老掌櫃東北菜館 (Moved) New Location

香港其實都唔係太多間食東北菜既餐廳，今日就去左大角咀既老掌櫃一嚐東北風味。我地一行三人叫左4樣野，有醉雞、雞絲粉皮、白菜豬肉餃、秘製杭州骨同埋蘋果拔絲。而我覺得最值得推介既係醉雞同雞絲粉皮呢兩個凍盤，首先呢間餐廳價錢真係無得輸，而份量同質素都有返咁尚下。另外醉雞做得十分出色，花雕酒嘅味入晒落隻雞度，而呢間餐廳嘅醉雞喺用雞髀位去做，所以包保食客食到雞最滑嘅部份。仲有雞絲粉皮亦喺我好喜歡嘅菜式嚟，麻醬嘅份量啱啱好唔會蓋過雞絲同青瓜嘅味；而其他菜式相對下就唔係太特別了。

搬進大角咀呢個社區都已經好一段日子了，但每次經過呢間小店總係俾佢長長既人龍嚇怕，見到門口果句「如等超過十五分鐘就免費送高力豆沙」就已經知道呢度一定好受歡迎，無返一頭半個鐘既耐性的話都唔駛旨意入到去。是日難得早放工，六點鬆D就已經去到門口。可能因為時間較早既關係，餐廳只係半滿，order左既食物唔駛太耐就已經上枱。糖醋裏脊︰排骨酸酸甜甜咁非常特別。排骨切到非常之細件，好似一口牛咁既size非常容易入口，再加埋薯仔、波蘿同埋洋葱等等既配菜令到佢「酸mei mei」既感覺非常突出。麻辣墨魚頭︰非常特別既一道菜。本來想簡簡單單就咁叫麻辣墨魚就算，但諗唔到原來「墨魚頭」係咁爽口既。麻辣既醬汁同一般連鎖式餐廳食到既差唔多，唯一要讚既係「麻」既感覺，真係要將食物放入口「一小陣」先至感受到，唔似得平時食開果D工場製作既產品咁一味只係得個辣字。擺埋青瓜落去一齊食更加可以中和下辣既感覺，超正！白菜豬肉餃︰因為個人好怕韮菜果陣味，所以要左白菜豬肉instead。因為撈左白菜，入口既感覺非常之爽口，而肥豬肉既portion都啱啱好，帶出爽口既感覺之餘亦唔覺得只係想cut cost起勢咁用！排骨擔擔麵︰抵到爛！

男友說下班後去大角咀吃片皮鴨，心裡很狐疑，有這樣的好地方嗎？我們訂了19:30的位子，後來因為在公司加班，臨時要改為20:30的檯，因為改得容易，我還在想應該是客人不太多吧。來到卻完全不是那回事，因為全場爆滿之餘，門口亦已經出現了等位的人龍，當下實在慶幸自己有訂位子。還記得同樣的位置，之前是高檔火鍋岩手日膳，現在已變了主打東北菜的老掌櫃。店子不大，位子有點迫，店方沿用之前已打通的隣舖，裝潢上很有中式獨有的喜慶感，氣氛非常熱鬧。店員的樣子很純樸，廣東話聽起來不太純正，未知是否東北人，但又似乎沒有東北人那種粗豪，論笑容和服務，可能比某些地道的香港人更友善一些。先點了餃子醫肚，餃子款式有接近10款，一碟10隻，最少可叫半份。我們點了白菜和酸菜兩款，每款各5隻。以前常常跑汕頭T字大廠見客，該處方圓百里沒什麼好吃的，午餐例牌去東北餃子店，$10已經吃到撐。眼前的餃子那像隨手握出來的形狀，以及那厚厚的口感均令人非常懷念。店方採用的麵粉有陣獨特的味道，個人不算很喜歡。白菜沒有想像的清甜，反而酸菜帶少少酸味味，比較特別。接着的是今晚的主角片皮鴨半隻，師傅片開18片肉，鴨皮帶有少許鴨毛，白色的薄餅皮有1

各樣食品都好水準而且都幾大碟！值得一試再試，下次去想試下水煮魚同醉雞！好鍾意週圍食餃子嘅男朋友都勁贊呢間D餃子好好食，而且十隻先38蚊，抵！最正係個甜品唔會係勁甜個啲，又熱熱地，正！

星期日去了奧運站「八卦」一番，當然順道「覓食」去。眼睛慣了四處探索的我，忽見暗巷內掛著紅紅的燈籠，店門前更現小撮人群。於是前去查看，原來是一家名為「老掌櫃」東北菜館。新店開張不久，已獲對面大廈管理員伯伯的讚許，我們在悶熱的天氣裡，挺著美食的誘惑，鮮有地耐心等候著。輪候了45分鐘，終可入內了，被安排與另外一對年青夫婦分享同一張五人的桌子。「老掌櫃」向顧客提供熱茶，不過欲降降體溫，還是先來一杯豆漿解渴。豆漿水準一般，豆味較淺，輕微過甜。先上的是肉三鮮餃。餃皮厚中帶韌勁，包工並不講究，卻展現出北方人隨意、具氣重的特質。餃皮質感之佳，肯定不是外購的貨色可媲美。入口餃子鬆緊有序，不會過於鬆散，也不會密不透風，可感應得到三鮮三款不同的餡料。蝦仁、豬肉和韮菜的質感和真味，於味蕾上玲瓏乍現，各展姿采。而味道則鮮而不濃，汁多不油膩，吃罷，餃子讓人感到異常滿足！很喜歡「亂」這個字，用在菜式身上，我認為就是廚師不經意的傑作，又或是食材在胡亂配搭下，產生出不為人發現的美味！用瓷鍋子盛上的「亂」，色彩斑斕，有著家常菜之觀感！東北亂燉是薯仔、紅蘿蔔、四季豆、粉條和豬肋骨的大集薈。嚐了幾口，除了豬肋骨鬆軟度恰好，帶