Season Oyster & Wine Bar (Closed)

黎到呢間出名食生蠔既餐廳，估唔到竟然係扒類好食D！！！！好開心呢排都重係做緊南非蠔，真係好食！南非蠔除左有海水味之外，重有好重既餘韻，層次非常豐富！如果叫酒既話，就可以用優惠價去叫生蠔！！50蚊12隻！即係4.1蚊一隻炸！如果你想再加食，都可以試9蚊一隻既生蠔！都係好抵食！阿魚對甜酒係情有獨鍾，所以就叫左Moscato！$318不過有樣野真係估佢唔到，就係扒類出乎意料地好食～～～～💛羊仔架💛 $168唔會太熟，好粉嫩，好 JUICY ！又唔會太騷～～～💛豬肋骨💛 $198有2大舊豬肋骨，唔會係醬汁味重過豬肋骨，厚肉，幾好食！💛Season Oyster & Wine Bar💛📍銅鑼灣信德街14號地舖港鐵天后站 B 出口, 向銅鑼灣方向步行約5分鐘📞25556639⏳星期一至四15:00 - 23:00星期五至六15:00 - 00:00星期日15:00 - 23:00

今晚同勁鐘意食生蠔既男朋友黎到銅鑼灣食生蠔，食到好滿足。精選生蠔$9隻，超抵食，我地叫左1打半。雖然細細隻，但好creamy，性價比超高。美國中碼生蠔 $18隻，我地叫左4隻，蠔肉比較飽滿。南非生蠔No.1 $29隻，我地叫左3隻，第二大隻，食得到海水味。法國生蠔No.0 $39隻，我地叫左3隻，係最大隻，相對比較鹹。烤焗海鮮拼盤有芝士焗原隻龍蝦、巴馬臣芝士焗扇貝2隻、蒜蓉翡翠螺4粒、芝士黑松露焗大啡菇1隻、牛油蒜蓉焗虎蝦2隻，同樣好抵食。全部食物都係即做即做，慢功出細貨，兼保持到新鮮同熱度。威爾斯羊仔架配有沙律同薯角，羊架口感夠腍，無羊膻味，size都大好件，好有水準。

經過銅鑼灣，見到間酒吧生蠔好抵食，又有手工啤😊🌟中碼生蠔（$18 一隻）生蠔即叫即開，好新鮮，咬落好Juicy，必點😋🌟 蜂蜜柚子手工啤（$58） 手工啤近排hit，加上又見到有唔同味道既手工啤，好吸引，所以叫左蜂蜜柚子，原來飲落同手工啤既味道都好夾👍🏻👍🏻🌟 黃金炸豆腐 （$58） 炸豆腐係小弟鍾意食既其中一個小食，炸完外脆內軟，豆腐好滑，送酒一流😋👍🏻🌟 炸爆汁廣島蠔 （$68）名符其實真係爆汁😂，廣島蠔🦪肉飽滿，鮮甜，粉漿唔厚，即叫即炸，好好食😋😋🌟 日本熊本霜降西冷（$198） 好耐無去日本，所以叫左個日本牛，煎完放耐左都無血水出，肉味香濃，彈口，無筋，大家黎到食晚餐可以試下😋😋

我一向都鍾意食生蠔，雖然唔係特別識食…今次同女朋友嚟食呢間生蠔都算有驚喜！餐廳提供四款生蠔，我地樣樣都叫咗幾隻，最平嗰種$9隻，我地就叫咗一打半。我同女朋友都認為最平嗰種反而最好食，creamy正正…另外叫咗個海鮮拼盤同羊架。海鮮拼盤都算幾好，幾多款嘢食。羊架真心抵，百幾蚊但好大件，我諗同一般食開嗰啲比較，佢一件等於其他餐廳兩件！如果想扮少少豪氹男女朋友開心，又想抵食夾大件，呢度會係一個好嘅選擇！！

餐廳招牌是以一片綠葉作為背景，一眼就能看到店面環境舒適，很適合跟好友飯聚聊天牆身也很適合拍照呢食物方面就像標題說的⋯真的是超抵食生蠔是真的沒有騙人喔！！！如果有叫酒的話仲有優惠價添所以我們也試了這兩款生蠔我就比較喜歡精選生蠔，雖然不夠Creamy但勝在海水味夠出，雖然$9/隻（半打起）但質素一點都不差喔！又抵食又高質然後是美國中碼生蠔（$18/隻），這款就較為肥美而且比較Creamy，但海水味就沒有精選生蠔這麼重！烤焗海鮮拼盤 $298分別有大大隻扇貝、螺、蝦、龍蝦和大香菇好香好惹味，蝦肉仲好彈牙美國安格斯西冷 $198美國安格斯肉眼 $228超大份肉眼扒，7成熟剛剛好，就連配菜的薯角都好好味香草焗比目魚 $68飲品方面除了酒之外仲有果汁和柚子蜜選擇總括來說：以這樣的價錢食生蠔絕對是超值，而且主菜的價錢也很合理，可以說是一間很適合跟朋友好好聊天相聚的西餐廳喔！

