泰邊爐 (Closed)

冇半價都想嚟試，今次見到有半價優惠，下午時段即刻上嚟見識下，呢度環境都算企理乾淨，裝修就普普通通，座位唔擠迫幾舒服，現場播放泰國音樂，增加泰式氣氛，不過洗手間同埋廚房後欄嘅衛生就真係比較差，濕濕笠笠，隨處有廁紙有冇清掃，確係需要改善！食物方面除咗有食物吧枱可以自己拎嘢食，飲品同甜品之外仲有點菜單可以叫一啲肉類，海蝦，鯇魚片同埋蔬菜，選擇都算幾多， 其中在吧枱攞到嘅炸魚皮同蝦片，相當好味，值得一添再添，不過泰式食物就真係冇乜！相反，湯底方面就有泰式嘅選擇例如冬陰公海鮮湯和青咖喱雞湯，不過今次我揀咗椰子雞湯椰子味相當濃，雞肉亦都好滑，不妨考慮試試。飲品就提供罐裝啤酒，果汁和茶之類，任拎任飲。總括嚟講，食物嘅質素係中等，特別值得一讚係蔬菜非常新鮮，無優惠都只收$178，都值回票價。

今日搵個朋友係旺角食野，跟住周圍行搵地方食野，跟住收到呢間餐廳嘅傳單，朋友話平平地想去試下，於是走左入去試下。跟住經店員介紹，原來餐廳係岩岩開業,不過由於我地第一次食泰式火鍋，而且餐廳裝修都幾有特色，所以有啲期待 前菜餐廳唔係淨係食任食邊爐架，仲有好多唔同嘅前菜！而且連生菜包都係任食架，生菜包嘅肉一啲都唔會乾身，啖啖都好惹味，而且連生菜都夠晒新鮮，餐廳果然係夠泰式風味。牛肩肉拼盤牛肩肉首先切得夠好，肉嘅顏色夠鮮色艷，份量亦都好足唔會太小，煮完之後肉味夠濃，又夠嫩海鮮拼盤海鮮拼盤裡面有蠔，有鮑魚，有蟶子仲有半條烏頭，真係超級豐富架！特別係烏頭，烏頭入口唔會霉，肉質真係唔錯，餐廳應該係即日開嘅魚，味道夠鮮味，唔會煮完一夾就散晒。任食肉類肥牛等肉類都算質素唔錯，每次出嘅份量又夠，味道都算唔錯，唔會淨係得雪味甜品餐廳有提供幾款泰式甜品，俾客人從頭到尾都有泰式享受我最鐘意嘅就係糯米飯同埋大菜糕，糯米飯軟度岩岩好，配埋餐廳自家製芒果椰汁，真係好食到停唔到大菜糕唔會太甜，入口口感唔錯又唔會太軟身，而且形狀成朵玫瑰咁真係好靚二個人每人兩百蚊已經食到飽晒，真係好滿足，搵日再黎食先得

本來想上樓上打邊爐，系排隊時見到個寫住“好食到變泰”gea logo~ 樓上又full趕客，咪落去試下間餐廳新開，門口個大象logo超靚，裝修好有心思。d員工一開門就會大叫sawadeeka，真心笑左！！自助＋任食打邊爐158其實真係無咩expect，但係又OK禾，真心覺得自助bar好正好吸引。打邊爐爭扎左好耐最後揀左椰子雞湯底，個湯底好濃好香，但係雞就無乜。。。而且配料選擇唔算好多，d staff話下次會有多d choice。掛住食唔記得影個鍋