送一舊蛋糕，而我自己都有買蛋糕。。。是晚實在太開心，師父風趣，食物質素又好。。。寶貝非常滿意，仲話下次都要搵返呢個師父！

第二次來到秋田，2月份去灣仔分店，今次與同事們Dinner就來了這分店。個人覺得前菜還是「蟹籽蒸蛋」比「鵝肝黑魚子蒸蛋」好食。另外，其他的飽魚、龍蝦、虎蝦、和牛、元貝...也很不錯^^最後，甜品-現烤豆沙餅 和 綠茶味雪糕都好好味！不過可能廚師師傅人手不夠，覺得上菜速度有點慢哦～

Dec. 2014 朋友仔今年生日, 但想比一個又好食, 又好玩, 又有得影得多相o既地方. 所以我就揀選左 - "秋田". (轉眼間好內無o黎過.)訂左枱, 不用等.  去片~~~我地兩人, 各自叫左一款不同o既餐, 之後將個"牛簿燒"升級去"厚切和牛". (人家生日, 氹下朋友仔開心.)1) 龍蝦新鮮指數係十. 我個人就偏向鐘意淡淡地味食龍蝦, 所以哩個整法並不是唔好吃. 只係個人o黎講唔太喜好; 但d 肉質炒得岩岩好, 唔會覺得(鞋). 食完個龍蝦, 師父會將個頭去煲湯. 但好似不太特別.2) 鮑魚 + 魚. (我朋友仔叫左"魚", 而我就叫左"鮑魚"; 所以有兩款)鮑魚新鮮指數又係10 !! 拎上o黎仲係咁(毓). . . . (A) 鮑魚. 彈牙, 又唔會太濃味. 但我更愛"魚"(B) 魚完全無諗到個魚咁好食. 一片片咁食, 唔會散. D 肉質又好味, 完全係無(梅)o既感覺. 真係外脆, 內軟. 如果再比我揀, 我會揀"魚"多過"鮑魚". 一來好食, 二來又經濟d. 3) 鵝肝多士我本身唔太好"鵝肝", 因為我不太懂得欣賞. 同埋高膽固醇, 間中食下好了. 但佢地