世界真細小。港島區的朋友約食飯，説要飲酒談心，約了在中央圖書館、聖保綠醫院附近的這間餐廳食飯。來到發現這裡餐牌和價目都似曾相識，原來我上星期到過他們於觀塘的分店食過！因為朋友愛酒，計過點生蠔package 最抵，$198有一打生蠔連白酒一枝，雖然明知不會是高級的酒，但平時叫一杯house wine 都起碼要四、五十元，現在一枝酒連十二隻生蠔只是這個價錢真的物超所值！生蠔頗大隻，質素不錯。生蠔套餐送的意大利白酒一枝。這裡有多款小食併盤供選擇。愛吃「熱氣嘢」的我，點了炸物併盤，可自選四種食物，我選了薯條、魚手指、元貝粒和雞翼。炸元貝粒最好食，炸物冇得輸。其實一邊飲，一邊傾，吃得慢，淨吃頭盤已有八成飽，但朋友堅持要點一個主食，於是就點了比較容易share食的牛肝菌意大利飯。意大利飯煮得幾好，軟硬適中，芝士味和菇菌都很濃。

Season Oyster & Wine Bar 開業於銅鑼灣信德街，地點隱袐，要不是在細周生上興趣班的商廈對面，也不知道有一間蠔吧餐廳存在。 餐廳可分為兩大部份，近入口的地方，設有多個層架，擺放了各式各樣的佳釀，可供選購。至於內部，則是餐廳的用餐區，擺放了五六張餐枱。灰牆木枱木地板，幾幅時尚掛畫，就是餐廳的裝潢，十分簡約。 來到蠔吧餐廳，當然要試試這裏的生蠔與海鮮。因海鮮拼盤正做優惠，由原價 $298 減至 $198 一客，十分吸引，怎能錯過！每份拼盤包含六款海鮮，款式分別有生蠔、青口、鮑魚、翡翠螺、海蝦及龍蝦。整體的賣相鋪排普通，但計及價錢仍算吸引。 生蠔產自愛爾蘭，體型窄長，蠔肉比較瘦削，鮮香味道較難填滿整個口腔，再加上海水味濃，個人覺得食味一般。青口、翡翠螺與海蝦的水準恰如預期，結結實實的口感，清清甜甜的味道，交出應有的功課。鮑魚是唯一一款經調味加工的海鮮，以醬油浸泡燒煮，洋溢一份和式風味，加上軟彈的質感，味道不俗。原隻波士頓龍蝦大小適中，二人分享份量剛好。相比其他海鮮，龍蝦的優勢當然是「啖啖肉」，尤其是龍蝦鉗部份，蝦肉頂角豐實，一氣吃下滿足感十足！ 冷盤過

呢晚同朋友去「Season」食蠔 小妹喺摩頓台落車 行入小路先來到 唔係朋友介紹真係唔識嚟一入門口 就見到右手邊嘅bar檯放咗個長長嘅冰盤 上面放住唔同種類等緊畀人食嘅生蠔另一邊有唔同種類嘅酒精飲品為咗唔令海鮮變質 店內嘅冷氣開得有啲凍... 嚟幫襯嘅朋友記住著多件衫小妹問店員要水 佢拎咗成支過來 太方便了朋友book檯時pre-order咗幾款生蠔 我哋一坐定 店員立刻送上！3款生蠔排得好整齊 用冰粒墊住... 好多人會用檸檬汁中和腥味 不過小妹最喜歡原汁原味！店員建議由左至右順序享用最左嘅係「南非Rollx生蠔No.1」 最肥大飽滿 肉特別厚中間係「法國Schaller生蠔No.1」 有明顯甜味 肉質特爽最右係「法國KRY生蠔No.1」 海水味偏重 size較細順帶一提 生蠔通常用重量分等級No.0最重 No.2最輕 呢度嘅No.1都唔細啊「煙三文魚沙律」不過不失 有四大片煙三文魚 店員話加咗黑椒更好味 但怕我哋唔食得辣 無幫我哋加（幾細心啊） 加咗確係唔錯！「牛肝菌意大利飯」係朋友點嘅 小妹第一次食牛肝菌 係一款薄身嘅菇 味道好似無蘑菇冬菇嗰啲咁濃烈 但咬落好爽口 個汁好「傑」

海鮮控朋友介紹說銅鑼灣有一間隱世蠔吧，我起初都半信半疑，因為銅鑼灣是香港其中一個人煙稠密的地區，有可能還有所謂隱世美食嗎？！＊＊＊＊＊＊＊＊＊＊＊＊＊＊＊＊＊但當我按圖索驥找餐廳位置時的確花了不少時間，因為餐廳門面放滿不同的紅白酒瓶，而且入夜後的德信街，大部份的商鋪都已關門，驟眼看會以為餐廳是一間過了營業時間的酒窖，行近一看才知道原來就是我們要找的餐廳。餐廳呈長方形，門口右手邊是水吧兼廚房，而左手邊是一個存放了大量紅白酒的酒架，紅白酒價錢不貴，但見大部份二百多元已經有交易。再向內進，是多張二人餐桌。食店沒有太多裝潢，反而令人有種暢所欲言，不怕聲浪過大而被側目的感覺，生蠔可算是我最喜歡的海鮮之一，來到蠔吧怎有不試生蠔的道理，我們就點了數款試試。餐廳每日有數款生蠔供應，價錢由$9至$39，定價都算合理。Kry No.1 ($29)來自法國的Kry，蠔肉比較細小，但海水味都幾重。Scaller No.1 ($29)Scaller同樣來自法國，除了有黑色裙邊，近帶子位帶點橄欖綠色，非常易認。Scaller體形較少，海水味重得來口感也creamy。Pacific Oyster Jumbo ($3