Oak Tree Ristorante (Closed)

之前已經想試呢間餐廳，覺得好有情調，所以買左團購套餐試下。生蠔好新鮮，套餐包8隻普通款，可以加少少錢，試其他款，有4款選擇。今次揀左2款試，幾好味。鴨胸沙律，配醋汁，好開胃。磨菇湯好creamy 特登黎試個龍蝦，超失望，隻龍蝦勁少，啲肉得2隻手指甘多，仲要肉質麻麻，差。好彩另一主菜，揀左肉眼扒，否則真係會餓暈。塊扒中規中矩。最精彩係睇廚師整卡邦尼意粉，其實4人用餐，已送一份下次享用，好抵。原本想食焦糖燉旦，點知嗰晚無，揀左 tiramisu，都好味。整體黎講，買團購套餐係好抵嘅。但不足之處係員工培訓不足，啲菲籍員工完全唔知個餐食乜，拎住個menu落order都落左幾次，問左幾次，之後都係錯，結果要經理執手尾。

某日朋友send左段片過黎，令我千方百計都要搵呢間餐廳出黎！一嘗用整個芝士輪煮出黎既carbonara究竟係咩滋味！search一search，發現要係香港食呢個特別煮法既卡邦尼餐廳唔多，而呢一間稱得上老至號餐廳燈光比較暗，睇得出裝修已有一段時間由於星期五晚關係，餐廳已有九成滿坐專程到訪∼必點carbonara！！登登...表演時間到廚師先係客人面前用pan將意粉同煙肉用明火烹調，然後燃點"神燈"杯上既酒，倒落36個月醃制既芝士盤上，令芝士melting變得creamy香濃！隨即加入意粉任意地係巨芝士上係咁沾取∼感覺太奢侈啦！真係想同廚師講：我唔趕時間，可以煮耐啲嫁！哈哈！即使冇加到Single Cream，味道依然好rich，更加㗳真芝士味！再加生蠔同pizza，好full，好滿足

呢度原先係中興酒店，遙身一變已變成如今嘅彩虹酒店。途經時被酒店外嘅餐牌吸引住，想唔到喺呢啲舊區內也有意大利餐廳。但原來餐廳內有標示表明此並非酒店經營之餐廳，絕對是獨立營運。沿酒店內樓梯步上一層便是Oak Tree，裝潢比想像中更富格調，最特別係吧枱內嘅大焗爐，加上有兩位外籍廚師坐鎮，頓時意式風情大增。場內亦有人唱live，氣氛不錯。到訪時8時多，店內約8成滿，不乏一家大細嘅訪客。食物選擇唔算多，意粉或薄餅等約百多元；扒類則二百多至三百元，價錢不算便宜。晚市有set dinner，包括生蠔、沙律、餐湯、主菜、飲品及甜品。兩個人，點咗一個set及pizza，另外加一杯白酒。餐飽好香，表面滿是煙肉粒及香草。不錯。生蠔雖然較細，但尚算新鮮及清甜。凱撒沙律醬汁有點稠，味道怪怪的；蔬菜太濕身，有點梅的感覺。碎芝士味道不突出，麵包粒也是淋的。此時開始感覺不妙，連最普通嘅凱撒沙律亦做唔好，真係professional極有限。龍蝦湯呢碗小小龍蝦湯嘅等候時間頗長。溫度足夠，味道濃郁中又帶點酸，可惜沒有配料及略咸了點。不過我還是覺得pizza hut的龍蝦湯較美味。辣肉腸薄餅賣相一般，感覺較乾身。餅底尚算脆