Le Rêve (Closed)

幾年前公司曾經在le reve包埸年會，當時對這個小店的食物印象頗深，所以終於今日午餐來重溫。本以為單點菜色會更優於包埸出品，畢竟是收千元一位的餐單，怎料，現實離梦想很遠，很遠。點了六道菜的tasting menu。此前已做足DD，對小食紫菜天婦羅及炸藕片頗为期待，希望愈大失望愈大，這面衣的厚度与留存的油令我疑惑：這明明是日法fusion餐厅，天婦羅必是基本功吧…面包是正常brioche，自家制黄油倒是味道甚好，咸鮮順口。到了前菜，小小兩個，炸櫻花蝦配烤麵包片，加吞拿鱼沙津配黑米cracker，味道不過不失，但有些平淡，實則未能起到开胃效果..鱼子酱gimmick足够，出埸自带仙气，味道正常。下層為三文鱼、芦笋、cream cheese和火腿酱汁。但不能理解厨师的不細心，把芦笋長條放在鱼子酱下，盒子這么小，把芦笋舀出來時很容易將其它东西跌落。188的收費可以做得更好。主菜一鵪鶉，調味尚可，櫻桃番茄與黑橄榄酱汁到位，但鵪鶉肉火候稍過。此外，番茄不酸，橄榄不咸，酱汁太稠且調味缺乏高光點。主菜二morel牛肚菌，牛肝菌加鲍鱼酱汁够鲜甜，菌和菜够清脆，但同鵪鶉一様的問題，酱汁太稠且調味无亮點。

今年我個好朋友生日, 佢話想試吓fine dining, 我見佢做緊優惠, 同埋食評都唔錯, 所以我哋就諗住試一試 我哋兩個都係第一次嚟呢間餐廳度食, 一入到去餐廳見到環境唔錯, 店員態度亦很好晚餐有4/6/8 courses, 店員推介我哋揀六至八個course, 最後我同朋友一齊揀咗六個course整體來講食物質素唔錯 我同我朋友都好鍾意個燒鰻魚🥰 有店員會係你面前燒一燒, 未食已經會覺得好期待 同埋最後個甜品都好好味~好似係黑芝麻mousse, 平時唔鍾意食mousse嘅我都覺得好好味 同埋我訂位嗰陣都有同店員講係慶祝生日, 所以到附送咗迷你生日蛋糕🎂 整體今次嘅用餐體驗幾好☺️

最鍾意發夢，之前已經嚟過呢間餐廳食lunch及dinner，今晚再嚟發吓夢！麵包用袋盛載麵包好得意，一打開麵包香氣四溢，熱辣辣，最愛牛角包，牛油味香濃而且一咬即碎，極級好味忍唔住refill咗幾次Pan Seared Hokkaido Scallop帶子輕輕煎到8成熟，切開後啲肉一絲絲，鮮味十足；下面係豆味好濃口感起沙嘅青豆蓉，夾埋帶少少鹹香嘅三文魚子一齊食；旁邊仲有一隻風乾咗嘅日本小澤蟹、開心果碎及竹炭脆條，食落脆脆哋，淨係睇已經滿足晒視覺效果Surprise Dish當然唔會係龍蝦咁簡單啦，原來龍蝦殼入面係松葉蟹肉蛋沙律，上面加咗白桃及黑魚子醬，蟹肉香味濃郁，完全冇被其他配角奪去光彩；旁邊嘅芒果及raspberry gel，除咗靚之外，亦都為看似平淡嘅蛋沙律添上層次Lobster Tail真正嘅龍蝦尾而家出場嘞！上面有菠菜泡沫，醬汁用黑椒、青椒及紅椒一齊煮，有少少辣但非常刺激味蕾！龍蝦尾用慢煮方式烹調，肉質爽口彈牙而且鮮味十足Surprise Dish先淋上玫瑰露再點火，藍色嘅火焰好靚啊！之後將鮑魚加入昆布湯及蘿蔔，鮑魚肉質煙韌，玫瑰露味道都冇搶走鮑魚嘅鮮味Kagoshima(+$

今日來咗呢間日法式餐廳食飯，一入到餐廳就有個靚仔經理招呼入座，睇完餐牌之後有幾樣主菜都想食，包括beef short rib、iberico pork loin、同埋chilean seabass，聽完靚仔經理推介後我最後選擇咗chilean seabass。頭盤蘋果核桃開心果沙律，選用青蘋果同秘製醬汁配搭，味道對我來講較酸，但幾開胃，而我較喜歡個餐包，因為個麵包係熱辣辣出爐咁好軟，我曾經食過有d餐廳嘅餐包唔係唔熱就係硬到石頭咁，呢間嘅餐包係我鍾意嘅，不過佢地嘅牛油如果用返普通軟身嘅黃牛油我會覺得好味D。之後上個湯，呢個湯係南瓜忌廉湯，望落去好似無乜材料咁但飲完第一淡之後我就愛上了個味道，好濃南瓜蓉好好味如果佢一煲上我唸我都飲得曬主菜個魚一上檯，個香味撲鼻以來（真係好香好香），魚皮煎到脆邊香口，魚肉好彈好入味，配菜嘅忌廉薯仔菠菜，配個青口泡沫汁喺個魚上面，呢個泡沫屬份子料理，同個魚味道配搭得好好，真係好特別值得推介。最後個甜品係雪糕同d麵包糠配搭，味道唔太甜，好適合飯後食（我好怕超甜果d 甜品做一餐飯嘅尾聲）因為太甜要飲好多嘢來浪口我唔太鍾意。呢間餐廳環境唔錯，有情調，感覺到食物好用心