靚煲皇 (Closed)

今晚朋友帶路去搵靚料打邊爐。 店舖在旺角地鐵站附近。 沿著亞皆老街往大角咀方向地舖。 食店面積不大， 簡單裝修， 好有有地道打邊爐風味。湯底我們選了澳門正宗豬骨煲$108很久沒有吃豬骨煲了， 猶記很多年前澳門豬骨煲盛行的時候， 個個禮拜都會同friend豬骨煲飲嘢。這個豬骨煲落足料， 豬筒骨大大嚿份量不少， 湯底鮮味唔感覺到有味精。 粟米都超甜， 感覺健康得來惹味。 醬料的的盒子很精美。醬油很重要哩!金沙秋葵$78很推介這款金莎秋葵小食。 邪惡和健康互相交纏， 估唔到好食過金莎乾扁四季豆。 因為秋葵本身外皮稍硬內裏潺滑， 口感多重， 味道甘甜， 配合蛋黃的鹹香， 非常美味的小食。泰式炸蟹餅$98再來是泰式炸蟹餅。 估唔到係堅好食，仲好食過喺泰國餐廳。 蟹餅香甜彈牙， 唔會過鹹。 Size 唔細，足夠四人分享。 黃沙豬潤靚豬潤唔係時時都可以喺火鍋店吃到。 今晚這個 質素唔錯， 豬潤厚切， 淥完之後個心都唔會乾。 有番少少口得來又是全熟，手切肥牛雪花分佈平均， 肉質顏色鮮明， 靚嘢真係唔使講， 入口甘香味濃， 油花肉味平行， 無得頂。白鱔片都很爽彈， 有少少短骨， 但肉質肥美， 淥耐左都

正值二十四節氣之大雪我們又一起出動吃火鍋被安排在露天位置北風送爽更有風味先點兩款頭盤作開場禮泰式蝦餅香口惹味豉油皇鵝腸煙韌肥瘦適中胡椒豬肚湯是暖胃之選材料超多還有鮮嫩滑雞湯底濃厚不沾豉油也ok二人點小份手切肥牛已足夠牛肉比較瘦削但肉味濃厚極上黑豚肉豬味超濃半肥瘦雖邪惡但非常美味鮮蝦雲吞大大粒扇貝一客共有四顆鮮甜好味肉質爽口手打芝心墨丸是心思之作一口咬下去芝士湧出又是另一邪惡之作白鱔片油脂豐腴又嫩滑獨有的味道令人吃上癮響鈴新鮮炸起燙口泡在湯頭裡五秒就可以食用二人滔滔不絕的重溫中學舊事邊吃香邊喝辣樂趣無窮

香港人除咗生活急促，生態仲好獨特，例如鐘意冬天食雪榚、夏天打邊爐，突然挑起條筋想試下「如何大熱天時打邊爐」。不過人大咗，相對起「任食」，「質素」更形重要，記起大角咀有間「靚煲皇」，搬鋪後一次都未去過，於是就約埋男公關再次出征。成年無嚟過，由樓上鋪搬去對面街樓的地鋪，雖然Size好似差唔多，不過裝修同座位都大有進步，由平民化升級感覺更高檔。檯凳新束束之剩，亦有椅背，坐都坐得舒服啲。冷氣通風都唔錯，雖然夏天，有冷氣打邊爐無難度，而且食完唔會個身一陣「邊爐味」。仲有細檯仔同籃用嚟放袋用，相當貼心。特別要讚嘅係除咗有電視，仲有Wifi同USB差電口，慢慢一邊打爐，一邊打手機Game長期作戰無難度！一埋位阿姐就送上前菜，花生瞬間掃清，但酸瓜對好多人嚟講就真係太酸，幾乎無乜食過。除咗前菜，阿姐亦會遞上醬料Box，方便客人依個人口味「混醬」。邊爐湯底有好多種，除咗平時嗰啲「沙嗲」、「皮蛋芫荽」等，仲有「冬陰功」、「豬骨煲」、「花膠海參雞」等多種特色湯底。亦有少量鑊氣小炒，不過打得邊爐就唔叫Lu。靚煲皇 $238雖然想叫「花膠海參雞湯」，不過因為有朋友唔食花膠，最後都係要「靚煲皇」。本身就係胡椒豬骨煲

是晚放工到旺角逛街，同行好友C最愛日菜及火鍋，因早兩日已飽吃了一頓日菜，大家的目光也落在附近的火鍋店，最後選了一間未吃過的「靚煲皇」。餐廳位置不算很近旺角中心，反而在奧運住宅區對面，相信顧客群以附近街坊為主。店內裝潢簡單，有電視直播。枱底有小籃供存放個人物品，更有叉電插座，安排貼心。或許時間尚早，店內食客不多，用餐環境固然鬆動寧靜一點。 湯底選了花膠海參豬骨湯，花膠選材小巧，薄身，膠質不重。海參食感腍中富彈性。豬骨醃製稍過火，鹹了少許，幸而放湯後湯頭不但又不覺很重味道，反而留有一點清甜，味道比預期佳。除以上食材，湯中亦放有紅蘿蔔、蘿蔔及粟米，普遍味道甜美不俗。 火鍋重點之極上肥牛，肉色紅潤，脂肪含量適中。輕輕一灼，肉質嫩腍，肉香交到功課，但未算特別濃郁。反而碟中襯上數件牛肉粒，吃起來鬆軟富肉汁，評分更佳。極上黑豚肉是另一肉類食材，相對肥牛，豚肉肉香濃郁一點，性價比高一點。 海鮮生料只淺嚐了白鱔片，鱔片切得很薄，無骨，輕輕一燙已可食。魚味都算新鮮。倘若鱔片能厚切一點而同樣不留骨，囗感魚香必然更佳。 因人數不多，要一次過多嚐多款丸類唯有選手打四寶丸，內含墨魚丸、蝦丸、豬肉丸及黑椒牛丸